Ribadeo, 2 de setembro de 2025. Máis de 48.000 persoas pasaron polas oficinas de turismo de Ribadeo durante os meses de xullo e agosto. O visitante estranxeiro segue en ascenso nun verán de récord. Hoxe fixeron balance do verán o alcalde, Dani Vega, e a concelleira de Turismo, Marta Saiz.
O rexedor declarou: “facendo unha valoración de todo o verán hai que destacar que Ribadeo é a capital turística e, dende logo, estamos moi satisfeitos do verán que tivo Ribadeo, cheo de actividades, iso é o noso slogan, Ribadeo ten vida todo ano, no verán tamén. Houbo moitas actividades para todos os públicos, para todas as cidades”.
O alcalde ribadense subliñou que “Ribadeo tivo máis xente que nunca, máis visitantes que nunca, batemos todos os récords. Evidentemente sendo unha capital turística somos coñecedores e somos conscientes de que hai que seguir mellorando. Non podemos caer no erro de que todo está ben, porque ante tanta xente, eu creo que se puxeron todos os servizos a punto e nos próximos anos iremos mellorando”.
Vega manifestou: “pero quedándonos realmente co que importa, os datos son moi bos, os datos destacan que hai un gran crecemento no turismo estranxeiro, no turismo nacional destaca Andalucía e evidentemente a praia das Catedrais é un imán. É dicir, moitas persoas chegan a Ribadeo e o primeiro encontro é a praia das Catedrais e despois veñen a Ribadeo. E aí, evidentemente, tamén vamos facer propostas á Xunta de Galicia nos próximos días. Por iso vamos ter unha reunión cos técnicos de turismo tamén coas persoas que están na vixilancia das Catedrais tanto no tiquetaxe como no control tamén dos accesos, para seguir mellorando, para non caer en ningunha tentación de que todo está ben. Todos temos que facer unha reflexión e mellorar”.
O alcalde contou que “Ribadeo tivo moita actividade no verán. Evidentemente, a parte de toda a actividade que fixo o Concello, hai que destacar aos colectivos desde Acisa, tamén os festivais tanto o Xara Fest, como o Vendaval Fest, todas as actividades gastronómicas: o percebe, a Festa da Ría, a carne ao caldeiro, a malla nas Anzas, é dicir, conxugamos vila, parroquia, aldea, rural. E tamén puxemos, xa o ano pasado, todos os areais en condicións, o Cargadeiro, grandes espazos verdes, grandes pulmóns de Ribadeo e todo o que ten que ver na vila con esas visitas guiadas, esas visitas teatralizadas, poñendo un valor tamén o noso patrimonio”.
Para Dani Vega “a celebración do Ribadeo Indiano foi un éxito Vamos seguir traballando para seguir mellorando e destacar que a hostalería estivo facendo un gran traballo, son grandes axentes turísticos. O comercio da vila tamén colabora, axuda, creo que ten datos moi positivos. Así o destacaba Acisa hai poucos días, onde os datos son todos de incremento. Ribadeo está avanzando a moi bo ritmo, todos o din. Todas as vilas destacan de Ribadeo o gran traballo destes 2 anos, sen minusvalorar todo o traballo que se fixo ao longo da historia de Ribadeo, porque o éxito é colectivo, non é individual, non é dun goberno, é do pobo en xeral”.
A concelleira de Turismo, Marta Saiz, explicou que “48.400 viaxeiros pasaron polas oficinas de turismo do Concello de Ribadeo durante os meses de xullo e agosto, batendo así efectivamente un novo récord de visitantes. No mes de agosto, contabilizáronse máis de 28.000 persoas nas oficinas de turismo de Ribadeo. No tocante ás procedencias do turismo, á procedencia estatal, Madrid segue sendo o principal emisor, xa que supón un 24,5 % no punto da información das Catedrais. É verdade que este ano considerouse o incremento tamén de Andalucía, é verdade que cada vez nos visitan máis persoas do sur da península. Con respecto ao turismo internacional representa xa un preto dun 10% no centro da vila e un 20% do total das visitas no punto de información da praia das Catedrais, debido seguramente á internacionalización deste monumento natural, que xunto ao Camiño Norte de Santiago e ao porto deportivo de Porcillán, converten a Ribadeo nese destino internacional”.
E engadiu: “desde a oficina de turismo seguimos organizando once percorridos, como en anos anteriores, guiados a través dos que se pode descubrir o noso importante patrimonio natural e cultural”.
A edil ribadense tivo palabras de agradecemento para o persoal as oficinas de turismo e das praias e para o sector privado: “por último, agradecer por suposto o traballo do persoal das oficinas de turismo e das praias, así tamén como ao sector privado, polo esforzo tan importante que levan facendo desde inicio de temporada, que cada vez empeza antes. Así entre todos e todas contribuiremos a acadar ese destino turístico de vangarda que todos desexamos”.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
