A previsión é contar cun cadro de persoal no servizo dunhas 25 persoas, maioritariamente socorristas
Barreiros, 16 de xuño de 2025. O Concello de Barreiros xa ten en marcha o operativo cara o veran, dando pistoletazo de saída neste fin de semana aos traballos de salvamento e socorrismo.
No día de onte a alcaldesa, Ana Ermida, acompañada pola totalidade do goberno municipal, visitou ás 19 persoas que xa prestan servizo no municipio. Na visita, comprobou tamén o estado do material existente e as novas necesidades, ao verse ampliado notablemente o cadro de persoal.
A rexedora explicou que nestes momentos contan con 17 socorristas e 2 técnicas sanitarias, que se complementarán con máis socorristas e persoal auxiliar para ter o servizo completamente operativo o 1 de xullo.
O Concello de Barreiros vén realizando un importante esforzo nos últimos anos para mellorar o servizo, tanto en persoal como en material. De feito, neste verán contarán con dúas zodiacs e unha moto de auga para reforzar a seguridade.
A alcaldesa manifestou o seu “orgullo por ser quen de ir mellorando e ampliando este servizo cada ano, con todas as dificultades que atopamos.” E lembrou o importante esforzo, tamén económico, que supón para o municipio “xa que a axuda da Xunta agora mesmo é duns 17.000€”, informou.
Ana Ermida agradeceu a todo o persoal que repite nas praias de Barreiros e deu a benvidas ás novas incorporacións, desexando que sexa un verán “tranquilo” e no que “os socorristas actúen o menos posible”. Igualmente, quixo agradecer nomeadamente ás persoas que mantiveron en pé o servizo en anos moi duros, traballando intensa e responsablemente e facendo que Barreiros pasase dunha situación de non ter practicamente socorristas a ampliar cada día máis areais con cobertura”.
Ermida informou que en función das persoas a maiores que poidan contratarse, pretender abrir o máximo número de praias, co obxectivo de poder chegar a abrilas todas. Pero farase sempre atendendo aos criterios marcados pola coordinación do servizo para garantir tanto a seguridade das persoas usuarias como a do propio persoal do servizo.
Outros traballos preparatorios.
Nestes días xa se están levando tamén a cabo o segado e limpeza dos paseos marítimos e accesos ás praias, que xa foran acondicionados no mes de abril e que volverán repasarse, por primeira vez neste concello, a mediados de verán. Igualmente, durante o inverno, fixéronse traballos de limpeza profunda como a retirada de area e terra acumulada en zonas do mesmo.
Está tamén operativo o persoal de limpeza dos baños, mantendo os que se atopan abertos durante todo o ano e preparando os que se abrirán nos vindeiros días.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partirán de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
