O delegado territorial da Xunta en Lugo, Javier Arias, e a xerente de Galicia Calidade, Ana Méndez, entregaron o distintivo que acredita a súa excelencia e innovación e o uso de produtos galegos
Ribadeo, 29 de outubro de 2025. O restaurante El Oviedo, un dos referentes da gastronomía galega no norte de Lugo, foi distinguido co selo Galicia Calidade, que recoñece aos establecementos comprometidos coa excelencia, a autenticidade e a posta en valor dos produtos galegos.
A entrega do distintivo tivo lugar no propio restaurante, nun acto no que participaron o delegado territorial da Xunta en Lugo, Javier Arias, e a xerente de Galicia Calidade, Ana Méndez. Ambos destacaron que a concesión deste selo recoñece o compromiso constante do restaurante coa calidade e coa defensa do produto local, así como a súa contribución á posta en valor da gastronomía galega.
Recomendado pola Guía Repsol, o restaurante destaca pola súa cociña contemporánea, baseada en produtos de proximidade e na economía circular. O seu equipo aposta por unha xestión responsable e polo aproveitamento integral dos recursos, convertendo estes valores nun sinal de identidade.
Javier Arias sinalou que a marca Galicia Calidade “prestixia os nosos produtos e servizos, e con elo fortalece a nosa posición no mercado turístico nacional”. Explicou que o restaurante poderá empregar este distintivo nas súas accións de comunicación e promoción, así como na nova sinalización exterior do establecemento, reforzando a súa imaxe como símbolo de confianza, autenticidade e bo facer galego.
Pola súa banda, a xerente de Galicia Calidade, Ana Méndez, puxo en valor “a traxectoria exemplar de El Oviedo, un establecemento con máis de medio século de historia que soubo evolucionar mantendo intacta a esencia da cociña galega”. Subliñou que “El Oviedo é un exemplo de como o respecto polas raíces pode convivir coa innovación e coa modernidade. A súa incorporación á familia Galicia Calidade é unha garantía para o consumidor e un orgullo para todos nós”.
Sobre Galicia Calidade
Galicia Calidade é a marca de garantía que certifica a calidade dos produtos e servizos que, pola súa elaboración en Galicia, pola súa materia prima ou deseño galegos, merezan esta distinción. Na actualidade, conta con máis de 170 empresas adheridas e máis de 880 produtos ou servizos avalados co selo de garantía, que engloban aos sectores agroalimentario, mar, turístico, xoieiro, industrial, xeotérmico e de planta ornamental.
O grupo, composto por cinco mulleres e sete homes cunha media de 26 anos, foi recibido pola subdelegada do Goberno, Olimpia López, que lles agradeceu o compromiso co servizo público e destacou o papel esencial da Policía Nacional na seguridade cidadá. Oito axentes estarán na Comisaría de Lugo, dous en Monforte e dous en Viveiro. Ao finalizar as prácticas, escollerán destino definitivo segundo a puntuación obtida no proceso selectivo.
A iniciativa busca poñer en valor a diversidade cultural do municipio a través da gastronomía, convidando ás persoas de diferentes países a elaborar pratos típicos que se ofrecerán de forma gratuíta ao público. O Concello asumirá o custo dos ingredientes e asignará a cada participante un posto identificado co seu país de orixe. As inscricións poden realizarse ata o 29 de xullo enviando un correo a feiras@vilalba.es. Rouco chamou á participación para seguir construíndo unha Vilalba aberta e integradora, nunha feira que quere consolidarse como espazo de convivencia e dinamización da feira tradicional.
Ata o 4 de agosto poderán realizarse as renovacións, mantendo as tarifas aprobadas en asemblea: 200 € e 250 € para adultos, e acceso gratuíto para menores grazas ao convenio coa Fundación Imdecum, con opción voluntaria de abono infantil por 40 € con reserva de asento. A partir do 5 de agosto activaranse as novas altas. Os abonos poderán tramitarse a través de CLUBER ou presencialmente na oficina do club, con horario de mañá e tarde en xullo e só de mañá en agosto.
A Presidenta Carmela López destacou o valor deste produto emblemático da Mariña e o traballo do sector pesqueiro. Rocío Rivera e Herminia Pernas puxeron en valor a tradición mariñeira de Burela e o papel dos mariñeiros da Moncloa. O público degustou 450 tapas elaboradas con bonito nunha xornada que serviu de escaparate desta cita gastronómica e de convite a visitar Burela a próxima fin de semana.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
O campo de fútbol do Cascabeiro acolleu o pasado sábado a III Festa do Mexillón, organizada polo Celta Barreiros. Centos de persoas achegáronse a gozar dunha tarde de gastronomía e de música. En total foron servidas 670 racións entre veciñanza e visitantes, que saborearon mexillóns e lacón. Os organizadores amosasen satisfeitos da acollida: “estamos contentos pola boa resposta dos asistentes”. E tiveron palabras de agradecemento “para os Concellos de Barreiros e de Foz pola boa colaboración”.
