Trabada, 3 de xullo de 2025. O Concello de Trabada vén de presentar este mércores unha nova denuncia ante as autoridades competentes pola corta dunha masa común municipal, realizada por unha empresa forestal do propio municipio.
Esta actuación non foi autorizada e afecta a unha parcela de titularidade pública, o que motivou que desde o Concello se actúe con firmeza para defender o que é de todos os veciños e veciñas de Trabada.
Trátase da terceira denuncia presentada nos últimos meses por feitos similares, tras detectarse anteriormente dúas cortas máis en terreos municipais sen contar cos permisos necesarios. Ata o de agora, estas irregularidades non foran feitas públicas, mais desde o goberno municipal considérase que esta reiteración dos feitos por parte da empresa require xa dunha actuación firme e contundente.
O alcalde de Trabada, Rubén García, sinalou que “desde o Concello non imos consentir que ningunha empresa, sexa de onde sexa, se apropie do que é público nin actúe ao marxe da legalidade. O noso compromiso é coa defensa do patrimonio común e co interese xeral da veciñanza”.
Engadiu ademais que “a nosa obriga é protexer o que é de todos e actuar cando se producen este tipo de feitos que consideramos moi graves”.
Desde o Concello de Trabada lembran que as masas comúns e os bens públicos son responsabilidade de toda a comunidade, polo que calquera actuación sobre eles debe estar debidamente autorizada e respectar os procedementos establecidos.
Debido á instalación dos postos, non será posible realizar o sistema habitual de «quita e pon», polo que se instalarán contedores fixos nos puntos indicados no plano elaborado para tal fin. Ademais, colocaranse contedores de reforzo nas seguintes localizacións: Praza Maior. Rúa Irmáns Vilar Ponte. Rúa Fernández Victorio. O Concello agradece a colaboración da veciñanza e do sector hostaleiro no uso responsable dos contedores, recollida de residuos xerados nos espazos cedidos, así como que estes espazos sexan mantidos en condicións axeitadas.
O sábado a partir das 21h espectáculo de narración oral a cargo de Lîlâ Teatro coa obra "Estremonías da Silva" e á súa finalización, música tradicional con Os Carricantos. O domingo, toca sesión vermut da man de José Brea & Miguelón a partir das 13h, para disfrutar dun aperitivo antes do xantar. Como sempre, acompañado das tapas de Galiana e do mellor ambiente.
Trátase dunha homenaxe que as universidades públicas galegas en colaboración coa Consellería de Educación renden ao estudantado con mellores expedientes de Galicia nas probas de acceso á universidade, sendo necesario acadar nota igual ou superior a 8,5 na fase xeral da PAU. O acto celebrouse na Universidade de Vigo o pasado 20 de xuño, onde lles foron entregados os diplomas que os acreditan como alumnado sobresaínte. Dende o IES de Ribadeo, parabéns aos homenaxeados polos resultados acadados e tamén a tódolos compañeiros e compañeiras que superaron a PAU polo esforzo realizado.
A chamada dunha persoa particular ao 112 Galicia permitiu activar un operativo de emergencias, aínda que nada puido facerse por salvarlle a vida. Segundo a información facilitada polo alertador, o accidente produciuse pasadas as oito desta mañá na N-VI, no punto quilométrico 503, en Lugo. Indicou que foi a moto o único vehículo implicado no sinistro e que, tras a caída, o condutor quedou tendido sobre a vía. Para facilitar a asistencia médica, o persoal do Centro Integrado de Atención ás Emerxencias de Galicia solicitou a intervención dos profesionais de Urxencias Sanitarias de Galicia-061 e dos axentes da Garda Civil de Tráfico e da Policía Local. Sen embargo, nada puido facerse por salvarlle a vida ao motorista, xa que, apenas uns minutos máis tarde confirmouse o seu falecemento.
De volta no obradoiro, estes verdadeiros artistas puxeron toda a súa creatividade para elaborar preciosos marcos personalizados. Cada marco é único, feito con moito agarimo e cun anaquiño da nosa costa.
No acto estiveron acompañados das súas familias e das titoras, Vanesa e María Julia. “A partir de setembro afrontan a última etapa no Colexio Sagrado Corazón, espéranos novos coñecementos e experiencias. Moita sorte”, dixo a directora do centro, Begoña Sanjurjo.
Está a celebrarse do 1 ao 5 de xullo na piscina municipal o primeiro campus de verán de waterpolo, dirixido a deportistas federados que queren aprender e gozar deste deporte nun ambiente divertido e formativo, en colaboración coa FEGAN e que conta coa visita de profesionais deste deporte, que comparten a súa experiencia e coñecementos cos participantes.
