No próximo curso abrirase a residencia do centro, que vai permitir acoller a 21 estudantes
Ribadeo, 11 de xuño de 2025. O Centro de Formación e Experimentación Agraria (CFEA) Pedro Murias de Ribadeo, dependente da Consellería do Medio Rural, acolleu hoxe unha xornada de portas abertas centrada nos ciclos de Aproveitamento e Conservación do Medio Natural e de Produción Agroecolóxica, ambos impartidos en modalidade dual intensiva. A xornada incluíu un programa de actividades variado que combinou charlas, talleres prácticos e unha degustación de produtos con denominación de calidade de Galicia.
O evento estivo pensado para persoas e empresas interesadas no sector agroecolóxico e forestal e contou cunha introdución inicial coa participación das empresas Eo Alimenta, Huerta Joyana e Seaga, na que deron a coñecer os seus proxectos.
Posteriormente os asistentes desfrutaron dunha serie de actividades prácticas nas instalacións do centro. Entre as principais destacou unha demostración e proba de maquinaria de batería Stihl, realizada en colaboración coa empresa Forestal Loureiro, así como un taller sobre o uso axeitado de ferramentas e máquinas forestais (PRL), impartido polo persoal do CFEA de Guísamo.
A xornada tamén incluíu unha incursión no mundo da micoloxía, cun taller de cultivo de setas Schiitake mediante o método tradicional xaponés. Ademais, Jesús López Penabad, administrador e propietario da empresa Shiifos SC, centrouse na inoculación e cultivo das setas en troncos de carballo.
Ao longo do día os asistentes participaron en obradoiros prácticos de conservas vexetais, manexo de simuladores de procesadoras forestais, traballos forestais en altura e medición de arbolado. Tamén se realizaron demostracións do uso de vehículos aéreos non tripulados aplicados tanto a traballos forestais como agrícolas. Como parte deste percorrido, os participantes puideron visitar a residencia de estudantes do centro.
O programa desta xornada finalizou cun ciclo de tres charlas impartidas por profesionais e directivos de empresas do sector, despois das cales os asistentes degustaron produtos agroalimentarios galegos amparados por selos de calidade diferenciada.
Reapertura da residencia de estudantes
Como novidade, no próximo curso abrirase a residencia do Pedro Murias, cun total de 21 prazas, o que vai permitir mellorar a estancia dos alumnos do centro. Ademais, a Consellería do Medio Rural ofertará un total de 406 prazas de novo ingreso nos seus seis centros de formación no vindeiro curso 2025/26, o que supón un 11 % máis con respecto ao curso actual. Concretamente, no CFEA Pedro Murias serán 44 prazas de primeiro ano para os ciclos de aproveitamento e conservación do medio natural e produción agroecolóxica.
A competición celebrarase entre o 24 e o 27 de setembro en Las Vegas, e Julia Cabarcos emprenderá esta mesma tarde a viaxe cara aos Estados Unidos para afrontar a súa participación na categoría Women's Physique.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
