Ribadeo, 15 de outubro de 2025. Ata o 31 de outubro pódese visitar na Oficina de Turismo de Ribadeo a exposición Tan coma ti da asociación Down Lugo, que foi inaugurada este mediodía.
O alcalde, Dani Vega, contou que “Tan coma ti é unha exposición fotográfica que chega a Ribadeo, que estamos sendo un exemplo en políticas de integración, de poñer no centro á persoa. Esta exposición Tan coma ti está, organizada entre a asociación Down Lugo e o Concello de Ribadeo, o que pretende é sensibilizar á cidadanía sobre a necesidade de construír unha sociedade verdadeiramente inclusiva. É desmontar estereotipos, amosando que as persoas con síndrome de down pensan, actúan da mesma forma que as demais, teñan discapacidade ou non teñan discapacidade”.
O rexedor dixo que “estas 40 fotografías capturan momentos do día a día, realizando actividades. Esta exposición tamén convida ao espectador a facer unha reflexión sobre as similitudes que nos unen aos seres humanos, mais alá das diferenzas visibles, o obxectivo é unir, é dicir, somos todos iguais e poñemos no centro o valor da persoa. O obxectivo tamén é promover a inclusión, o respecto, a empatía, desafiando os prexuízos e fomentando unha visión verdadeiramente máis xusta e equitativa dentro da diversidade humana”.
Vega dixo: “teño que felicitar á Concellería de Benestar Social, que sigamos desde o Concello poñendo no centro á persoa, colaborando con todas as entidades, e neste caso con Down Lugo, que está facendo verdadeiramente un traballo de sensibilizar á cidadanía, de acoller a todas as persoas, de acoller ás familias e de traballar conxuntamente con elas”.
E engadiu: “esta é a primeira parte dunha serie de actividades que estamos facendo con esta asociación e esta exposición fotográfica desas 40 fotos que queren sensibilizar e que todos a que fagamos unha reflexión, somos todos iguais e debemos pensar no valor da persoa e actuar en consecuencia”.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
O deputado galego Francisco Millán Mon explicoulles o día a día da súa actividade nesta cámara e a importancia da Unión Europea para Galicia e viceversa. Desde a dirección do centro agradecen “a súa exposición e o trato dispensado ao alumnado e profesorado desprazado a Bruxelas”. Neste 2026 cúmprense 40 anos da adhesión de España á Comunidade Económica Europea, así se denominaba naquel momento. O IES de Ribadeo é Escola Mentora do Programa Escolas Embaixadoras do Parlamento Europeo.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
A mostra, aberta na sala de exposicións do Auditorio Municipal de luns a venres entre as 18:00 e as 22:00 horas, reúne preto de 30 obras de artistas emerxentes e consolidados, ofrecendo diversas miradas sobre a paisaxe, a identidade, a memoria e a realidade contemporánea. A alcaldesa, Marta Rouco, destacou o valor de que Vilalba forme parte desta programación compartida e o impacto positivo que supón para a actividade cultural local.
