A Plataforma pola Defensa das nosas Árbores pregunta á cidadanía ribadense se coñece o proxecto de trasladar o ambulatorio do centro á entrada da vila

Ribadeo, 16 de Xunio de 2025. A Plataforma explícao deste xeito: “Se nunca ouviu falar deste tema seguramente lle soará un pouco raro ou pensará que é outro de tantos bulos políticos que se escoitan todos os días. Pero nada de eso. O Concello de Ribadeo xa está facendo os trámites para adquirir os terreos, e se ninguén o para, o Centro de Saúde acabará enfronte da Estación de Servizo de Repsol. Ou sexa a un kilómetro do actual no centro do casco urbano”.

“Dende o noso ponto de vista o problema sanitario máis acuciante que existe en Ribadeo, como en toda Galicia é a falta de persoal, sobre todo de médicos e enfermeiras, e eso trae consigo as insoportabeis listas de agarda que deterioran o sistema sanitario público e levan a moita xente que pode ao sector privado. Este problema non se souciona cambiando de edificio e moito menos levándoo a un km do actual que ten máis de 40 anos pero que está en boas condicións, ten amplitude e cunha pequena reforma pode ser máis cómodo para santari@s e ususari@s”.

“Nosoutros temos comprobado que máis do 75% dos usuarios acuden camiñando o só un 24% acuden en automóbil. Tamén temos comprobado que un 73% son persoas maiores de 65 anos. Asemade tamén sabemos que en días laborables acuden ao centro entre 650 e 700 persoas. E tamén contamos os coches que pasan por diante da Estación de Servizo en distintas horas da mañá en diferentes meses do ano (sen considerar o verán, que esa é outra) e constatamos que circulan entre 14 e 17 coches por minuto, como é sabido nunha zona de curva e con deficiente visibilidade, moitas veces en longas caravanas.

“Os inconvintes deste proxecto superan ampliamente ás posibes vantaxes, e a elo hai que engadir o que supón a deslocalización dun servizo fundamental, que racha co principio de accesibilidade da Atención Primaria, que as urxencias terán que facer un longo percorrido antes de chegar ao centro, o aumento do tráfico rodado innecesario e radicalmente contrario ás políticas para mitigar o cambio clímático, e que o concepto de cidade humanizada con servizos no radio de 15 minutos non foi tido en conta polos planificadores, que so miraron os intereses urbanísticos”.

“En consecuencia un grupo de ribadenses rexeitamos este proxecto, pedimos ao Concello e á Xunta de Galicia que se mellore o actual centro e que se dote do persoal necesario, pero sobre todo queremos informar @s veciñ@s do que se está preparando, e que teñan en conta que dentro de pouco tempo van ter que ir ao médico, por análisis, recitas, consultas ou outros servizos a un km de distancia por uns percorridos cheos de atrancos, rotondas, aceras en mal estado ou ben en coche particular ou en taxi”.

“O noso grupo seguirá informando e tratando de convencer ao concello e á xunta do seu erro, pero para eso necesítse que a xente se informe e se mobilice”.