A directora de Desenvolvemento Pesqueiro visitou o pósito para avaliar as actuacións realizadas e para analizar as necesidades actuais dos profesionais de cara a realización de novas iniciativas ao abeiro dos apoios autonómicos
Burela, 12 de setembro de 2025. A Xunta mantén un importante esforzo inversor no ámbito pesqueiro despregado a través de diferentes liñas de axuda para o desenvolvemento de proxectos que afonden na competitividade e sostibilidade desta actividade pesqueira na comunidade. Un exemplo destes apoios é a confraría de Burela que foi beneficiaria destas achegas autonómicas que alcanzan 1 millón de euros desde o ano 2023. Así o destacou a directora de Desenvolvemento Pesqueiro, Ángeles V. Suárez, que visitou o pósito para avaliar as actuación realizadas e analizar as necesidades actuais dos profesionais de cara ao deseño de novas iniciativas susceptibles de ser financias ao abeiro das axudas da Consellería do Mar.
A directora xeral destacou a colaboración da Xunta permitiu a instalación dun novo galpón metálico na zona de varada, a adquisición dun carro automotor de varada 40 tm así como varias carretillas elevadoras. Por outra banda, foi acometida a rehabilitación e instalación de luces de tecnoloxía LED na nave de redeiras. A isto compre engadir outras actuacións como a instalación de enerxía fotovoltaica para autocosumo na confraría. Ángeles V. Suárez subliñou que todas esta medidas permitiron reforzar a actividade do sector, mellorando a seguridade e condicións de traballo, a modernización dos equipamentos portuarios, a eficiencia enerxética ou a protección do medioambiente.
A responsable autonómica puxo en valor o compromiso da Xunta co sector, enmarcando o encontro no marco do modelo de cogobernanza que preside a xestión pesqueira galega e na ronda de contactos periódica da Consellería coas diferentes confrarías galegas. Nesta liña, resaltou o traballo impulsado polo pósito burelés en ámbitos como a formación, coa organización de 5 cursos este ano de Formación Básica e catros de Patrón Costeiro Polivalente, dous de ponte e dous de máquinas. Unhas iniciativas que foron realizadas ao abeiro das axudas do Goberno galego para formación, dotadas de xeito bianual con 1,5 millóns de euros, e cofinanciadas polo Fondo Europeo Marítimo, de Pesca, e de Acuicultura (Fempa).
Proxecto ‘Pescarte’
A confraría de Burela é unha das beneficiarias das axudas da Xunta ao abeiro das Estratexias de Desenvolvemento Local Participativo (EDLP) para o desenvolvemento do proxecto Pescarte. En total son 115.000 euros que serán destinados a esta iniciativa que ten como obxectivo principal divulgar e sensibilizar á comunidade sobre a importancia da pesca artesanal. As actividades a desenvolver inclúen a creación de dous murais artísticos nas fachadas a confraría con esta temática, con ilustracións con adaptacións a braille para que sexan accesibles. Tamén recolle a produción de material audiovisual sobre as distintas artes de pesca e un xogo infantil educativo para achegar o mundo da pesca ás novas xeracións e incentivar a remuda xeracional.
O Concello de Navia presenta este sábado 28 de febreiro, ás 12:00 h no Casino, o libro Tras las huellas de Campoamor en Alicante, de Luján Martínez Suárez. Ademais, adquiriu un valioso volume da RAE de 1865, que inclúe un discurso seu orixinal. O exemplar incorporarase á Biblioteca Municipal, ampliando o fondo dedicado ao poeta.
O Dúo Eclipse será o encargado de poñer a música nunha nova tarde-noite chea de ritmo, baile e bo ambiente no Guateque de Arruguiñas. A cita é este sábado, 28 de febreiro na Casa do Mar de San Cibrao ás 19:30 h. Ademais, o alumnado de 2º de Bacharelato, en colaboración coa Oficina de Voluntariado Xuvenil, ofrecerá bingo e chocolate para completar a festa. O evento conta tamén coa colaboración da Asociación de Xubilados Terramar.
O Restaurante Oviedo-2 será o encargado de elaborar o caldo, o compango e as filloas de sobremesa. O acto incluirá tamén lectura de poemas e música, coa participación de Eli García-Bouso, que interpretará algunhas pezas inspiradas en Rosalía de Castro. O prezo do xantar será de 15 euros para socios/as e 20 euros para non socios/as. As persoas interesadas poden inscribirse enviando un correo a agrupacionfranciscolanza@gmail.com ou mediante unha mensaxe de WhatsApp ao 699 809 606.
Neste espazo radiofónico, de 12 a 14 horas, Félix Jorquera falará coa directora do IES de Foz, Leticia Maseda, co coordinador do evento, José Ríos, así como con alumnado e profesorado participante e moi implicado nos Campionatos Internacionais de Baristas e Catas de Café, que estes días enchen Foz de xente e de aroma cafeteiro.
Os propietarios, Javier Montero e Tita Iglesias, recolleron o recoñecemento na Coruña, agradecendo o apoio da clientela, do seu equipo —formado integramente por mulleres— e da propia guía. O establecemento mantén esta recomendación desde 2021 e suma tamén un Sol Repsol, obtido en 2024 e renovado para 2026. O hotel restaurante Javier Montero abriu as súas portas en novembro de 2018.
Unha comedia orientada para público adulto dirixida por Cándido Pazó. Hora: 20.30. Sipnose: 1880, Curros Enríquez é denunciado polo bispo de Ourense por uns poemas do seu libro Aires da miña terra, un dos piares do Rexurdimento Galego. A pesar da opinión contraria do fiscal, un xuíz dá curso á denuncia e o célebre escritor é procesado e condenado.
A xornada comezou cun aperitivo no bar O Colorado, onde os socios se reuniron para o tradicional brinde previo ao xantar. O encontro continuou no Restaurante Asturias nun ambiente de fraternidade, gozando dun cocido digno de exaltación e dunha longa sobremesa. Durante a velada, os asistentes compartiron lembranzas e falaron das actividades que a asociación prepara para o futuro, nun ano no que Os Cacholeiros se achegan ao seu 35º aniversario. A entidade aproveita esta celebración para reivindicar unha vez máis os pratos tradicionais, elaborados con produtos locais e de tempada, e o labor dos establecementos hostaleiros do concello e da comarca.
