Os populares afean, polo tanto, ao PSOE que “tiveran que remexer nun fondo de 40M€ dentro dun orzamento de 14.000M€ para intentar iniciar unha mensaxe de agravio territorial que non ten fundamento”
Lugo, 8 de agosto de 2025. O PP lucense subliña que “a provincia de Lugo leva dende o ano 2020 liderando o investimento por habitante por parte do Goberno galego” dando resposta ás políticas de reequilibrio territorial das provincias do interior fronte ás do Atlántico. O investimento na provincia de Lugo é o maior de Galicia, con 5.840 euros por habitante fronte a 4.717 euros por habitante da media.
O Goberno galego financia, con fondos propios, actuacións como a intervención no Anxo Carro por 1,6M€, a estación intermodal de Lugo con 6,2M€, o plan director do Hospital da Mariña con 5,6M€, actuacións no Hospital de Monforte por 2,2M€ ou diversas actuacións viarias por máis de 6M€, por citar algún investimento en Lugo.
Os populares afean, polo tanto, ao PSOE que “tiveran que remexer nun fondo de 40M€ dentro dun orzamento de 14.000M€ para intentar iniciar unha mensaxe de agravio territorial que non ten fundamento”.
E advirten que “o PSOE minte” sobre as achegas do Fondo de Compensación Interterritorial” porque “se poden incorporar ao ano seguinte se as obras que financiaban se atrasan e, polo tanto, non se perden”. É máis, “non existe unha data límite para executar os fondos asignados cada ano”, remarcan.
Dende o PP lucense cren conveniente lembrar que “o Fondo de Compensación Interterritorial era o gran instrumento de cohesión económica financiado con fondos nacionais e xestionado polas CCAA que o presidente Zapatero recortou a Galicia dos 203M€ aos 77M€ -unha redución do 60%-, un axuste do que aínda non se ten recuperado xa que a asignación actual rolda os 40M€ por ano”.
A Xunta pasou de financiar múltiples pequenos proxectos durante o bipartito a financiar grandes proxectos de execución máis complexa a través do Fondo de Compensación Interterritorial que garante a incorporación de fondos ano a ano acompañando a execución física das obras.
Ademais, o Goberno galego optou por investir eses fondos no eido sanitario. Co goberno do Partido Popular dirixíronse 39M€ no 2024 a esta finalidade, mentres que o bipartito investía 0 euros. Así, esa foi a cantidade que investiu no HULA procedente do Fondo de Compensación Interterritorial. Con cargo a estes fondos, baixo un goberno do Partido Popular, a Xunta investiu no CIS do novo barrio da Residencia e no Plan director do Hospital da Mariña.
SEN MELLORAS NOS SERVIZOS FERROVIARIOS
Os populares subliñan que as declaracións da portavoz municipal do PSOE sobre os servizos ferroviarios “confirman que nada mellorou nin se avanzou. O alcalde e o PSOE lucense fixeron anuncios de reunións, pero non concretaron ningunha mellora nas frecuencias para Lugo”. E, ademais, lembran que “o PSOE – coa complicidade do BNG- permiten que o Goberno de Sánchez deixe a Lugo e á provincia fóra da alta velocidade”.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
