Mondoñedo, 6 de setembro de 2025. A cidade de Mondoñedo prepárase para vivir con intensidade as súas festas patronais na honra da Nosa Señora dos Remedios, que se celebrarán do venres 12 ao luns 15 de setembro, combinando tradición relixiosa, música, cultura, deporte e actividades para todas as idades.
O programa inclúe catro xornadas cheas de eventos que unen o sentimento relixioso coa oferta lúdica e cultural. A Novena dos Remedios, a Misa de Ofrenda e a solemne procesión do domingo ou a Misa de Cofrades do luns festivo marcarán os momentos máis destacados no plano relixioso.
No eido musical e festivo, destacan as actuacións da Mekanika Rolling Band (venres), a orquestra Principal e o concerto de Natalia, concursante da primeira edición de Operación Triunfo (sábado), a verbena coa orquestra Combo Dominicano (domingo), e a música de D-Kris na sesión vermú do luns. Non faltarán tampouco as sesións de vermú, as orquestras “Zafiro” e “Nueva Fuerza”, nin a tradicional Xuntanza de Cantos de Taberna, que enche as rúas de música e ambiente popular.
O público infantil terá o seu espazo co espectáculo de Micromina Teatro (sábado), co Día do Neno (luns) e coa tradicional romaría das XVIII Xornadas do Peregrino “Abrindo Camiño”, que inclúe xogos populares, degustación gastronómica e música tradicional.
No ámbito deportivo, destaca a celebración do X Memorial Ramón Espantoso, que enfrontará ao Mondoñedo F.C. e La Caridad F.C. o domingo 14 no campo municipal Viñas da Veiga.
A programación complétase coa parte cultural, na que se inclúe a inauguración da rúa Andrea López Chao e a presentación do documental “Andrea López Chao, o legado dunha mestra galega en Cuba”, actos que terán lugar o luns no marco das xornadas do peregrino.
Programa completo das Festas dos Remedios 2025
VENRES, 12 DE SETEMBRO
19:30 h: Novena da Nosa Señora dos Remedios.
20:30 h: Festival “Mamá quero cantar” (Auditorio Pascual Veiga).
23:30 h: Mekanika Rolling Band (Praza do Concello).
SÁBADO, 13 DE SETEMBRO
12:30 h: Espectáculo infantil “Pasmo de Pedra” (Xardín da Igrexa dos Remedios).
13:30 h: Sesión vermú con Zafiro.
17:30 h: Obradoiro de baile tradicional.
19:30 h: Novena dos Remedios, presidida polo Bispo de Mondoñedo-Ferrol.
20:00 h: XIII Xuntanza de Cantos de Taberna.
22:30 h: Verbena coa orquestra Principal.
23:30 h: Foliada aberta dos Cantos de Taberna.
00:00 h: Concerto de Natalia (OT1).
DOMINGO, 14 DE SETEMBRO
11:30 h: Saída da comitiva cara ao Santuario dos Remedios.
12:00 h: Misa de Ofrenda á Virxe dos Remedios, presidida polo Bispo. Canta a Coral Polifónica de Ribadeo. A continuación: Procesión.
13:30 h: Concerto da Banda Municipal de Música de Ribadeo.
14:00 h: Sesión vermú coa orquestra Nueva Fuerza.
18:30 h: X Memorial Ramón Espantoso (Mondoñedo F.C. – La Caridad F.C.).
22:00 h: Verbena coa orquestra Combo Dominicano e discomóbil Conxuro.
LUNS, 15 DE SETEMBRO – Luns dos Remedios (festivo local)
12:30 h: Misa de Cofrades, cantada polo Coro Mindoniense.
13:30 h: Sesión vermú con D-Kris.
17:00 h: Romaría na rúa Andrea López Chao, con xogos, Torneo da Chave e degustación gastronómica.
18:40 h: Actuación de O Arco da Vella (San Miguel de Reinante).
19:00 h: Inauguración da rúa Andrea López Chao.
20:00 h: Concerto da Escola Municipal de Música “O Pallarego” e proxección do documental sobre Andrea López Chao (Auditorio).
Durante a tarde: Día do Neno, con descontos nas atraccións.
A comisión organizadora agradece a colaboración das entidades e veciñanza, e deséxalles a todos unhas felices Festas dos Remedios 2025.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
