Avanzan que solicitarán no vindeiro pleno municipal que se cree un grupo de traballo, con tódalas administracións competentes, incluíndo á veciñanza, para darlle unha solución definitiva a esta problemática, “que segue sen solventarse dende fai anos. Son os técnicos os que teñen que atopar unha solución”, insisten
oplus_0
Mondoñedo, 1 de setembro de 2025. Os Socialistas de Mondoñedo urxen melloras nos canles dos rios dos Muíños, “xa que levan sen auga dende fai máis de 15 días”. Un problema que se leva arrastrando dende fai anos, e que precisa “unha solución definitiva e non parches que non serven para nada”. Por iso avanzan que solicitarán no vindeiro pleno municipal que se cree un grupo de traballo, coas administracións competentes, incluíndo á veciñanza, para darlle unha solución definitiva a esta problemática. “Son os técnicos os que teñen que atopar unha solución”, insisten dende o PSdeG. “A situación de abandono do río non é só unha cuestión paisaxística, senón que tamén afecta directamente a perdida de biodiversidade da nosas contornas fluviais e naturais, e polo tanto é unha autentica neglixencia medioambiental”, remarcan.
Os socialistas de Mondoñedo tamén explicaron que na pasada sesión plenaria do mes de xullo, interpelaron ao goberno local sobre a adecuación das obras da rampla de acceso no Real Seminario Conciliar de Mondoñedo, tamén se interesaron pola utilización da Escola de Maariz por parte dun particular. E por ultimo, sobre as probas de auga na Fonte dos Pelamios.
Ademais, no apartado de rogos demandaron ao goberno a instalación dun panel informativo na area recreativa da Fervenza, no que se indique o uso dos espazos públicos (como por exemplo indicar a zona de aparcamento dos vehículos, …), e no que se informe das datas para poder usar a parrilla ao aire libre, para que non haxa risco de incendios e problemas.
Tamén emprazaron ao PP a que “realice unha maior previsión no repaso, adecentamento e limpeza dos espazos públicos. Xa que este ano e en pleno verán, a maioría das nosas rúas e barrios, zonas verdes, plazas, parques, así como a estrada de entrada que da acceso a Mondoñedo presentaron un estado lamentable de abandono, suciedade e maleza. Polo tanto, unha vez máis reclamamos mais traballo de rúa e menos campañas de marketing e publicidade na limpeza da nosa cidade”.
E por último, instaron ao Goberno Municipal a abrir “ a oficina de Turismo de Mondoñedo no mes de agosto as fins de semana, xa que no mes de xullo estivo pechada tódolos domingos. Parécenos inadmisible que a unica oficina de información do Concello para atender aos nosos visitantes este pechada durante o verán. Por iso, os concelleiros do Grupo Municipal Socialista de Mondoñedo queremos avanzar que nos presentamos voluntarios para abrila durante as fins de semana no mes de agosto, si é necesario”.
O Concello de Navia presenta este sábado 28 de febreiro, ás 12:00 h no Casino, o libro Tras las huellas de Campoamor en Alicante, de Luján Martínez Suárez. Ademais, adquiriu un valioso volume da RAE de 1865, que inclúe un discurso seu orixinal. O exemplar incorporarase á Biblioteca Municipal, ampliando o fondo dedicado ao poeta.
O Dúo Eclipse será o encargado de poñer a música nunha nova tarde-noite chea de ritmo, baile e bo ambiente no Guateque de Arruguiñas. A cita é este sábado, 28 de febreiro na Casa do Mar de San Cibrao ás 19:30 h. Ademais, o alumnado de 2º de Bacharelato, en colaboración coa Oficina de Voluntariado Xuvenil, ofrecerá bingo e chocolate para completar a festa. O evento conta tamén coa colaboración da Asociación de Xubilados Terramar.
O Restaurante Oviedo-2 será o encargado de elaborar o caldo, o compango e as filloas de sobremesa. O acto incluirá tamén lectura de poemas e música, coa participación de Eli García-Bouso, que interpretará algunhas pezas inspiradas en Rosalía de Castro. O prezo do xantar será de 15 euros para socios/as e 20 euros para non socios/as. As persoas interesadas poden inscribirse enviando un correo a agrupacionfranciscolanza@gmail.com ou mediante unha mensaxe de WhatsApp ao 699 809 606.
Neste espazo radiofónico, de 12 a 14 horas, Félix Jorquera falará coa directora do IES de Foz, Leticia Maseda, co coordinador do evento, José Ríos, así como con alumnado e profesorado participante e moi implicado nos Campionatos Internacionais de Baristas e Catas de Café, que estes días enchen Foz de xente e de aroma cafeteiro.
Os propietarios, Javier Montero e Tita Iglesias, recolleron o recoñecemento na Coruña, agradecendo o apoio da clientela, do seu equipo —formado integramente por mulleres— e da propia guía. O establecemento mantén esta recomendación desde 2021 e suma tamén un Sol Repsol, obtido en 2024 e renovado para 2026. O hotel restaurante Javier Montero abriu as súas portas en novembro de 2018.
Unha comedia orientada para público adulto dirixida por Cándido Pazó. Hora: 20.30. Sipnose: 1880, Curros Enríquez é denunciado polo bispo de Ourense por uns poemas do seu libro Aires da miña terra, un dos piares do Rexurdimento Galego. A pesar da opinión contraria do fiscal, un xuíz dá curso á denuncia e o célebre escritor é procesado e condenado.
A xornada comezou cun aperitivo no bar O Colorado, onde os socios se reuniron para o tradicional brinde previo ao xantar. O encontro continuou no Restaurante Asturias nun ambiente de fraternidade, gozando dun cocido digno de exaltación e dunha longa sobremesa. Durante a velada, os asistentes compartiron lembranzas e falaron das actividades que a asociación prepara para o futuro, nun ano no que Os Cacholeiros se achegan ao seu 35º aniversario. A entidade aproveita esta celebración para reivindicar unha vez máis os pratos tradicionais, elaborados con produtos locais e de tempada, e o labor dos establecementos hostaleiros do concello e da comarca.
