A Xunta tamén reforzou a atención primaria nos concellos da Mariña, co incremento de persoal, o servizo de nutricionista ou a atención a domicilio para pacientes do rural
Santiago de Compostela, 25 de xuño de 2025. O conselleiro de Sanidade, Antonio Gómez Caamaño, anunciou hoxe na Cámara galega, en resposta a unha pregunta parlamentaria, que no mes de xullo o Servizo Galego de Saúde fará un novo reforzo no servizo de Cardioloxía do Hospital da Mariña que permitirá atender ao redor de 180 pacientes máis, chegando así aos 480 atendidos desde xuño.
O conselleiro sinalou que, na actualidade, profesionais do Hospital Lucus Augusti e do de Monforte de Lemos estanse a desprazar para reforzar os distintos servizos do Hospital da Mariña, tanto en gardas como en consultas.
Estes reforzos aos que se referiu o conselleiro permitiron ao Hospital da Mariña atender nos primeiros días do mes de xuño máis de 300 pacientes en cardioloxía, grazas á existencia da área sanitaria que integra os tres hospitais da provincia de Lugo, que posibilita que cando un deles precisa apoio, o resto responde.
Esta estrutura deseñada polo Servizo Galego de Saúde é garantía de equidade, facendo posible proporcionar servizos complexos nestes centros.
Segundo o conselleiro, a asistencia en rede, o traballo en equipo e a colaboración entre todos os profesionais é a filosofía coa que traballa o Servizo Galego de Saúde para dar a mellor atención sanitaria á veciñanza da Mariña.
Gómez Caamaño tamén indicou que o seu departamento está a piques de resolver un concurso que xa permitiu incorporar cinco especialistas ao Hospital da Mariña e co que se pretende cubrir 17 prazas máis.
Estas prazas permitirán continuar incrementando o cadro de persoal deste hospital como así o leva facendo a Xunta coa incorporación de 154 profesionais máis desde 2010, o que supón un incremento de preto dun 30 %.
O titular de Sanidade, lembrou, non obstante, que a situación do Hospital da Mariña responde á falta de médicos en determinadas especialidades, un problema que afecta a toda España e que corresponde ao Goberno central da solución, xa que é a súa competencia.
Incremento de servizos e aposta pola atención primaria
Na súa intervención no Parlamento, o conselleiro tamén puxo en valor o aumento de servizos do Hospital da Mariña, entre os que citou a oncohematoloxía, a resonancia magnética fixa, a hospitalización a domicilio ou a segunda sala de endoscopias.
Así mesmo, a Xunta tamén ampliou o hospital en máis de 6.000 m2, dotándoo dun novo edificio de consultas externas e dun novo edificio de hospitalización, cun investimento de 20 millóns de euros.
Respecto da atención primaria, o conselleiro subliñou a aposta da Xunta por este nivel asistencial, referindo que non se amortizou ningunha praza nos centros de saúde, a pesar de que hai concellos con cotas moi baixas de tarxetas sanitarias.
Pola contra, nos municipios con máis poboación, o Servizo Galego de Saúde incrementou o cadro de persoal. Citou como exemplo o PAC de Viveiro, que agora conta con dous equipos todos os días. Ademais, na actualidade, na Mariña hai servizo de nutricionista e atención a domicilio para pacientes do rural.
Gómez Caamaño reiterou que a Xunta non deixa de traballar para ofrecerlle a mellor atención sanitaria á veciñanza da Mariña, tanto en atención primaria como hospitalaria, con medidas como a renovación de infraestruturas, a mellora das condicións laborais e retributivas do persoal e os reforzos na asistencia.
A iniciativa busca poñer en valor a diversidade cultural do municipio a través da gastronomía, convidando ás persoas de diferentes países a elaborar pratos típicos que se ofrecerán de forma gratuíta ao público. O Concello asumirá o custo dos ingredientes e asignará a cada participante un posto identificado co seu país de orixe. As inscricións poden realizarse ata o 29 de xullo enviando un correo a feiras@vilalba.es. Rouco chamou á participación para seguir construíndo unha Vilalba aberta e integradora, nunha feira que quere consolidarse como espazo de convivencia e dinamización da feira tradicional.
A Presidenta Carmela López destacou o valor deste produto emblemático da Mariña e o traballo do sector pesqueiro. Rocío Rivera e Herminia Pernas puxeron en valor a tradición mariñeira de Burela e o papel dos mariñeiros da Moncloa. O público degustou 450 tapas elaboradas con bonito nunha xornada que serviu de escaparate desta cita gastronómica e de convite a visitar Burela a próxima fin de semana.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
O campo de fútbol do Cascabeiro acolleu o pasado sábado a III Festa do Mexillón, organizada polo Celta Barreiros. Centos de persoas achegáronse a gozar dunha tarde de gastronomía e de música. En total foron servidas 670 racións entre veciñanza e visitantes, que saborearon mexillóns e lacón. Os organizadores amosasen satisfeitos da acollida: “estamos contentos pola boa resposta dos asistentes”. E tiveron palabras de agradecemento “para os Concellos de Barreiros e de Foz pola boa colaboración”.
Familias, amizades e persoas de todas as idades viviron cada xogada e cada aplauso, evidenciando que o fútbol é tamén unha oportunidade para fortalecer a convivencia e a unión da veciñanza. O municipio felicitou á Selección Española polo seu título mundial, un éxito histórico que fixo vibrar a toda a comunidade.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
