O Vicedo, 23 de setembro, 2025. O Teatro das Cortes, situado no lugar do Xestoso (Cabanas), O Vicedo, ven de celebrar o segundo aniversario de funcionamento continuado, un tempo que lle serviu para se converter en referencia única para a cultura galega no espazo comprendido entre Ferrol e as terras eo-naviegas.
Con este feliz motivo, a Asociación Cultural Volta e Dálle comprácese en informar da organización dunhas Xornadas de portas abertas a celebrar durante catro días: de xoves 26 a luns 29 de setembro. En horario de 5 a 8 da tarde e coa colaboración do xornalista Marco Pereira, o público terá a oportunidade de visualizar as instalacións da granxa reconvertida en teatro e de coñecer “in situ” as liñas xerais da programación cultural en oferta, ao tempo que poderá visitar dúas exposicións: Castelao sempre en Galiza (1944-2025), no interior; e no exterior a do Bosque de Valores, dentro do Espazo da Identidade Cultural Galega dirixido por Eduardo de Martís.
Aínda que se trata dunhas actividades de acceso libre e gratuíto, por motivos organizativos faise necesario realizar unha inscrición previa ben no correo voltaedalle@gmail.com ou no whatsapp do número 686 48 38 84
Marilyn Manson súmase ao cartel xunto a Limp Bizkit —único concerto en España— e outras bandas moi esperadas polo público do festival como Trivium, Converxe ou Caliban. Os novos abonos poñeranse á venda o martes 30, e publicarase proximamente toda a información relativa á compra de entradas.
Ás 10.00 horas deste luns quedou extinguido o incendio forestal rexistrado no concello de Barreiros, parroquia de San Xusto de Cabarcos, o domingo 14 ás 16.14 horas. Finalmente, afectou unha superficie de 152,69 hectáreas de monte arborado. Para a súa extinción mobilizáronse, de xeito acumulado, 10 técnicos, 87 axentes, 121 brigadas, 94 motobombas, 4 pas, 2 unidades técnicas de apoio, 7 helicópteros e 3 avións.
Resultados acadados: Alevín Femenino 3°clasificado. Alevín Masculino 3°clasificado. Cadete Femenino 4°clasificado. Os adestradores destacan o traballo e as ganas que demostraron todxs xs rapacxs, xa que para a gran maioría foi esta a súa primeira regata, tanto de remeiro/a como de patron/a. Dende a nova directiva queren facer unha aposta firme para dar un salto de calidade nas categorías base, polo que animan a todos os nenxs que se acerquen ata o club e proben este deporte de mar e equipo.
Na vila foron recibidos polo alcalde, Dani Vega, e pola concelleira de Turismo, Marta Saiz, no Forte de San Damián, enclave que puideron coñecer de preto coa visita guiada por Alberto Paraje, secretario da asociación cultural de estudos históricos de Galicia. Os asistentes percorreron esta fin de semana diferentes enclaves da Mariña en Ribadeo, Foz ou Lourenzá e saborearon a gastronomía da zona. O Concello de Ribadeo colaborou coa organización deste evento, así como diferentes firmas tanto da vila como doutros puntos da comarca e de Galicia.
Andrea Azkune Arteche e Adriá Puig Martínez lograron os primeiros postos nas probas de obstáculos senior masculina e feminina, que se disputaron pola mañá. O deputado de Mocidade e concelleiro de Participación e Dinamización Veciñal achegouse ao circuíto instalado en San Bartolo, que reuniu combinados autonómicos de 10 comunidades. A actividade deportiva continúa esta tarde coa celebración das probas de laser run e mañá coa Valkiria Race na que se agardan arredor de 400 deportistas.
A Deputada de Muller e Igualdade, Marisol Morandeira, participou nesta cita que acolleu esta fin de semana a Casa Habanera desta parroquia vilalbesa, onde destacou o traballo da Liga Santaballesa para manter viva a pegada de quen marchou a América buscando unha vida mellor
Reuníronse expositores de amarinha.gal e asistentes, expoñéndo os conceptos básicos da algoritmia, o seu uso en función do control dos intercambios dixitais e os servicios á sociedade, e da contralgoritmia en función de manter unha independencia da sociedade e o individuo cara ó futuro, e relacionándoo con temas como a contracultura ou a redución do mundo de cada persoa a unha cerrada aldea dixital. Tamén foron presentados algúns instrumentos-programas para evitar a recomendación algorítmica das empresas que controlan as redes sociais. En pouco máis dun mes terá lugar o próximo evento do ciclo ‘Soberanía Dixital’, “Solarpunk: Taller de futuros optimistas”.
