O voceiro popular recorda que “non deberíamos de ter que realizar todos os anos este recordatorio” xa que “un goberno responsable tería programados e xa iniciados a limpeza periódica das vías municipais en lugar de telas abandonadas, causando molestias ao pasear e dando unha imaxe de abandono e falta de mantemento”
Barreiros, 29 de maio de 2025. Dende o Grupo Municipal do PP de Barreiros instan ao goberno local a “iniciar de inmediato” a limpeza viaria e desbroce da vexetación que invade rúas e estradas municipais, “sen ter que agardar ata mediados de xuño como o ano pasado (deron a orde o 17 de xuño de 2024)”.
O voceiro popular, José Manuel Gómez Puente, explica que “Barreiros ten medios propios suficientes” para poder programar e iniciar estes traballos “para garantir a seguridade viaria e para non dar imaxe de abandono”.
José Manuel Gómez Puente recorda que en todo o municipio a vexetación medrou sen control nos últimos meses “sendo necesaria a súa limpeza” pero “o equipo de goberno mira cara outro lado”. “Cómpre garantir a seguridade viaria e mellorar a imaxe do municipio ás portas da temporada de verán”, afirmou.
O voceiro popular fai esta petición “porque é unha necesidade” e “porque onte mesmo na rúa Camiño Real, en San Miguel de Reinante, houbo un novo accidente de tráfico” polo que é necesario “garantir a seguridade, desbrozando a vexetación para así dar vías de escape aos condutores, sobre todo en vías estreitas”.
José Manuel Gómez Puente recorda á rexedora a necesidade de manter un plan de limpeza e desbroce durante todo o ano, xa que “non se pode deixar o municipio abandonado e tentar lavar a cara en dúas semanas como sucedeu nos últimos anos”.
O popular recorda que é necesario acometer de inmediato desbroces de vexetación, tanto nas beiras das estradas como nas zonas públicas destinadas ao paseo, véxase o estado actual do paseo de San Bartolo, xa que a imaxe que levan veciños e turistas, que están a piques de chegar, “é dun total abandono e improvisación” sendo preciso tamén a renovación de numerosas sinais de tráfico, xa que moitas están deterioradas ou rotas.
José Manuel Gómez Puente insiste en que o desbroce non so contribúe a mellorar a imaxe do municipio, senón que axuda a “mellorar a seguridade viaria” garantindo a visibilidade en numerosos cruces e curvas, así como para ver sinais de tráfico que agora están cubertas pola maleza.
Aos populares resúltalles “curioso” está demora no inicio destes traballos a pesar de que o Concello de Barreiros ten dous tractores, un deles financiado pola Deputación.
O voceiro popular recorda a sinatura do convenio entre a Deputación e o Concello de Barreiros para a compra dun tractor, poñendo sobre a mesa que no momento da sinatura do mesmo era deputada de Medio Rural, Mónica Freire Rancaño, que asegurou que “a limpeza e o mantemento da rede viaria contribúe a mellorar a seguridade nos accesos e comunicacións entre os núcleos de poboación, unha das principais demandas das localidades da provincia. A calidade das comunicacións e dos servizos públicos que se ofrecen no rural son claves para a fixación da poboación e a dinamización económica, obxectivos prioritarios que nos marcamos desde a área de Medio Rural”.
O programa inclúe unha actuación vermú de A Requinta de Lampai ás 14:00, un obradoiro de baile tradicional ás 17:30, os cantos de taberna polos bares a partir das 20:00, pinchos para os grupos participantes ás 22:30 e unha foliada aberta ás 23:30. Os grupos interesados poden inscribirse no 605582624.
A xornada incluirá feira de artesanía desde as 11:30, inauguración ás 12:30 e xantar popular ás 14:45, con tickets dispoñibles ata o 9 de setembro. Haberá showcookings, degustacións, pasarrúas, xogos tradicionais, concentración de Vespas e demostracións de oficios. A organización espera repetir o éxito da última edición, na que se serviron uns 800 pratos.
O delegado territorial da Xunta en Lugo participou este martes nos actos programados con motivo da festividade da Patroa de Ribadeo, Santa María do Campo.
Destacou o apoio da Deputación ao sector primario a través da Granxa Gayoso Castro, centro de referencia en recría, formación e innovación. O evento, organizado pola Asociación Pura Raza Cabalo Galego, incluíu o concurso morfolóxico de distintas categorías —ponis, cabalos do país, cruzados, percheróns, Pura Raza Galega e andadura serrada e chapeada— e unha exhibición de doma de alta escola con eguas de pura raza galega.
O corte afectará ao tramo que vai desde o principio da vía ata o punto quilométrico 0,900. Para facilitar a execución das obras, será necesario que non haxa vehículos estacionados nese treito. Os traballos, executados pola empresa Jose No Mantiñan E Hijos Construcciones, S.A., forman parte dun proxecto conxunto para a mellora e acondicionamento de varias estradas provinciais no municipio de Xove, cun investimento total superior aos 800.000 euros.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Daniel García reafirmou o apoio ao festival, que conta cunha colaboración estable e continuada da Vicepresidencia provincial desde a primeira edición e valorou "o impulso que a Asociación Fanto Fantini lle dá ano a ano ao festival, cun programa que vai máis alá do cartel musical e que profundiza na súa identificación e o seu vínculo con Burela e coa Mariña". A Vicepresidencia da Deputación achega 25.000 euros ao patricinio desta edición do Osa do Mar.
