O artista traballou na mostra “Ukiyo-e: de paxaros e sacabeiras” nos meses previos ao seu falecemento
Lugo, 18 de agosto de 2025. O pasado mércores inaugurouse no Museo Provincial de Lugo a exposición “Ukiyo-e: de paxaros e sacabeiras” de Mauro Leivas, unha mostra na que o artista mindoniense traballou nos meses previos ao seu falecemento, o pasado 23 de xullo.
A exposición, que poderá verse ata o 30 de setembro, amosa o traballo creativo desenvolvido polo artista dende 2018, na que a paisaxe galega se mestura con técnicas propias da pintura oriental. O título da mostra incorpora esta referencia á arte xaponesa co termo “Ukiyo-e” que significa “imaxes do mundo flotante”.
A mostra é un xogo de enganos que nos reta a indagar e descubrir o importante tralo accesorio, cun código próximo e achegado ó espectador. O Lonxano Oriente revélase nas paisaxes da Mariña de Lugo, nas formas do territorio que nos rodea e da fauna que o habita, sempre cheo de paxaros, peixes e sacabeiras”, explicou a comisaria da mostra, Silvia Fiallega, sobre as obras da exposición, escollidas polo propio artista.
A deputada de Cultura Iria Castro sinalou que “é un pracer ser casa para exposicións de artistas lucenses e máis aínda cando temos o lema de poñer ás persoas no foco. A arte non é inocua, envía mensaxes, algo que Mauro Leivas, un artista comprometido, solidario e sempre a favor das causas xustas, tivo moi presente á hora de crear pero tamén de expoñer a súa obra”
O acto contou coa presenza de Daniel Caxigueiro e de Xosé Artiaga, artistas mindonienses e compañeiros de Mauro Leivas desde a adolescencia, na que compartiron o presentes tamén neste último proxecto artístico de Leivas, que xurdiu ao fío do vínculo artístico e emocional que mantivo coa Rede Museística Provincial.
Leivas participou nos últimos anos en diversas exposicións colectivas no Museo Provincial de Lugo como “Nós+outrxs en Rede” ou “Olladas: A miña familia”. Comprometido e solidario, colaborou tamén en numerosas iniciativas arredor de temáticas sociais como o proxecto 21 S(empre) do Museo do Mar de San Cibrao, en Cervo, no que unha vintena de artistas crearon pezas a partir da súa visión sobre as consecuencias do alzhéimer e das demencias nas persoas enfermas e no seu entorno, o pasado mes de novembro.
Horario verán Museo Provincial de Lugo
De martes a sábado: De 10:00 a 13:30 e de 16:00 a 20:30
Domingos e festivos: De 10:00 a 15:00
Luns pechado.
A clasificación final quedou do seguinte xeito: en Sub-10, Los 5 FC proclamáronse campións, seguidos de Los Balones; en Sub-12, o primeiro posto foi para Aston Birra, seguido de Minavo de Kiev e The Blues Bananas; en Sub-15, o equipo Piti levou o título, seguido de PDC e Camoca; en Sub-17, PDC acadou o primeiro posto, por diante de Papa Cu Leti e Motototo; e na categoría Sénior, Motototo resultou gañador, seguido de Descansa e Texeira Lima. As medallas foron entregadas pola alcaldesa, Dolores García Caramés, acompañada polos concelleiros José Manuel Balseiro e Alfredo Fernández, que felicitaron a todos os participantes polo seu esforzo e deportividade.
As reservas poderán realizarse por teléfono, chamando ao 982 560 162, ou a través do correo electrónico cultura@viveiro.gal, en horario de 9:00 a 14:00 horas. Cada persoa poderá solicitar un máximo de catro entradas. Desde o Concello de Viveiro anímase á veciñanza a asistir a esta representación e lembra que as reservas se atenderán a partir da apertura do prazo.
A clasificación final situou a Braulio Gayoso (TM Luarca) como gañador, seguido de Eugenio Alonso (CD San Ciprián), e dun terceiro posto compartido por Carlos Ron (Atletic Génova TM) e Domingo Larriety (TM Luarca). A alcaldesa de Cervo, Dolores García Caramés, entregou os trofeos e destacou o éxito dun torneo que xa se consolidou como unha cita imprescindible do calendario deportivo estival. O Concello felicita aos gañadores, a todos os participantes polo alto nivel amosado durante a xornada e ao CD San Ciprián pola excelente organización dun evento que continúa reforzando o seu papel como referente do tenis de mesa no norte peninsular.
Durante o evento realizouse unha ofrenda aos mariñeiros falecidos e, seguidamente, tivo lugar a subida da imaxe da Virxe do Carme ata a Igrexa. Esta última xornada continuou cunha misa solemne, á que asistiron numerosos veciños e visitantes que se achegaron ata a localidade mariñá, seguida da procesión acompañada pola Banda Naval e de actuacións musicais. A programación completarase a partir das 17:00 horas con diferentes actividades para os máis cativos e cativas.
Estará dedicada á figura de Leopoldo Calvo-Sotelo, xa que neste 2026 cúmprese o centenario do nacemento de quen fora presidente do Goberno. No acto interviñeron o presidente do RCNR, Pablo Fernández, o director territorial de Deportes da Xunta, Manuel Otero, un dos fillos do tamén alcalde honorario de Ribadeo Víctor Calvo-Sotelo, e o rexedor ribadense, Dani Vega. Todos exaltaron a práctica deportiva na ría, a labor desenvolvida polo Real Club Náutico e a vinculación de Leopoldo Calvo-Sotelo co estuario. Entre o público asistente estaban máis membros da familia Calvo-Sotelo, directivos e ex directivos do RCNR, edís de Ribadeo e representantes de Acisa.
O grupo, composto por cinco mulleres e sete homes cunha media de 26 anos, foi recibido pola subdelegada do Goberno, Olimpia López, que lles agradeceu o compromiso co servizo público e destacou o papel esencial da Policía Nacional na seguridade cidadá. Oito axentes estarán na Comisaría de Lugo, dous en Monforte e dous en Viveiro. Ao finalizar as prácticas, escollerán destino definitivo segundo a puntuación obtida no proceso selectivo.
