A reunión entre os rexedores e rexedoras dos concellos implicados e a Deputación dá Coruña serviu para presentar o estado de situación das actuacións do Plan de Sustentabilidade Turística en Destino
Cariño, 2 de xullo, 2025. O Concello de Cariño foi hoxe escenario dunha reunión estratéxica entre os alcaldes e alcaldesas dos municipios que integran a Asociación para a Xestión do Xeoparque Cabo Ortegal, entre eles Ana María López, e o vicepresidente da Deputación dá Coruña, Xosé Regueira. O encontro serviu para presentar os avances do Plan de Sustentabilidade Turística en Destino do Xeoparque Cabo Ortegal, financiado con fondos europeos NextGenerationEU e destinado ao desenvolvemento das empresas da cadea de valor do turismo e á promoción dos recursos deste territorio, recoñecido pola UNESCO.
Durante a sesión, déronse a coñecer algunhas das principais accións previstas para os próximos meses, entre as que destaca a creación dun catálogo de experiencias turísticas que reunirá propostas de empresas locais para gozar durante todo o ano. Esta nova ferramenta será presentada ao sector o próximo 17 de xullo na Coruña.
Ademais, está a traballarse nunha guía de paisaxe cos principais recursos naturais e culturais da zona, que incluirá roteiros temáticos adaptados a diferentes perfís de visitantes. Esta guía contará con imaxes en 360º e un mapa interactivo, que permitirá personalizar percorridos e acceder a información detallada en tempo real.
Outra das iniciativas en marcha é un programa de intercambio de experiencias con dúas geoparques de referencia: Villuercas-Ibores-Xara (Estremadura) e Arouca (Portugal), co obxectivo de fortalecer as capacidades do tecido empresarial local e fomentar unha oferta turística aliñada cos valores singulares do Xeoparque.
A alcaldesa de Cariño, Ana María López, expresou a súa satisfacción tras a reunión, destacando que “este proxecto representa unha gran oportunidade para poñer en valor os nosos recursos naturais, patrimoniais e culturais”. Na mesma liña, a rexedora engadiu que “desde Cariño seguiremos apostando por un modelo de desenvolvemento turístico que sexa sostible, integrador e que contribúa á creación de emprego e a coidar da nosa contorna, que é, sen dúbida, un dos nosos grandes tesouros”.
Pola súa banda, o vicepresidente provincial, Xosé Regueira, animou a todos os concellos do territorio e axentes turísticos a aproveitar ao máximo este plan, dotado con 1.500.000 euros, e subliñou “a importancia estratéxica deste proxecto, que contribúe a diversificar a oferta turística do Xeoparque e a consolidalo como un destino competitivo, innovador e sostible”.
No acto estiveron acompañados das súas familias e das titoras, Vanesa e María Julia. “A partir de setembro afrontan a última etapa no Colexio Sagrado Corazón, espéranos novos coñecementos e experiencias. Moita sorte”, dixo a directora do centro, Begoña Sanjurjo.
Está a celebrarse do 1 ao 5 de xullo na piscina municipal o primeiro campus de verán de waterpolo, dirixido a deportistas federados que queren aprender e gozar deste deporte nun ambiente divertido e formativo, en colaboración coa FEGAN e que conta coa visita de profesionais deste deporte, que comparten a súa experiencia e coñecementos cos participantes.
O 112 Galicia recibiu o aviso ás 5:30 horas desta madrugada de martes. Cando sucedeu o accidente, a vítima estaba a traballar no servizo de recollida de lixo, na Rúa da Igrexa, en Ourol. Alí acudiu unha dotación de Urxencias Sanitarias de Galicia-061, quen deu a voz de alerta. Sen embargo, nada puido facerse por este traballador, do que avanzaban quedou inconsciente tras a caída do camión da recollida do lixo. Para apoiar as labores do equipo médico, desde o 112 Galicia, solicitouse a intervención dos axentes da Garda Civil e dos voluntarios de Protección Civil de Ourol.
O cambio de emprazamento débese á celebración do Mercado Renacentista.
Unha primeira xornada chea de risas, descubrimentos e moita calma da man de Rosa, e das súas acompañantes caninas Vilma e Tila. Todos os martes, de 12:00 a 13:00 h, haberá este espazo no que aprenderase a identificar, expresar e xestionar o que se sinte dentro do programa Enredando no verán. Está dirixido a nenos e nenas de 3 a 6 anos. Inscricións para o Taller de emocións na Casa da Cultura: casadacultura@concellodecervo.com, tel: 982 595 157.
Centos de persoas seguiron ao traballo das aloitadoras e aloitadores para rapar e identificar os cabalos baixados do monte dentro do curro, unha tradición que as ganderías de Santa María Maior manteñen xeración tras xeración. A xornada acolleu tamen unha degustación de hamburguesas de carne de poldro de Pura Raza Galega, encadrada dentro do programa de promoción de produtos de razas autóctonas Un gusto de rural, un rural degusto.
