Os deputados do Grupo Popular pídenlle á portavoz do PSOE na Deputación “a mesma esixencia que ten con outras administracións para a administración na que goberna”
Lugo, 19 de outubro de 2025. Os deputados do Grupo Provincial Popular esixen a Pilar García Porto “dar exemplo” e “traballar en serio na rede de residencias da Deputación de Lugo” porque “esixe a outra administración o que ela mesma non é capaz de facer na que goberna”. Así, engaden que “onde ten responsabilidades de facer, non fai” polo que lle piden “a mesma capacidade de esixencia que ten con outras administracións, tamén para aquela na que goberna como é a Deputación de Lugo que acumula anos de atrasos nas residencias comprometidas”.
Os populares consideran “inaudito” que a alcaldesa de Antas de Ulla e voceira do PSOE na Deputación “pida explicacións a unha administración que cumpre, independentemente da cor política que goberne no municipio”.
“O único motivo polo que se nos ocorre que proteste a alcaldesa de Antas de Ulla é pola vergoña que deben sentir ao ver que a Xunta cumpre -coas obras, cos prazos- investindo 3,2M€ na residencia de Antas de Ulla” mentres que “o goberno provincial incumpre sistematicamente os seus compromisos cos veciños e veciñas da provincia”.
Así, dende o Grupo Provincial Popular subliñan que “o goberno de PSOE e BNG mantén pechada a residencia de Becerreá rematada fai preto de 4 anos e para a que propoñen un prezo por usuario un 60% que no resto de centros da rede provincial”. E o mesmo se pode dicir doutros centros de atención a maiores, “nalgún caso con convenios firmados no 2018 que xa acumulan prórrogas e prórrogas e que xa contan con todas as licenzas e permisos por parte do Concello, como é o caso de Folgoso do Courel”, expoñen.
Tamén lembran dende o Grupo Provincial Popular que a Deputación rescindiu o contrato coa construtora das residencias da Pontenova e Guitiriz que suporá un noso atraso na súa posta en marcha e que a da Pobra do Brollón tamén acumula atrasos e aínda está en construción despois de 5 adxudicacións. A de Cervantes acumula anos de promesas e nada se sabe das comprometidas en Pantón, Saviñao e Ourol”.
“Outro incumprimento de PSOE e BNG é a posta en marcha do servizo diúrno de atención a maiores que recollen os proxectos dos distintos centros da rede provincial”. Algunhas das residencias abriron no 2019, pero “ningunha presta o servizo de centro de día”.
RESPONSABILIDADE
Os populares esíxenlle a García Porto “máis responsabilidade co seu propio traballo” xa que “moitos veciños e veciñas da provincia non dispoñen dun servizo que levan anos prometendo”; pero que, nalgúns casos, non chega porque “a residencia continúa pechada por capricho político do presidente da Deputación e secretario xeral do PSOE na provincia”.
Os populares tamén consideran “paradoxal” que “a alcaldesa de Antas reclame reunións coa Xunta de Galicia” toda vez que “o presidente da Deputación de Lugo non recibe a ningún alcalde do Partido Popular”.
A iniciativa busca poñer en valor a diversidade cultural do municipio a través da gastronomía, convidando ás persoas de diferentes países a elaborar pratos típicos que se ofrecerán de forma gratuíta ao público. O Concello asumirá o custo dos ingredientes e asignará a cada participante un posto identificado co seu país de orixe. As inscricións poden realizarse ata o 29 de xullo enviando un correo a feiras@vilalba.es. Rouco chamou á participación para seguir construíndo unha Vilalba aberta e integradora, nunha feira que quere consolidarse como espazo de convivencia e dinamización da feira tradicional.
Ata o 4 de agosto poderán realizarse as renovacións, mantendo as tarifas aprobadas en asemblea: 200 € e 250 € para adultos, e acceso gratuíto para menores grazas ao convenio coa Fundación Imdecum, con opción voluntaria de abono infantil por 40 € con reserva de asento. A partir do 5 de agosto activaranse as novas altas. Os abonos poderán tramitarse a través de CLUBER ou presencialmente na oficina do club, con horario de mañá e tarde en xullo e só de mañá en agosto.
A Presidenta Carmela López destacou o valor deste produto emblemático da Mariña e o traballo do sector pesqueiro. Rocío Rivera e Herminia Pernas puxeron en valor a tradición mariñeira de Burela e o papel dos mariñeiros da Moncloa. O público degustou 450 tapas elaboradas con bonito nunha xornada que serviu de escaparate desta cita gastronómica e de convite a visitar Burela a próxima fin de semana.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
O campo de fútbol do Cascabeiro acolleu o pasado sábado a III Festa do Mexillón, organizada polo Celta Barreiros. Centos de persoas achegáronse a gozar dunha tarde de gastronomía e de música. En total foron servidas 670 racións entre veciñanza e visitantes, que saborearon mexillóns e lacón. Os organizadores amosasen satisfeitos da acollida: “estamos contentos pola boa resposta dos asistentes”. E tiveron palabras de agradecemento “para os Concellos de Barreiros e de Foz pola boa colaboración”.
Familias, amizades e persoas de todas as idades viviron cada xogada e cada aplauso, evidenciando que o fútbol é tamén unha oportunidade para fortalecer a convivencia e a unión da veciñanza. O municipio felicitou á Selección Española polo seu título mundial, un éxito histórico que fixo vibrar a toda a comunidade.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
