Os concelleiros do PP explican que “a recepción oficial ao Primeiro Ministro de Cabo Verde durante esta fin de semana a vila non fora presidida pola alcaldesa, durase apenas 15 minutos cunha representación do goberno local escasa e sen os concelleiros da oposición, que non foron convidados”
Burela, 7 de outubro de 2025. Os concelleiros do PP lamentan a “degradación institucional á que está sometendo o goberno bipartito ao Concello de Burela”. De feito, afean a “breve recepción de apenas 15 minutos ao Primeiro Ministro de Cabo Verde, José Ulisses Correia” na Casa Consistorial durante a súa visita á localidade.
Os concelleiros do PP lamentan que a alcaldesa de Burela – que é a figura de máxima representación do Concello- non estivera presente porque, “segundo se nos indicou, estaba nunha viaxe fóra de Galicia” e que, ademais, fora escasa a participación do goberno bipartito e que “os concelleiros da oposición non foramos convidados. É especialmente chamativo tendo en conta que o PP é o único grupo con representante de orixe caboverdiana, Félix Martins”.
Fronte a esta falta de respecto institucional e o “intento de invisibilizar aos representantes públicos que representan á metade do pobo de Burela”, destacan “a gran acollida” de toda a comunidade caboverdiana na reunión posterior co Primeiro Ministro. Nese sentido, trasladan “o noso máis profundo agradecemento” tanto aos representantes públicos de Cabo Verde como ás asociacións polo convite.
Así, cren que “o intento do goberno bipartito de invisibilizar á oposición foi en vano” e condenan “esta degradación institucional, que comezou co mandato da señora López Moreno xa que nunca antes se vivira”.
“Todo isto súmase ás continuas faltas de respecto e educación que demostra Pleno tras Pleno tanto a alcaldesa coma os primeiros tenentes de alcaldesa con insultos e interrupcións continuas infrinxindo o regulamento en cada sesión plenaria, como poden comprobar os asistentes aos Plenos”, conclúen.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
O deputado galego Francisco Millán Mon explicoulles o día a día da súa actividade nesta cámara e a importancia da Unión Europea para Galicia e viceversa. Desde a dirección do centro agradecen “a súa exposición e o trato dispensado ao alumnado e profesorado desprazado a Bruxelas”. Neste 2026 cúmprense 40 anos da adhesión de España á Comunidade Económica Europea, así se denominaba naquel momento. O IES de Ribadeo é Escola Mentora do Programa Escolas Embaixadoras do Parlamento Europeo.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
A mostra, aberta na sala de exposicións do Auditorio Municipal de luns a venres entre as 18:00 e as 22:00 horas, reúne preto de 30 obras de artistas emerxentes e consolidados, ofrecendo diversas miradas sobre a paisaxe, a identidade, a memoria e a realidade contemporánea. A alcaldesa, Marta Rouco, destacou o valor de que Vilalba forme parte desta programación compartida e o impacto positivo que supón para a actividade cultural local.
