Alfoz, 23 de setembro de 2025. O Concello de Alfoz informa á veciñanza que a partir do 25 de setembro e ata o 1 de outubro permanecerá aberto o prazo para inscribirse no taller de manualidades, que se desenvolverá dende o 6 de outubro ata xuño na OMIX da Casa da Cultura os luns de 16:30 a 19 horas.
Este taller está dirixido a todas aquelas persoas adultas que desexen explorar a súa creatividade e aprender novas técnicas artesanais nun ambiente ameno e colaborativo.
O taller incluirá actividades diversas, adaptadas a diferentes niveis de habilidade, co obxectivo de fomentar a expresión artística e a socialización entre os participantes.
“A iniciativa forma parte da dedicación do Concello de Alfoz por promover o benestar da súa cidadanía, proporcionando espazos de aprendizaxe e convivencia que contribúan ao desenvolvemento persoal e á cohesión veciñal” apuntan dende o consistorio.
As prazas son limitadas, polo que se recomenda realizar a inscrición dentro do prazo establecido. Para máis información e inscricións, poden dirixirse ás oficinas do Concello.
Marilyn Manson súmase ao cartel xunto a Limp Bizkit —único concerto en España— e outras bandas moi esperadas polo público do festival como Trivium, Converxe ou Caliban. Os novos abonos poñeranse á venda o martes 30, e publicarase proximamente toda a información relativa á compra de entradas.
Ás 10.00 horas deste luns quedou extinguido o incendio forestal rexistrado no concello de Barreiros, parroquia de San Xusto de Cabarcos, o domingo 14 ás 16.14 horas. Finalmente, afectou unha superficie de 152,69 hectáreas de monte arborado. Para a súa extinción mobilizáronse, de xeito acumulado, 10 técnicos, 87 axentes, 121 brigadas, 94 motobombas, 4 pas, 2 unidades técnicas de apoio, 7 helicópteros e 3 avións.
Resultados acadados: Alevín Femenino 3°clasificado. Alevín Masculino 3°clasificado. Cadete Femenino 4°clasificado. Os adestradores destacan o traballo e as ganas que demostraron todxs xs rapacxs, xa que para a gran maioría foi esta a súa primeira regata, tanto de remeiro/a como de patron/a. Dende a nova directiva queren facer unha aposta firme para dar un salto de calidade nas categorías base, polo que animan a todos os nenxs que se acerquen ata o club e proben este deporte de mar e equipo.
Na vila foron recibidos polo alcalde, Dani Vega, e pola concelleira de Turismo, Marta Saiz, no Forte de San Damián, enclave que puideron coñecer de preto coa visita guiada por Alberto Paraje, secretario da asociación cultural de estudos históricos de Galicia. Os asistentes percorreron esta fin de semana diferentes enclaves da Mariña en Ribadeo, Foz ou Lourenzá e saborearon a gastronomía da zona. O Concello de Ribadeo colaborou coa organización deste evento, así como diferentes firmas tanto da vila como doutros puntos da comarca e de Galicia.
Andrea Azkune Arteche e Adriá Puig Martínez lograron os primeiros postos nas probas de obstáculos senior masculina e feminina, que se disputaron pola mañá. O deputado de Mocidade e concelleiro de Participación e Dinamización Veciñal achegouse ao circuíto instalado en San Bartolo, que reuniu combinados autonómicos de 10 comunidades. A actividade deportiva continúa esta tarde coa celebración das probas de laser run e mañá coa Valkiria Race na que se agardan arredor de 400 deportistas.
A Deputada de Muller e Igualdade, Marisol Morandeira, participou nesta cita que acolleu esta fin de semana a Casa Habanera desta parroquia vilalbesa, onde destacou o traballo da Liga Santaballesa para manter viva a pegada de quen marchou a América buscando unha vida mellor
Reuníronse expositores de amarinha.gal e asistentes, expoñéndo os conceptos básicos da algoritmia, o seu uso en función do control dos intercambios dixitais e os servicios á sociedade, e da contralgoritmia en función de manter unha independencia da sociedade e o individuo cara ó futuro, e relacionándoo con temas como a contracultura ou a redución do mundo de cada persoa a unha cerrada aldea dixital. Tamén foron presentados algúns instrumentos-programas para evitar a recomendación algorítmica das empresas que controlan as redes sociais. En pouco máis dun mes terá lugar o próximo evento do ciclo ‘Soberanía Dixital’, “Solarpunk: Taller de futuros optimistas”.
