Viveiro, 24 de xullo de 2025. O Concello de Viveiro vén de emitir un bando para lembrar á veciñanza a prohibición de circular con patinetes eléctricos por zonas peonís, beirarrúas, paseos marítimos, o casco histórico e travesías do municipio, en cumprimento da normativa estatal de tráfico e seguridade viaria.
A alcaldesa, María del Carmen Gueimunde, sinala que “ante a cantidade de patinetes eléctricos que circulan a diario polo casco histórico e a gran velocidade, vémonos na obriga de reforzar esta mensaxe para garantir a seguridade de peóns e viandantes e preservar o uso dos espazos públicos destinados a eles”.
Lémbrase que esta medida se basea en diversas disposicións legais, entre elas:
O artigo 25.5 do Real Decreto 6/2015, que prohibe expresamente a circulación destes vehículos por beirarrúas.
O artigo 38.4 do Regulamento Xeral de Circulación, que prohibe circular con patinetes por travesías, vías interurbanas, túneles urbanos, autopistas e autovías dentro do poboado.
O artigo 76 do mesmo Real Decreto, que considera infracción grave o incumprimento destas normas, sancionable con multas de 200 euros, segundo o artigo 80.
A rexedora apela á responsabilidade individual por parte de todas e todos e engade que “ incumprimento desta normativa será considerado infracción grave e poderá conlevar sancións económicas de ata 200 euros”.
Dende o Concello de Viveiro faise un chamamento ao cumprimento estrito destas normas, lembrando que o seu obxectivo é protexer a integridade das persoas e manter unha convivencia segura e ordenada nos espazos comúns.
Ocorreu pasadas as 15:30 horas. Un traballador tivo que ser evacuado ao hospital logo de caerlle o tronco dunha árbore enriba mentres realizaba tarefas no monte en Cervo. Aínda que estaba liberado e consciente, precisaba asistencia sanitaria. Os profesionais de Urxencias Sanitarias de Galicia-061 trasladárono finalmente ao Hospital de Burela. Neste operativo tamén participaron a Garda Civil e a Policía Local de Cervo.
Subliñou o traballo colectivo, o papel do voluntariado e a participación de arredor de mil corredores. Tamén puxo en valor o impacto económico e social da proba e o apoio institucional que permite o seu crecemento, incluída a difusión en streaming que levou a CAMOVI e a Viveiro a todo o mundo.
O presidente, José Manuel Gómez Puente, destacou o bo tempo e o reencontro do grupo nun percorrido de 22 km entre Pedrafita e Triacastela. A próxima etapa será o 1 de maio, entre Triacastela e Sarria, e xa está aberta a inscrición no teléfono 623 22 68 25.
Ás doce en punto, tres foguetes —un por cada palabra do nome oficial— foron lanzados desde O Castrodouro, capital histórica do termo municipal e orixe da localidade, pois alí, hai 806 anos, Afonso IX concedeu o título de vila e todo un distrito que administrar; episodio histórico do que deriva o nome do concello. Os veciños reunidos mostraron a súa satisfacción pola recuperación da denominación histórica, afirmando moitos deles que nunca deixaran de empregar o nome completo. Do mesmo xeito, os maiores agradeceron aos impulsores da iniciativa a restitución do topónimo que a historia legou ao municipio alfocés.
Viveiro, 20 de abril, 2026. A proba volveu converter Viveiro nun punto destacado do deporte e da convivencia, ademais de supoñer un impulso económico para o municipio. María Loureiro destacou que a Camovi “é un exemplo de colaboración e esforzo colectivo, que sitúa Viveiro no mapa e dinamiza a economía local”. O Partido Socialista lembra o seu apoio histórico á carreira e reafirma o seu compromiso para seguir contribuíndo ao seu crecemento. O PSOE agradece tamén á veciñanza a súa acollida e implicación, fundamentais para que o evento continúe medrando ano tras ano.
Castro destacou o labor da Asociación e o potencial da tradición do ferro como motor económico, social e cultural para Riotorto, subliñando a importancia de impulsar iniciativas que garantan futuro para estes oficios. A Deputación de Lugo mantén unha colaboración estable coa entidade, cunha achega de 14.000 euros. No marco deste apoio, a Asociación avanzou na documentación dos oficios do ferro, catalogando ferramentas, técnicas e a historia das antigas “ferrerías de monte”.
O responsable provincial destacou "o traballo realizado pola organización ao longo destes anos para consolidar unha proba deportiva de primeiro nivel, que atrae tanto deportistas do máximo nivel competitivo como participación popular"
