A entrada de produto tailandés sen aranceis podería alcanzar as 24.000 toneladas en dous anos o que provocaría a caída de prezos, a redución do investimento, a deslocalización da produción e a perda de cohesión territorial e soberanía industrial
Santiago de Compostela, 5 de maio de 2025. O conselleiro do Mar, Alfonso Villares, compareceu este martes no Parlamento de Galicia onde deu conta da posición do Goberno galego ante as negociacións entre a Unión Europea e Tailandia para alcanzar un Acordo de Libre Comercio. Na súa intervención reclamou unidade ao conxunto de forzas parlamentarias presentes na Cámara galega na oposición á inclusión das conservas de atún neste acordo comercial polas consecuencias que tería para a industria galega, principal produtora a nivel europeo. Unha postura que foi trasladada ao comisario de Pesca, Costas Kadis, en diferentes encontros, o último o pasado 29 de abril, nos que se demandou a aplicación dos principios do level playing field no mercado pesqueiro europeo.
O titular de Mar destacou que o país asiático é o principal produtor a nivel mundial representando o 30% do comercio mundial de conservas de atún e que se traducen en 10.000 toneladas anuais que chegan ao mercado comunitario cun arancel do 24%. Tamén recordou que na actualidade Tailandia está no foco de investigacións de organismos internacionais nas que se pon en evidencia incumprimentos graves de convenios internacionais en materia de dereitos humanos, laborais e ambientais. Así, foron notificados casos de escravitude, tráfico de persoas, traballo infantil ou técnicas de pesca ilegais, non declarada e non regulamentada entre outras.
Pola contra, o responsable autonómico puxo en valor que a frota de cerqueiros europea é un modelo a nivel internacional de sustentabilidade polo que conta coa certificación do selo MSC e da cumprimento ás normas Aenor e Arnor, os máis altos estándares ambientais e sociais, respectivamente. Unha frota monitorizada as 24 horas, que embarca sistematicamente observadores científicos cunha cobertura do 100% e que aplica un rigoroso control e supervisión.
Nesta liña, reiterou o compromiso da Xunta de continuar defendendo o liderado da industria conserveira da comunidade representada por Anfaco-Cecopesca, que aglutina a máis de 250 empresas, das cales o 57% son galegas, cunha facturación próxima aos 14.300 millóns de euros e 26.000 empregos, máis do 70% en Galicia. Unha organización coa que colabora o Goberno galego no marco da colaboración público-privada no deseño dunha estratexia conxunta na defensa da competitividade e viabilidade do sector no territorio. Unha viabilidade que é ameazada ante a posible entrada de produto tailandés sen aranceis que podería alcanzar as 24.000 toneladas en dous anos o que provocaría a caída de prezos, a redución do investimento, a deslocalización da produción e a perda de cohesión territorial e soberanía industrial.
Asimetría regulatoria
Alfonso Villares cualificou como erro en política comercial e industrial a asimetría no ámbito regulatorio que na práctica penaliza a quen cumpre e beneficia ao que non, provocando unha competencia desleal por parte de terceiros países que ameazan a seguridade alimentaria do continente. Unha aspecto no que se está a traballar desde a Consellería do Mar no marco da revisión da Política Pesqueira Común (PPC) na que traballa Galicia en liña co Decálogo Estratéxico de Galicia na defensa dos seus intereses ante a revisión da PPC.
As persoas que non puideron obter a súa entrada durante o período de reserva anticipada poderán recoller as entradas restantes o propio día da función, mércores 5 de agosto, a partir das 20:00 horas, na taquilla do Teatro Pastor Díaz. A entrega realizarase ata completar a capacidade do recinto, cun máximo de catro entradas por persoa. O Concello de Viveiro agradece a excelente acollida que está a ter esta representación e lamenta as molestias que esta situación poida ocasionar.
Villares gabou o traballo do club Val de Francos, “que en tempo récord logrou situar esta cita entre as máis atractivas da provincia para os afeccionados á hípica”. Neste sentido, destacou a proxección que está a gañar este deporte e o impulso que recibe da Xunta, principalmente a través dun convenio coa Federación Hípica Galega polo que destina máis de 80.000 euros para as actividades a desenvolver este ano. A proba discorrerá por camiños forestais de terra, a excepción dos cruces de estradas, e constará de tres modalidades, con distancias de 80, 60 e 40 quilómetros respectivamente.
Arxentina de nacemento e viveirense de corazón, retomou en Galicia a súa vocación artística e atopou na escultura a súa forma de expresión. A súa obra céntrase en figuras humanas cargadas de emoción, en soidade ou en relación cos outros. A exposición reúne pezas seleccionadas e premiadas en certames de Madrid, Barcelona, Valdepeñas e Florencia nos últimos oito anos, que agora regresan —como a súa autora— á casa. Poderá visitarse ata o 29 de agosto.
A clasificación final quedou do seguinte xeito: en Sub-10, Los 5 FC proclamáronse campións, seguidos de Los Balones; en Sub-12, o primeiro posto foi para Aston Birra, seguido de Minavo de Kiev e The Blues Bananas; en Sub-15, o equipo Piti levou o título, seguido de PDC e Camoca; en Sub-17, PDC acadou o primeiro posto, por diante de Papa Cu Leti e Motototo; e na categoría Sénior, Motototo resultou gañador, seguido de Descansa e Texeira Lima. As medallas foron entregadas pola alcaldesa, Dolores García Caramés, acompañada polos concelleiros José Manuel Balseiro e Alfredo Fernández, que felicitaron a todos os participantes polo seu esforzo e deportividade.
Durante o evento realizouse unha ofrenda aos mariñeiros falecidos e, seguidamente, tivo lugar a subida da imaxe da Virxe do Carme ata a Igrexa. Esta última xornada continuou cunha misa solemne, á que asistiron numerosos veciños e visitantes que se achegaron ata a localidade mariñá, seguida da procesión acompañada pola Banda Naval e de actuacións musicais. A programación completarase a partir das 17:00 horas con diferentes actividades para os máis cativos e cativas.
A clasificación final situou a Braulio Gayoso (TM Luarca) como gañador, seguido de Eugenio Alonso (CD San Ciprián), e dun terceiro posto compartido por Carlos Ron (Atletic Génova TM) e Domingo Larriety (TM Luarca). A alcaldesa de Cervo, Dolores García Caramés, entregou os trofeos e destacou o éxito dun torneo que xa se consolidou como unha cita imprescindible do calendario deportivo estival. O Concello felicita aos gañadores, a todos os participantes polo alto nivel amosado durante a xornada e ao CD San Ciprián pola excelente organización dun evento que continúa reforzando o seu papel como referente do tenis de mesa no norte peninsular.
Estará dedicada á figura de Leopoldo Calvo-Sotelo, xa que neste 2026 cúmprese o centenario do nacemento de quen fora presidente do Goberno. No acto interviñeron o presidente do RCNR, Pablo Fernández, o director territorial de Deportes da Xunta, Manuel Otero, un dos fillos do tamén alcalde honorario de Ribadeo Víctor Calvo-Sotelo, e o rexedor ribadense, Dani Vega. Todos exaltaron a práctica deportiva na ría, a labor desenvolvida polo Real Club Náutico e a vinculación de Leopoldo Calvo-Sotelo co estuario. Entre o público asistente estaban máis membros da familia Calvo-Sotelo, directivos e ex directivos do RCNR, edís de Ribadeo e representantes de Acisa.
