Barreiros, 29 de outubro de 2025. O pavillón municipal de Barreiros acollerá o sábado -1 de novembro – as finais de Segunda Masculina e Primeira Feminina da VI Copa Deputación de Fútbol Sala. Trabada- Meigallos (17.00 horas) e Ribeira FS -Praias de Barreiros CB (19.30 horas)
Os encontros, con entrada gratuíta, pecharán a competición promovida pola Vicepresidencia da Deputación de Lugo, que comezou o pasado mes de setembro e na que participaron 41 equipos femininos e masculinos.
O vicepresidente da Deputación de Lugo Efrén Castro, o deputado de Mocidade Daniel García e a alcaldesa de Barreiros Ana Ermida convidaron a asistir aos encontros, con entrada de balde, como todos os que se xogaron no marco desta competición de ámbito provincial.
Trabada Futsal, Meigallos B e Praias de Barreiros xogan por primeira vez unha final da Copa Deputación, que se presenta como un banco de probas para os equipos de cara ao inicio das ligas. O Ribeira FS, pola súa banda, xoga pola a sùa terceira final consecutiva.
Efrén Castro e Daniel García subliñaron que “o fútbol sala ten un peso moi destacado no deporte lucense, cunha ampla representación incluso en categorías estatais, e un dos obxectivos da Copa é xenerar oportunidades de competición e mellora deportiva para os clubs que están na base dese tecido deporto”
A alcaldesa Ana Ermida valorou “a celebración das finais en Barreiros, especialmente a feminina, como unha oportunidade para visibilizar, máis aló dos traballos finais, o traballo de promoción do fútbol sala feminino que ven facendo o Praias de Barreiros e a tradición de fútbol sala en Barreiros e na comarca da Mariña”
As finais de Barreiros completarán a tríada de equipos campións de Copa tras a final de Primeira Masculina que se xogou o pasado martes no Pazo Municipal de Deportes de Lugo, na que o Lugo Sala B gañou ao Ribeira FS.
Unha competición única en Galicia
A Vicepresidencia da Deputación financia a Copa, cunha achega de 22.830 euros que se distribúe entre os equipos en función dos partidos disputados e das eliminatorias superadas, polo que supón tamén unha fonte de financiamento adicional para os clubs.
Lugo é a única provincia que conta cunha Copa propia, despois de que en 2019 a Vicepresidencia da Deputación apostase en poñer en marcha a competición, que ofrece ao fútbol sala un espazo de promoción similar ao do fútbol campo.
O delegado territorial da Xunta en Lugo participou este martes nos actos programados con motivo da festividade da Patroa de Ribadeo, Santa María do Campo.
Destacou o apoio da Deputación ao sector primario a través da Granxa Gayoso Castro, centro de referencia en recría, formación e innovación. O evento, organizado pola Asociación Pura Raza Cabalo Galego, incluíu o concurso morfolóxico de distintas categorías —ponis, cabalos do país, cruzados, percheróns, Pura Raza Galega e andadura serrada e chapeada— e unha exhibición de doma de alta escola con eguas de pura raza galega.
Nesta ocasión, a homenaxeada foi a de Román. Tras unha recepción ás portas do concello, a veciñanza da parroquia desprazouse a pé ata a Igrexa de Santa María co grupo tradicional Cerna de Árbol. Na misa, cantada pola Coral Polifónica Vilalbesa, realizáronse as ofrendas e púxose en valor a tradición “dos canteiros e os traballos en pedra” en Román, unha parroquia cun destacado patrimonio histórico e cultural. Tras a celebración na igrexa, os veciños e veciñas de Román compartiron uns pinchos de fraternidade no Centro Cultural.
A celebración estivo organizada pola asociación cultural Ourofest coa colaboración do Concello do Valadouro e contou co apoio do Goberno galego. Villares participou na celebración litúrxica, que contou coa actuación do coro da Escola de Música ‘Ao Compás do Río Ouro’, e compartiu coa veciñanza esta xornada festiva de especial arraigo na localidade.
O corte afectará ao tramo que vai desde o principio da vía ata o punto quilométrico 0,900. Para facilitar a execución das obras, será necesario que non haxa vehículos estacionados nese treito. Os traballos, executados pola empresa Jose No Mantiñan E Hijos Construcciones, S.A., forman parte dun proxecto conxunto para a mellora e acondicionamento de varias estradas provinciais no municipio de Xove, cun investimento total superior aos 800.000 euros.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Daniel García reafirmou o apoio ao festival, que conta cunha colaboración estable e continuada da Vicepresidencia provincial desde a primeira edición e valorou "o impulso que a Asociación Fanto Fantini lle dá ano a ano ao festival, cun programa que vai máis alá do cartel musical e que profundiza na súa identificación e o seu vínculo con Burela e coa Mariña". A Vicepresidencia da Deputación achega 25.000 euros ao patricinio desta edición do Osa do Mar.
