A institución provincial é, segundo destaca o Eixo, unha das entidades máis activas no impulso da sustentabilidade local a través dos seus numerosos programas e solucións
Lugo, 10 de xuño de 2025. O Presidente da Deputación de Lugo, José Tomé Roca, e o Secretario Xeral do Eixo Atlántico, Xoán Vázquez Mao, acompañaron este martes no Pazo de San Marcos a Francesc Cárdenas, experto en sustentabilidade e autor dun informe que recolle 112 medidas para reducir a contaminación nos municipios que conforman a entidade transfronteiriza. Estratexia para a mitigación e adaptación ao cambio climático: metabolismo urbano e biodiversidade, unha folla de ruta con accións concretas para que os 40 membros da entidade sexan cidades máis sostibles e eficientes.
Tomé Roca sinalou que se trata “un dos retos máis urxentes e transcendentais do noso tempo: a loita contra o cambio climático e a transición cara un modelo de desenvolvemento máis sostible, máis xusto e máis eficiente. O plan de descarbonización dos municipios do Eixo Atlántico que se presenta hoxe aquí é un exemplo claro de cooperación, de planificación conxunta e de compromiso coa sustentabilidade desde o ámbito local”.
“Como sabedes, este Plan non é só unha proposta técnica. É unha folla de ruta completa e ambiciosa”, destacou o mandatario provincial, que explicou que o informe aborda aspectos “tan relevantes” como a eficiencia enerxética nos edificios e servizos públicos, a mobilidade urbana sostible, a produción de enerxía renovable a pequena escala, a xestión do ciclo da auga ou a implicación cidadá nas solucións climáticas. Valorou ademais “a importancia de traballos coma este, que non só nos propoñen medidas concretas senón que tamén nos permiten compartir boas prácticas, aprender uns dos outros e avanzar conxuntamente”.
Nese sentido, Cárdenas puxo como exemplo unha das medidas que levou a cabo a Deputación de Lugo, coa incorporación de 5 vehículos eléctricos á flota da institución. Explicou que o resto de entidades pode aprender de esa experiencia, vendo o aforro nas emisións e no custo económico, que acada os 22.000€ ao ano. Unha “experiencia acumulada” que pode axudar de xeito importante a conseguir os novos obxectivos.
Vázquez Mao sinalou, pola súa banda que con este estudo “o Eixo Atlántico reafirma os seu compromiso cos Obxectivos de Desenvolvemento Sostible (ODS) e o Pacto Verde”, e que “nun momento no que o quecemento global ten superado os 1,5 grados é importante actuar desde o local”.
O documento
O informe elaborado por Cárdenas propón transformar o modelo de cidade apostando por unha xestión máis eficiente dos recursos, a enerxía, a auga e os residuos. O documento centra a súa estratexia en dous conceptos: o metabolismo urbano, como as cidades consumen e xestionan os seus recursos; e a biodiversidade urbana, fundamental para mellorar a resiliencia climática e a calidade de vida.
O texto inclúe 112 accións, que van desde a redución do desperdicio alimentario ata o impulso da economía circular, a agricultura urbana, a recuperación de espazos verdes e a educación ambiental. Un traballo que forma parte dun proceso desenvolto entre 2022 e 2024. Tres anos nos que as cidades do Eixo Atlántico aportaron máis de 500 boas prácticas e experiencias que conforman un repositorio que permita reunir e poñer a disposición, de forma máis práctica e accesible, toda a información xerada durante estes tres anos de traballo, así como o contido elaborado en etapas anteriores.
A Deputación é unha das entidades máis activas no impulso da sustentabilidade local a través dos seus numerosos programas e solucións innovadoras, como a biodepuradora de humedais artificiais en Xermade –en funcionamento desde o 2021- e que permite tratar augas residuais de forma ecolóxica en zonas rurais.
O informe completo pode descargarse aquí.
“Crisálida” é unha peza que combina emoción, reflexión e entretemento, ofrecendo unha experiencia escénica que promove valores de igualdade e transformación persoal. A actividade enmárcase dentro da programación do Área de Muller e Igualdade do Concello de Xove, en colaboración co Ministerio de Igualdad, o Goberno de España e o Pacto de Estado contra a violencia de xénero. O acceso é libre e gratuíto ata completar aforo. Desde o Concello de Xove, convidan a toda a veciñanza a participar e a gozar dunha tarde de cultura compartida, reforzando o seu compromiso cunha sociedade máis xusta, inclusiva e igualitaria.
Tiña 68 anos. Os seus restos son velados no tanatorio de O Valadouro. O enterro terá lugar este xoves. Este mércores ao mediodía, a Corporación Municipal xunto con membros da Corporación do Concello do Valadouro e compañeiros de partido, traballadores do Concello e veciñas e veciños realizaron un acto na memoria do tamén Primeiro Tenente de Alcaldesa do Concello de Alfoz. Efigenia Maseda pronunciou unhas palabras e gardouse un minuto de silencio. O acto rematou con aplausos en recordo de Jorge Val
O Concello de Xove, coa colaboración do IES Illa de Sarón, organizou esta proxección sobre a mobilización contra o proxecto de construción dunha central nuclear no municipio nos anos setenta. Tivo lugar este luns 10 de xaneiro no Salón de Actos. Ademais do alumnado e profesorado do IES de Xove, tamén asistiu público interesado neste episodio.
Fíxoo cunha exhibición de ximansia rítmica e de patinaxe artística que tivo lugar no pavillón do CEIP de Cervo e que contou coa participación da alcaldesa, Dolores García Caramés, e do edil de Deportes, David Rodríguez, que fixeron entrega dos diplomas e dun detalle a cada unhas das crianzas que asistiron neste curso ás escolas que tamen contaron con outras disciplinas como voleibol, multideporte ou balonmán.
Será ás 20 horas. Ricardo Aller de Dios é un artista visual cuxa obra se desenvolve entre a fluidez da acuarela e a solidez da cerámica. A súa práctica explora a relación entre o efémero e o permanente, a cor como ferramenta emocional e a conexión entre os elementos naturais e a forma humana. A través da acuarela, investiga a transparencia, a mancha e o azar como linguaxes expresivas, mentres que na cerámica atopa un espazo de construción pausada, táctil e meditativa, en diálogo coa terra e o lume. A exposición poderá visitarse ata o 14 de Xullo.
Sami Ashour, natural da localidade de Khan Younis, no sur da Faixa de Gaza, onde reside a maioría da súa familia, é o presidente da Asociación galaico-árabe Jenin, que agrupa a comunidade palestina residente na Galiza. A palestra Sami Ashour pretende achegar un testemuño de primeira man sobre o xenocidio israelí en Gaza e ofrecer unha análise sobre as condicións de vida poboación gazatí.
Entre os participantes destacou a presenza do Excmo. Sr. Bispo de Mondoñedo Ferrol D. Fernando García Cadiñanos. Tamén participaron membros de Cáritas diocesana de Ferrol. O camiño foi un descubrimento para moitos, con paraxes diferente nos seus 7 Km de percorrido.
