A alcaldesa de Viveiro afirmou que se actuou «con máxima transparencia e responsabilidade»
Viveiro, 14 de setembro de 2025. Mariña Gueimunde, alcaldesa de Viveiro, compareceu no Pleno ordinario celebrado hoxe para informar da actuación do goberno local durante a incidencia provocada polo vertido no río Landro ocorrido no mes de xuño.
Gueimunde subliñou que «desde o primeiro momento, actuamos con transparencia, seguindo as recomendacións de Sanidade e informando á veciñanza a través dos medios de comunicación municipais, bandos e redes sociais». A rexedora explicou que foi a empresa concesionaria Viaqua a que notificou a situación, e que ela mesma se desprazou ao lugar «onde permanecín durante toda a crise, en coordinación cos medios despregados».
Durante dous días e medio, segundo explicou a alcaldesa, estiveron presentes na zona efectivos da Xunta, dos bombeiros de Medio Rural, de Medio Ambiente, Sanidade, Policía Local, Protección Civil e Bombeiros, entre outros, e mantivéronse reunións de coordinación permanentes. Entre as medidas adoptadas, o Concello de Viveiro emitiu un bando no que se prohibía de forma preventiva o consumo da auga da traída e o baño en determinadas praias, así como a disposición de camións cisterna en Viveiro e Covas. Tamén se advertiu a residencias e ao Sergas para que adoptasen previsións segundo o protocolo sanitario.
A propia alcaldesa comunicouse coas áreas comerciais de Viveiro para que fixeran provisión de auga por se o Concello quedara privado dela.
Unha vez restablecido o servizo, e tras as análises correspondentes, levantáronse as restricións e recuperouse a normalidade. «Actuamos con prudencia e rigor, e non houbo nada que lamentar. Creo que o fixemos ben e así nolo recoñeceron tamén as autoridades sanitarias», apuntou Gueimunde.
A rexedora anunciou ademais que o Concello de Viveiro se adherirá ás dilixencias abertas polo Seprona no xulgado de Vilalba, remitindo os informes elaborados pola Policía Local e Protección Civil, así como o de Viaqua, sobre os danos que poidan afectar ao patrimonio municipal.
Por último, Gueimunde lembrou que o vertido tivo a súa orixe no Concello de Muras e insistiu en que «o goberno local estivo en todo momento a disposición dos grupos municipais e da cidadanía, coa máxima transparencia e responsabilidade».
Unha comedia orientada para público adulto dirixida por Cándio Pazó. Hora: 20.30. Sipnose: 1880, Curros Enríquez é denunciado polo bispo de Ourense por uns poemas do seu libro Aires da miña terra, un dos piares do Rexurdimento Galego. A pesar da opinión contraria do fiscal, un xuíz dá curso á denuncia e o célebre escritor é procesado e condenado.
A xornada comezou cun aperitivo no bar O Colorado, onde os socios se reuniron para o tradicional brinde previo ao xantar. O encontro continuou no Restaurante Asturias nun ambiente de fraternidade, gozando dun cocido digno de exaltación e dunha longa sobremesa. Durante a velada, os asistentes compartiron lembranzas e falaron das actividades que a asociación prepara para o futuro, nun ano no que Os Cacholeiros se achegan ao seu 35º aniversario. A entidade aproveita esta celebración para reivindicar unha vez máis os pratos tradicionais, elaborados con produtos locais e de tempada, e o labor dos establecementos hostaleiros do concello e da comarca.
A cita terá lugar ás 14.30 horas no Restaurante Louzao, en Area. A actividade, promovida polo Centro de Información á Muller e pola Delegación Municipal da Muller do Concello de Viveiro, está concibida como un encontro de convivencia e participación arredor do 8M. O prezo do xantar é de 50 euros. O Concello de Viveiro publicará nos vindeiros días a programación completa organizada con motivo do 8M.
A presidenta da Deputación, Carmela López, e outros cargos do PSdeG destacaron o valor do grelo como produto emblemático e subliñaron que iniciativas como esta impulsan a economía local, apoian ao sector produtor e reforzan a identidade do rural lucense.
O distintivo, concedido por ADEAC, recoñece a excelencia ambiental e a xestión sostible do territorio.En 2026 o programa acada cifras récord, con máis de 1.200 km de sendeiros en 154 municipios. A senda franquía destaca pola súa calidade paisaxística e ambiental, ao unir Castello e Porcía a través de acantilados, praias e espazos de alto valor ecolóxico. Este recoñecemento reforza o compromiso de El Franco cun modelo que combina conservación, educación ambiental e turismo sostible, situando o concello na rede estatal de itinerarios de excelencia. A entrega oficial das bandeiras será o 6 de marzo no Castelo de Cullera.
Sinalaron que conta cunha Indicación Xeográfica Protexida con case 70 hectáreas cultivadas, 194 produtores e máis de 215.000 kg certificados en 2025, cun valor superior aos 430.000 euros. Tamén subliñaron que forma parte dos 36 selos de calidade de Galicia e que festas como esta dinamizan o rural e favorecen a venda directa entre produtores e consumidores.
O Restaurante Oviedo-2 será o encargado de elaborar o caldo, o compango e as filloas de sobremesa. O acto incluirá tamén lectura de poemas e música, coa participación de Eli García-Bouso, que interpretará algunhas pezas inspiradas en Rosalía de Castro. O prezo do xantar será de 15 euros para socios/as e 20 euros para non socios/as. As persoas interesadas poden inscribirse enviando un correo a agrupacionfranciscolanza@gmail.com ou mediante unha mensaxe de WhatsApp ao 699 809 606.
