O candidato foi apoiado polos afiliados no congreso local celebrado este sábado coa participación de representantes da formación popular a nivel autonómico, provincial, comarcal e local
Xove, 22 de febreiro de 2026. Daniel Alonso foi proclamado presidente de Novas Xeracións de Xove no congreso local da formación xuvenil do Partido Popular.
O novo presidente, de 25 anos e graduado en Administración e Dirección de Empresas, interviu no Congreso xunto á presidenta do PP da provincia, Elena Candia; o alcalde e presidente do PP de Xove, Demetrio Salgueiro; a presidenta de NNXX de Galicia, Nicole Grueira; o presidente de Novas Xeracións da provincia, Miguel Gallego; e o alcalde de Ribadeo e ex presidente de NNXX da provincia, Dani Vega.
Daniel Alonso forma parte activa da actividade asociativa do municipio xa que é o presidente da asociación de veciños de Xuances e tamén é membro doutras directivas de diferentes asociacións da Mariña e do comité de control económico da Federación Española de Bolos.
O presidente electo puxo en valor aos membros da executiva como “un equipo comprometido e con ganas reais de traballar por Xove” e subliñou que “pretendemos facer as cousas con sentido común e pensando nos veciños. E para iso escoitaremos á xente, propoñeremos ideas e colaboraremos para que o noso concello siga mellorando”.
Demetrio Salgueiro quixo poñer en valor “que haxa xente nova interesada pola política e, sobre todo, por aportar ideas e traballar de forma desinteresada polo noso concello”. Como presidente do PP de Xove subliñou que “os acollemos a todos cos brazos abertos tanto para arroupalos como para escoitar as súas ideas para contribuír a construír un Xove mellor”.
Dani Vega felicitou a todo o equipo por “comezar un camiño para unir xente ao proxecto de Novas Xeracións e do Partido Popular” e para iso “teñen en Demetrio Salgueiro un espello onde mirarse” porque “Xove ten un dos mellores alcaldes da provincia e da Mariña, unha persoa leal, traballadora e que acolle a todo o mundo”. Nese sentido, recomenda aos novos dirixentes de NNXX de Xove “moito traballo, adoptar estes cargos con moita responsabilidade e lealdade máxima ao Partido Popular e, por suposto, ao goberno local de Xove”.
CADA DÍA MÁIS
O presidente provincial de Novas Xeracións, Miguel Gallego, deulle a noraboa a Daniel Alonso e todo o equipo de Xove que se suma a outras agrupacións locais como Viveiro, Vilalba, Carballedo ou Outeiro de Rei que teñen renovado a dirección de Novas Xeracións. Así mesmo, avanzou que proximamente tamén se celebrarán os congresos de Cervo, Burela e Chantada.
Gallego puxo en valor tamén o incremento de ata 5 veces máis o número de integrantes da xunta directiva provincial que, paralelamente, ten incrementado a súa actividade tanto nas redes sociais como a súa participación en actos do Partido Popular e en eventos sociais da provincia.
EXECUTIVA DE NOVAS XERACIÓNS DE XOVE
A executiva de Novas Xeracións de Xove que encabeza Daniel Alonso complétase con:
– Beatriz García, secretaria xeral
– Javier Alonso, secretario de organización
– Xenxo Salgueiro, vicesecretario de Medio Rural e Mar
– Irene González, vicesecretaria de Acción Social e Xuventude
– Martín Canoura, vicesecretario de Comercio e Industria
– Marcos Fernández, vicesecretario de Deportes
Ocorreu pasadas as 15:30 horas. Un traballador tivo que ser evacuado ao hospital logo de caerlle o tronco dunha árbore enriba mentres realizaba tarefas no monte en Cervo. Aínda que estaba liberado e consciente, precisaba asistencia sanitaria. Os profesionais de Urxencias Sanitarias de Galicia-061 trasladárono finalmente ao Hospital de Burela. Neste operativo tamén participaron a Garda Civil e a Policía Local de Cervo.
Subliñou o traballo colectivo, o papel do voluntariado e a participación de arredor de mil corredores. Tamén puxo en valor o impacto económico e social da proba e o apoio institucional que permite o seu crecemento, incluída a difusión en streaming que levou a CAMOVI e a Viveiro a todo o mundo.
O presidente, José Manuel Gómez Puente, destacou o bo tempo e o reencontro do grupo nun percorrido de 22 km entre Pedrafita e Triacastela. A próxima etapa será o 1 de maio, entre Triacastela e Sarria, e xa está aberta a inscrición no teléfono 623 22 68 25.
Ás doce en punto, tres foguetes —un por cada palabra do nome oficial— foron lanzados desde O Castrodouro, capital histórica do termo municipal e orixe da localidade, pois alí, hai 806 anos, Afonso IX concedeu o título de vila e todo un distrito que administrar; episodio histórico do que deriva o nome do concello. Os veciños reunidos mostraron a súa satisfacción pola recuperación da denominación histórica, afirmando moitos deles que nunca deixaran de empregar o nome completo. Do mesmo xeito, os maiores agradeceron aos impulsores da iniciativa a restitución do topónimo que a historia legou ao municipio alfocés.
Viveiro, 20 de abril, 2026. A proba volveu converter Viveiro nun punto destacado do deporte e da convivencia, ademais de supoñer un impulso económico para o municipio. María Loureiro destacou que a Camovi “é un exemplo de colaboración e esforzo colectivo, que sitúa Viveiro no mapa e dinamiza a economía local”. O Partido Socialista lembra o seu apoio histórico á carreira e reafirma o seu compromiso para seguir contribuíndo ao seu crecemento. O PSOE agradece tamén á veciñanza a súa acollida e implicación, fundamentais para que o evento continúe medrando ano tras ano.
Castro destacou o labor da Asociación e o potencial da tradición do ferro como motor económico, social e cultural para Riotorto, subliñando a importancia de impulsar iniciativas que garantan futuro para estes oficios. A Deputación de Lugo mantén unha colaboración estable coa entidade, cunha achega de 14.000 euros. No marco deste apoio, a Asociación avanzou na documentación dos oficios do ferro, catalogando ferramentas, técnicas e a historia das antigas “ferrerías de monte”.
O responsable provincial destacou "o traballo realizado pola organización ao longo destes anos para consolidar unha proba deportiva de primeiro nivel, que atrae tanto deportistas do máximo nivel competitivo como participación popular"
