O Vicedo, 13 de xuño de 2025. Este mércores celebrouse na Casa da Cultura do Vicedo a presentación da 8ª edición da Romaxe Viquinga do Vicedo, que se celebrará o 25 e 26 de xullo de 2025. Á presentación asistiron o alcalde do Vicedo, Jesús Novo, o deputado provincial, Francisco Cajoto, o delegado territorial da Xunta de Galicia en Lugo, Javier Arias, Enrique Domínguez, de Queiman e Pousa, responsables da parte artística nas últimas edicións e Cristian F. Caruncho, autor do deseño do cartel e camiseta oficial.
O alcalde do Vicedo quixo facer un agradecemento inicial a todos os voluntarios e traballadores que axudan a sacar adiante esta Romaxe que ocupa moitas horas de traballo para que todo saia ben. Como novidade informou que se vai presentar a Romaxe en Ponferrada, aproveitando que unha das asociacións recreacionistas que participa na Romaxe Viquinga é de Ponferrada (Caballeros Bergidum Templi). Tamén informou que o pregoeiro será este ano Suso Martínez, conocido guía de orixe viveirense e que xa é coñecido por outros pregóns moi exitosos na zona. Por último, resaltou que en Vigo ven de abrirse unha exposición no Museo do Mar, con temática viquinga, e onde está exposta tamén unha áncora atopada na praia de San Román.
Enrique Dominguez destacou a expansión da Romaxe co paso dos anos e que nesta edición está prevista a presencia de excursións de Asturias e outras zonas do norte de España.
O deputado provincial, alcalde tamén de Foz, animou á organización a seguir nesa liña, consciente do traballo inxente que hai detrás, da mesma maneira que lles sucede a eles na súa Festa Normanda de Foz. Felicitou a todas as institucións pola colaboración necesaria para un evento así.
O delegado territorial tamén felicitou á organización por sacar adiante a Romaxe Viquinga ano tras ano e convertila nun evento non só importante a nivel local e comarcal senón tamén provincial.
Por último, Cristian F. Caruncho falou de que era xa a 4ª edición na que participa deseñando o cartel oficial e as camisetas e que este ano pensou en reflectir un solpor na praia de San Román, coa Illa Coelleira ó fondo nunha actitude menos guerreira e máis pensativa do protagonista.
Anteriormente celebrouse un acto cos nenos e nenas do CEIP do Vicedo, que recibiron os agasallos e premios do concurso de debuxo infantil Romaxe Viquinga. Houbo 2 categorías: de 1º a 3º e de 4º a 6º e entregáronse premios aos 3 primeiros clasificados de cada categoría e, ademais, agasallos a todos os nenos por participar e esforzarse en presentar un traballo para dito concurso. Tamén Cristian F. Caruncho explicoulles como foi o proceso de creación do seu propio debuxo para o cartel e mesmo fixo un par de debuxos en directo para deleite de todos os nenos e nenas que quedaron abraiados pola rapidez e beleza do debuxo.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
O deputado galego Francisco Millán Mon explicoulles o día a día da súa actividade nesta cámara e a importancia da Unión Europea para Galicia e viceversa. Desde a dirección do centro agradecen “a súa exposición e o trato dispensado ao alumnado e profesorado desprazado a Bruxelas”. Neste 2026 cúmprense 40 anos da adhesión de España á Comunidade Económica Europea, así se denominaba naquel momento. O IES de Ribadeo é Escola Mentora do Programa Escolas Embaixadoras do Parlamento Europeo.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
A mostra, aberta na sala de exposicións do Auditorio Municipal de luns a venres entre as 18:00 e as 22:00 horas, reúne preto de 30 obras de artistas emerxentes e consolidados, ofrecendo diversas miradas sobre a paisaxe, a identidade, a memoria e a realidade contemporánea. A alcaldesa, Marta Rouco, destacou o valor de que Vilalba forme parte desta programación compartida e o impacto positivo que supón para a actividade cultural local.
No acto impuxéronlles o birrete e entregáronlles diploma e orla. Despois cantaron unha canción para as familias asistentes. Houbo moitos aplausos e algunhas lágrimas de emoción.
A saída será ás 10:00 desde El Bao, con autobuses ás 9:00 desde Navia, e a chegada arredor das 16:30 seguida dunha festa na dársena. As inscricións estarán abertas do 31 de maio ao 12 de xuño na Casa do Deporte ou en liña por 7 €. O Concello anima a participar nesta cita que combina natureza, deporte e convivencia.
