A subdelegada lembrou que o Goberno leva investidos máis de 6 millóns de euros en actuacións do Servizo Provincial de Costas na Mariña lucense nos últimos anos
Burela, 30 de outubro de 2025. A subdelegada do Goberno en Lugo, Olimpia López, visitou esta mañá o Concello de Burela para supervisar as obras que o Servizo Provincial de Costas, dependente do Ministerio para a Transición Ecolóxica e o Reto Demográfico, está a executar no entorno da praia da Marosa.
A subdelegada e a alcaldesa, Carmela López, aproveitaron para analizar as principais actuacións que o Goberno de España impulsa no municipio e, especialmente, as intervencións que Costas desenvolve no litoral da Mariña. Posteriormente, ambas realizaron unha visita técnica ás obras, acompañadas polo xefe da Demarcación de Costas de Galicia, Carlos Gil.
A actuación na Marosa enmárcase no proxecto de conservación e mantemento do litoral da costa de Lugo. Cun investimento de 30.000 euros, os traballos consisten na demolición dos muretes deteriorados, na creación de novas zonas de esparexemento e na instalación de bancos-miradoiro de madeira retranqueados respecto á liña do paseo actual, o que permitirá recuperar zonas verdes e mellorar a integración paisaxística do entorno.
Tamén está prevista a recolocación das luminarias existentes e a instalación de soportes para paneis informativos, todo iso dentro da zona de dominio público marítimo-terrestre e sen afección a espazos incluídos na Rede Natura 2000.
A subdelegada destacou que esta intervención se suma ás actuacións realizadas polo Servizo Provincial de Costas nos últimos anos, cun investimento global superior aos seis millóns de euros na comarca da Mariña, orientado á protección e posta en valor do litoral lucense.
Ocorreu pasadas as 15:30 horas. Un traballador tivo que ser evacuado ao hospital logo de caerlle o tronco dunha árbore enriba mentres realizaba tarefas no monte en Cervo. Aínda que estaba liberado e consciente, precisaba asistencia sanitaria. Os profesionais de Urxencias Sanitarias de Galicia-061 trasladárono finalmente ao Hospital de Burela. Neste operativo tamén participaron a Garda Civil e a Policía Local de Cervo.
Subliñou o traballo colectivo, o papel do voluntariado e a participación de arredor de mil corredores. Tamén puxo en valor o impacto económico e social da proba e o apoio institucional que permite o seu crecemento, incluída a difusión en streaming que levou a CAMOVI e a Viveiro a todo o mundo.
O presidente, José Manuel Gómez Puente, destacou o bo tempo e o reencontro do grupo nun percorrido de 22 km entre Pedrafita e Triacastela. A próxima etapa será o 1 de maio, entre Triacastela e Sarria, e xa está aberta a inscrición no teléfono 623 22 68 25.
Ás doce en punto, tres foguetes —un por cada palabra do nome oficial— foron lanzados desde O Castrodouro, capital histórica do termo municipal e orixe da localidade, pois alí, hai 806 anos, Afonso IX concedeu o título de vila e todo un distrito que administrar; episodio histórico do que deriva o nome do concello. Os veciños reunidos mostraron a súa satisfacción pola recuperación da denominación histórica, afirmando moitos deles que nunca deixaran de empregar o nome completo. Do mesmo xeito, os maiores agradeceron aos impulsores da iniciativa a restitución do topónimo que a historia legou ao municipio alfocés.
Viveiro, 20 de abril, 2026. A proba volveu converter Viveiro nun punto destacado do deporte e da convivencia, ademais de supoñer un impulso económico para o municipio. María Loureiro destacou que a Camovi “é un exemplo de colaboración e esforzo colectivo, que sitúa Viveiro no mapa e dinamiza a economía local”. O Partido Socialista lembra o seu apoio histórico á carreira e reafirma o seu compromiso para seguir contribuíndo ao seu crecemento. O PSOE agradece tamén á veciñanza a súa acollida e implicación, fundamentais para que o evento continúe medrando ano tras ano.
Castro destacou o labor da Asociación e o potencial da tradición do ferro como motor económico, social e cultural para Riotorto, subliñando a importancia de impulsar iniciativas que garantan futuro para estes oficios. A Deputación de Lugo mantén unha colaboración estable coa entidade, cunha achega de 14.000 euros. No marco deste apoio, a Asociación avanzou na documentación dos oficios do ferro, catalogando ferramentas, técnicas e a historia das antigas “ferrerías de monte”.
O responsable provincial destacou "o traballo realizado pola organización ao longo destes anos para consolidar unha proba deportiva de primeiro nivel, que atrae tanto deportistas do máximo nivel competitivo como participación popular"
