O Presidente provincial, José Tomé Roca, vén de formalizar no Pazo de San Marcos esta axuda coa entidade mariñá, que presta atención no Centro de Respiro Familiar a unha vintena de usuarios e usuarias
Lugo, 23 de outubro de 2025. A Deputación de Lugo reforza o seu compromiso co benestar das persoas e co tecido social da provincia mediante un convenio de colaboración con AFAN Burela dotado con 12.000 euros, destinados ao mantemento e impulso do Centro de Respiro Familiar, un servizo especializado que ofrece atención a persoas con alzhéimer e outras demencias e apoio directo ás súas familias. O acordo foi asinado polo Presidente da Deputación, José Tomé Roca, e pola presidenta da entidade, Estefanía Varela Casas, nun encontro no que tamén participou a Alcaldesa de Burela, Carmela López, e no que os tres coincidiron en subliñar a importancia de protexer e acompañar a quen afronta algún tipo destas doenzas.
A achega da institución provincial permitirá garantir a continuidade dun recurso esencial que combina estimulación cognitiva, obradoiros terapéuticos, acompañamento profesional e espazos de convivencia, ao tempo que proporciona ás familias e coidadores un respiro necesario para afrontar con máis forza, máis dignidade e mellor calidade de vida o proceso da enfermidade.
Durante a sinatura, o mandatario provincial destacou que este apoio responde a un compromiso firme: “Poucas realidades golpean tanto como o alzhéimer, que borra recordos, identidades e historia persoal. Non podemos permitir que quen sofre esta enfermidade nin as súas familias se sintan sós. Con esta colaboración contribuímos a mellorar o día a día das persoas afectadas e a ofrecer descanso, coidado e esperanza a quen as acompaña”. Tomé Roca expresou tamén o seu recoñecemento ao labor da entidade mariñá: “AFAN Burela é un exemplo de profesionalidade e humanidade; un equipo que guía ás familias nun momento vital de enorme dureza. Desde a Deputación seguiremos ao seu lado para construír unha provincia máis acolledora, máis xusta e máis atenta ás persoas”.
O Centro de Respiro Familiar é hoxe un piar para moitos fogares da Mariña, ao ofrecer acompañamento profesional e espazos de alivio para os coidadores principais, que con frecuencia asumen en silencio un reto físico e emocional enorme. “O alzhéimer é unha enfermidade neurodexenerativa que avanza de maneira implacable e afecta a miles de familias galegas, alterando rutinas, vínculos e afectos. Neste contexto, proxectos como o de AFAN Burela convértense en ferramentas indispensables para frear o illamento, estimular capacidades preservadas, manter vínculos sociais e protexer a memoria emocional mentres esta aínda habita nas persoas afectadas”, indicou Tomé Roca.
Coa sinatura deste convenio, a Deputación de Lugo reafirma que investir “en dignidade, en coidados e en humanidade é tamén facer provincia e tender pontes de futuro para que ninguén quede atrás nun camiño que ninguén escolleu, máis que ninguén debería percorrer en soidade”.
AFAN Burela
AFAN Burela é unha asociación sen ánimo de lucro creada en 2013 para dar resposta ás necesidades das persoas con enfermidade de alzhéimer ou outras demencias e das súas familias, ofrecendo apoio, orientación e intervención terapéutica desde unha perspectiva profesional e próxima.
A entidade xestiona na actualidade unha Unidade ou Centro de Respiro Familiar, operativo desde setembro de 2015, que conta cun máximo de vinte prazas en programas de mañá e tarde, dirixido a persoas en fase inicial ou moderada da enfermidade. Este recurso articúlase como un espazo especializado no que se desenvolven programas de estimulación cognitiva, física e social mediante terapias e actividades grupais e individuais, co obxectivo de manter as capacidades preservadas, retardar o deterioro, favorecer a comunicación e mellorar a autonomía.
O servizo está conducido por persoal profesional —entre eles unha educadora social e unha coidadora formal— que planifica e executa semanalmente sesións estruturadas de orientación á realidade, memoria, cálculo, linguaxe, percepción, praxes e musicoterapia, empregando metodoloxías adaptadas ao nivel de cada usuario. Ao mesmo tempo, o Centro de Respiro constitúe un apoio esencial para as familias e coidadores principais, ás que lles ofrece descanso, acompañamento e ferramentas para afrontar a carga emocional, física e social asociada á enfermidade.
O delegado territorial da Xunta en Lugo participou este martes nos actos programados con motivo da festividade da Patroa de Ribadeo, Santa María do Campo.
Destacou o apoio da Deputación ao sector primario a través da Granxa Gayoso Castro, centro de referencia en recría, formación e innovación. O evento, organizado pola Asociación Pura Raza Cabalo Galego, incluíu o concurso morfolóxico de distintas categorías —ponis, cabalos do país, cruzados, percheróns, Pura Raza Galega e andadura serrada e chapeada— e unha exhibición de doma de alta escola con eguas de pura raza galega.
Nesta ocasión, a homenaxeada foi a de Román. Tras unha recepción ás portas do concello, a veciñanza da parroquia desprazouse a pé ata a Igrexa de Santa María co grupo tradicional Cerna de Árbol. Na misa, cantada pola Coral Polifónica Vilalbesa, realizáronse as ofrendas e púxose en valor a tradición “dos canteiros e os traballos en pedra” en Román, unha parroquia cun destacado patrimonio histórico e cultural. Tras a celebración na igrexa, os veciños e veciñas de Román compartiron uns pinchos de fraternidade no Centro Cultural.
A celebración estivo organizada pola asociación cultural Ourofest coa colaboración do Concello do Valadouro e contou co apoio do Goberno galego. Villares participou na celebración litúrxica, que contou coa actuación do coro da Escola de Música ‘Ao Compás do Río Ouro’, e compartiu coa veciñanza esta xornada festiva de especial arraigo na localidade.
O corte afectará ao tramo que vai desde o principio da vía ata o punto quilométrico 0,900. Para facilitar a execución das obras, será necesario que non haxa vehículos estacionados nese treito. Os traballos, executados pola empresa Jose No Mantiñan E Hijos Construcciones, S.A., forman parte dun proxecto conxunto para a mellora e acondicionamento de varias estradas provinciais no municipio de Xove, cun investimento total superior aos 800.000 euros.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Daniel García reafirmou o apoio ao festival, que conta cunha colaboración estable e continuada da Vicepresidencia provincial desde a primeira edición e valorou "o impulso que a Asociación Fanto Fantini lle dá ano a ano ao festival, cun programa que vai máis alá do cartel musical e que profundiza na súa identificación e o seu vínculo con Burela e coa Mariña". A Vicepresidencia da Deputación achega 25.000 euros ao patricinio desta edición do Osa do Mar.
