Novo investimento de 40.000€, por parte da Xunta, para realizar melloras na Escola Municipal de Música e Danza de Ribadeo

Ribadeo, 4 de xuño de 2025. Novo investimento de 40.000 euros, por parte da Xunta, para realizar melloras na Escola Municipal de Música e Danza de Ribadeo.

O alcalde, Dani Vega, dixo que “seguimos xestionando orzamento para mellorar todas as infraestruturas municipais. Neste caso para seguir mellorando e dotando as instalacións de equipamento e tamén mellorar todo o edificio da Escola de Música. Todos somos conscientes do mal que estaba e que sigue estando en varios puntos”.

O rexedor declarou: “neste caso, ¿qué orzamento vamos destinar? Preto de 40.000 euros, que aporta a Xunta de Galicia, e vamos actuar para concretar o peche que queda sen mellorar, é dicir novas ventás, tamén novas portas, e mellorar a accesibilidade dos servizos, dos baños. Aquí vamos mellorar a eficiencia enerxética, vamos tamén eliminar barreiras arquitectónicas e a mellorar todo o entorno dos servizos”.

Para Vega “son dúas actuacións moi importantes, mellorar a eficiencia enerxética a través de novas ventás, onde se fixo xa esa actuación, pois evidentemente hai unha mellora da eficiencia enerxética e tamén mellorar os baños, que son fundamentais. Seguramente que vamos ter que actuar en máis cousas na Escola de Música, pero iremos vendo de xestionar orzamento, de concretar máis convenios e así mellorar todo un espazo que estamos dedicándollo á Escola de Música a todos estes rapaces e rapazas que tanto ben fan pola música local e tamén volver agradecer ao profesorado todo o traballo que está realizando”.

E engadiu: “unha forma de agradecelo tamén é mellorar o edificio onde traballan e onde estudan tanto alumnos como profesores. Seguimos xestionando orzamento por parte da Xunta de Galicia e así seguir facendo entre todos Ribadeo avance”.