O cadro laranxa despídese do fino á brasileiro, que foi un dos seus homes máis destacados no curso recentemente finalizado
Burela, 15 de xuño, 2025. Rikelme non renovará a súa vinculación co Burela FS despois de catro tempadas apaixonantes de laranxa nas que puido gozar da cara máis amable do deporte, sendo un dos heroes do último ascenso a Primeira División, e tamén sufriu a máis amarga, con dous descensos e unha lesión grave de xeonllo.
Desde o club non podemos menos que agradecerlle todo o traballo que realizou durante estas catro tempadas, tanto na pista como no proceso de recuperación da súa lesión, no que foi exemplar a pesar da súa mocidade; o seu compromiso e toda a alegría e positivismo que lle achegou aos seus compañeiros e a todos os estamentos da entidade durante a súa estancia en Burela. Así mesmo, desexámoslle a maior das sortes nas novas aventuras deportivas e persoais que emprenda a partir do mes de xullo. Burela e o Burela FS sempre serán a súa casa!
Rikelme Alves Ribeira (Campo Grande, 2002) chegou en agosto de 2021 a Burela para reforzar ao equipo por aquel entón dirixido por Alberto Riquer. Con 19 anos e despois de só seis meses competindo na máxima categoría do seu país, onde destacou pola súa capacidade goleadora, o brasileiro estreábase na Primeira División española. Con todo, na súa primeira campaña de laranxa, o á zurdo non dispuxo de demasiadas oportunidades con Riquer. Unha vez que se produciu o recambio no banco laranxa e coas opcións de permanencia xa moi limitadas, o fino futbolista brasileiro empezou a contar con máis minutos.
Si puido mostrar moito mellor as súas habilidades no seu segundo curso en terras mariñás, xa con David Rial como patrón do conxunto burelés e en Segunda División. Rikelme, que destaca pola súa calidade na perna esquerda, a súa capacidade de desborde e o seu olfacto goleador, viviu no seu periplo en Burela a parte máis amarga do deporte, xa que no terceiro partido das semifinais do play off diante do Sala 10 Zaragoza caía lesionado de gravidade xunto a Pitero. Sen eles, o equipo non lograba o ascenso na eliminatoria final ante o Family Cash Alzira, pero si chegarían ambos á recta final da tempada seguinte para colaborar no regreso a Primeira División nun inesquecible último cruzamento coa UMA Antequera.
Este último curso, o de Campo Grande participou en todos os partidos de Liga e anotou dez goles, demostrando en todo momento ser un dos grandes estiletes do conxunto laranxa grazas á súa calidade e capacidade de caneo. Foi, sen dúbida, unha dos máximos artífices de que o conxunto mariñao mantivese as súas opcións de permanencia ata o último segundo da tempada.
Esta cita, xa consolidada dentro da programación estable do centro, permitirá ao público gozar dunha mostra do traballo artístico e formativo desenvolvido ao longo do curso polo alumnado da especialidade. A actividade constitúe unha oportunidade para achegar a danza á cidadanía e poñer en valor o esforzo, a dedicación e a evolución das alumnas e alumnos participantes.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
