A Mariña, 13 de agosto de 2025. Desde hoxe xa é posible inscribirse en calquera das 25 actividades que se desenvolverán na Mariña lucense entre o 25 de agosto e o 12 de outubro dentro dos coñecidos programas Obradoiros con corazón e Plans con corazón. Estas iniciativas, promovidas pola Mancomunidade de Concellos da Mariña en colaboración coa Xunta de Galicia e a Deputación de Lugo, teñen como obxectivo fomentar o coñecemento da cultura local, achegar maior valor para a visita e a permanencia no territorio e dinamizar a actividade turística con propostas diferenciadas e de calidade. A nova edición destes programas foi presentada hoxe nun acto desenvolvido no obradoiro de cerámica de Lucía Catuxo, en Trabada, que participa nos dous programas de actividades.
Máis información e inscricións:
https://amarinalucense.gal/es/obradoiros-e-plans-na-marina
O acto contou coa intervención dos representantes institucionais, o alcalde de Trabada, Rubén García; a presidenta da Mancomunidade de Concellos da Mariña Lucense, Rocío López; a vicepresidenta da entidade, Ana Ermida; a xefa da Área de Turismo da Xunta en Lugo, Paloma Vázquez; e a deputada provincial de Economía, Recadación, Facenda e Especial de Contas e alcaldesa de Burela, Carmela López. Tamén asistiron algúns dos guías e artesáns locais que participan nestes programas.
Na súa intervención a presidenta da Mancomunidade de Concellos da Mariña, Rocío López, salientou tamén a execución actual do Plan de Sostibilidade Turística que está permitindo avanzar cara a un modelo de turismo integrador e respectuoso. “O turismo é xa un factor claro de impulso da economía” apuntou, ao tempo que lembrou o importante esforzo que se está a facer para acadar un turismo máis sostible, “conscientes de que é esta a única fórmula de desenvolvemento interesante para un territorio”.
Obradoiros con corazón. Obradoiros creativos e participativos con artesáns
Nesta segunda edición, que terá lugar do 25 ao 30 de agosto, están programadas 9 actividades diferentes en obradoiros situados en Mondoñedo, Ribadeo, Trabada, Viveiro e Ourol. Será unha semana na que os participantes poderán practicar desde estampaxe ata artes escénicas, modelar pezas de barro, iniciarse no mundo da madeira, do coiro e da lá e coñecer artes e rituais antigos vinculados á cerámica. Trátase dun proxecto coordinado por Trivium Estratexias de Cultura e Turismo, que representa unha oportunidade única para desfrutar do verán na Mariña participando en experiencias creativas e afondando no coñecemento cultural da comarca a través de propostas enriquecedoras.
Os obradoiros que participan son Raíces Nómadas, Artesáns do Pasatempo, Esquina Atlántica, Lucía Catuxo, Otero Regal, Miratú, Madeira a man, O fantástico taller dos títeres e Estudo Estampa.
A presidenta da Mancomunidade, Rocío López, referiuse a esta iniciativa como unha oportunidade única para “adentrarse na alma da Mariña a través dos mellores anfitrións”. E agradeceulles aos artesáns e artesás a súa participación, xa que permite “seguir ofrecendo actividades de valor e promovendo o carácter e a autenticidade da Mariña”, lugar ao que se referiu como o “recuncho infinito do Norte de Lugo que conserva a esencia de Galicia”.
Información e reservas: https://amarinalucense.gal/gl/a-marina-obradoiros-con-corazon
Plans con corazón. Rutas e visitas guiadas nos concellos da Mariña
Trátase dun programa que chega este ano á súa sexta edición cunha exitosa traxectoria e gran acollida. Entre o 5 de setembro e o 12 de outubro terán lugar 16 visitas e rutas guiadas nos 16 concellos que conforman o xeodestino. Son visitas realizadas por guías oficiais de Galicia, coñecedores do patrimonio local e tamén guías especializados en xeoloxía e ornitoloxía, que colaboran coa empresa Volta Montana para configurar este proxecto.
Unha iniciativa coa que amosar A Mariña como un destino atractivo e diverso, contribuíndo á desestacionalización do turismo xa que promove viaxes fóra dos meses de maior afluencia e ampliando o coñecemento do territorio a nivel local. Un proxecto para conectar coa esencia da Mariña e descubrir os seus recursos máis singulares.
Os guías oficiais serán Noela Feal, Carmen Delia, Ana Pena e Boris Vilar, guías locais acreditados no SICTED na Mariña; ademais do guía especialista en xeoloxía Iván Rodríguez e o guía especializado en ornitoloxía Carlos Gil.
A vicepresidenta da Mancomunidade de Concellos da Mariña Lucense, Ana Ermida, foi a encargada de presentar todos os detalles deste programa, que abrangue diferentes percorridos, desde o litoral ata a Serra do Xistral; e temáticas, para descubrir o patrimonio arquitectónico, etnográfico, histórico e natural. Destacou as rutas relacionadas coa observación ornitolóxica e o xeoturismo, das que apuntou “estanse a revelar como dous grandes activos da Mariña para a práctica do ecoturismo” e subliñou o papel clave que xogan os guías locais como “expertos coñecedores do territorio” e dos anfitrións locais que “amosarán o seu amor polo territorio a través das súas experiencias vitais, dos seus oficios tradicionais e artesáns do seu espírito innovador ou da súa contribución á conservación e posta en valor dos produtos e recursos autóctonos”.
Información e reservas: https://amarinalucense.gal/gl/a-marina-plans-con-corazon
A obra, dirixida por Pepablo Patinho e preparada por rapaces de 10 a 14 anos ao longo do curso, servirá de antesala ao certame e permitirá visibilizar o labor formativo da Escola e o compromiso de Cariño co teatro desde idades temperás. O Concello anima á veciñanza e visitantes a asistir a esta cita que marca o inicio dunha nova edición na que o teatro volverá situar a vila como referente cultural galego.
O acto terá lugar ás 18:30 no paseo da Dársena, onde se instalará un hito que lembra a súa distinción como Fillo Predilecto de Navia. Tamén se descubrirá a placa dos gañadores absolutos da LXVII edición do Descenso, celebrada en 2025. “Moreno”, falecido en 2023, dedicou máis de seis décadas a impulsar esta cita deportiva, converténdoa nun referente nacional e internacional. A alcaldesa, Ana Isabel Fernández, destacou que foi “a alma máter do Descenso” e convidou á veciñanza e participantes a asistir ao acto de recoñecemento.
Autoridades autonómicas, municipais e representantes da Apehl acompañaron o anuncio. O estand da marca estará na zona VIP da saída de cada etapa, onde se ofrecerán petiscos con produtos lucenses e material promocional, incluída a guía turístico-gastronómica. Cheché Real destacou a continuidade do proxecto e agradeceu o apoio institucional. A acción conta coa colaboración de numerosos consellos reguladores, entidades agroalimentarias e empresas da provincia.
Desde a entidade explican que “con este paso estratégico, la firma busca integrarse activamente en el tejido económico del municipio y colaborar de forma estrecha en la promoción de un modelo de turismo sostenible, desestacionalizado y respetuoso con el entorno natural…”. Engaden que “creemos que para proteger nuestro entorno primero debemos aprender a amarlo” e que “nuestra incorporación a ACISA representa una oportunidad idónea para crear sinergias con la hostelería, el comercio y los servicios locales”. Tamén sinalan que “la adhesión a la patronal ribadense refuerza el compromiso de la empresa con la calidad turística planificada de la zona”. Máis información en 
O evento reunirá artistas e agrupacións que representan a tradición musical da zona, nunha xornada pensada para reivindicar a historia sonora do Val e o legado das súas xeracións de músicos. A programación inclúe un obradoiro musical gratuíto para nenos de 5 a 12 anos, unha mesa redonda moderada polo escritor Lionel Rexes e unha ampla quenda de concertos con participación de intérpretes e grupos vinculados ao territorio. Durante todo o festival poderá visitarse a exposición fotográfica Aquí segue soando a música, que recolle imaxes antigas e actuais para mostrar a evolución musical da comarca desde comezos do século XX ata hoxe. A iniciativa conta coa colaboración do Concello do Valadouro, o Concello de Alfoz, a Xunta de Galicia, a Deputación de Lugo e o CENTRAD.
As persoas que non puideron obter a súa entrada durante o período de reserva anticipada poderán recoller as entradas restantes o propio día da función, mércores 5 de agosto, a partir das 20:00 horas, na taquilla do Teatro Pastor Díaz. A entrega realizarase ata completar a capacidade do recinto, cun máximo de catro entradas por persoa. O Concello de Viveiro agradece a excelente acollida que está a ter esta representación e lamenta as molestias que esta situación poida ocasionar.
Arxentina de nacemento e viveirense de corazón, retomou en Galicia a súa vocación artística e atopou na escultura a súa forma de expresión. A súa obra céntrase en figuras humanas cargadas de emoción, en soidade ou en relación cos outros. A exposición reúne pezas seleccionadas e premiadas en certames de Madrid, Barcelona, Valdepeñas e Florencia nos últimos oito anos, que agora regresan —como a súa autora— á casa. Poderá visitarse ata o 29 de agosto.
