Propón subir de 12 a 20 euros/hora o financiamento do SAF, aumentar os fondos destinados aos municipios e garantir a súa distribución con “criterios obxectivos, preestablecidos e igualitarios”
Santiago de Compostela, 13 outubro 2025. A portavoz nacional, Ana Pontón, reclamoulle ao presidente da Xunta, Alfonso Rueda, que non repita en 2026 o orzamento “clientelista e cutre” de tódolos anos en materia de financiamento municipal e que, polo tanto, “non discrimine aos concellos que non son da súa corda política” e garanta os recursos necesarios para servizos esenciais como o SAF.
Pontón mantivo un encontro cunha delegación da Fegamp, encabezada polo seu presidente, Alberto Varela, para abordar as peticións da entidade municipalista de cara ao orzamento da Xunta do próximo exercicio, unhas contas nas que dixo ver “como se repiten os vellos problemas que veñen sufrindo os concellos deste País, que non atopan solucións por parte da Xunta”.
Por iso, dirixiuse directamente a Rueda para pedirlle que non repita en 2026 uns “orzamentos clientelistas nos que o Partido Popular discrimina aos concellos que non son da súa corda política”, tal e como reflicten as contas do actual exercicio 2025, nas que dos 627 millóns de euros destinados aos municipios, tan só “unha mínima parte”, en concreto 118 millóns, se distribuíu de maneira obxectiva e con criterios establecidos previamente.
Un “exemplo dramático”, remarcou, é o do SAF, un servizo básico para as persoas usuarias e as súas familias que “está totalmente colapsado e infrafinanciado” por parte do Goberno do PP. “Un servizo que os concellos teñen que asumir pese a non ter as competencias nesta materia e, por riba, sen que a Xunta, non só non aporte os fondos necesarios para o seu financiamento, senón que, pola contra, recortou este verán en 17 millóns de euros”, denunciou.
A portavoz nacional advertiu da “realidade durísima” que teñen que soportar case todos os municipios, mentres o Goberno de Rueda, na vez de aportar fondos, “o que fai é recortar”, a pesar de que, hoxe en día, “unha persoa maior ten que espera a que morra outra para poder acceder ao servizo”, recalcou.
Neste contexto, Pontón avanzou que o BNG asume como propia a demanda trasladada pola Fegamp para incrementar o financiamento municipal e, de cara aos orzamentos do ano que vén, detallou algunhas das propostas da organización nacionalista, a comezar por “aumentar de inmediato” de 12 a 20 euros a hora o financiamento da Xunta ao SAF.
“É urxente preservar o coidado das persoas maiores, polo que lle pedimos ao señor Rueda que rectifique e apoie esta proposta do BNG que, ademais, comparten todos os concellos deste País, sexa cal sexa a súa cor política”, reclamou.
En segundo lugar, pediu ao titular do Executivo que acabe co reparto clientelar do orzamento destinado aos municipios, de tal xeito que “o 100% destes recursos se distribúan con criterios obxectivos, preestablecidos e igualitarios”.
“Para o Goberno do Partido Popular, hai concellos de primeira e concellos de segunda e isto ten que acabar porque todos os veciños e veciñas merecen o mesmo trato, vivan onde vivan e voten o que voten”, incidiu.
Por último, defendeu o incremento dos fondos destinados aos concellos, xa que “están infrafinanciados”, pese a ser a administración máis próxima á veciñanza e pese a que “cada día prestan máis e máis servizos”.
Neste sentido, e a preguntas dos medios, criticou que o PP deixe ano tras ano orzamentos destinados os municipios sen executar e logo compute estes fondos ao seguinte exercicio e advertiu que “o máis grave” é que o Fondo Básico de Cooperación, que é o que garante o financiamento dunha parte dos concellos, leve 15 anos “conxelado”.
Por iso, Pontón defendeu as propostas que o BNG trasladará ao debate orzamentario para incrementar o financiamento municipal a través deste Fondo Básico de Cooperación e garantir o acceso igualitario a estes recursos con criterios predefinidos e equitativos, xa que “é unha cuestión de xustiza”, dado que agora, as entidades locais “non teñen o trato que merecen” por parte do Executivo do PP.
“Hai que acabar con este infrafinanciamento e co clientelismo no reparto dos fondos por parte da Xunta porque iso vai en contra dos principios que operan nun sistema democrático e en contra de que os veciños e veciñas, vivan no concello que vivan, teñan os mesmos recursos”, concluíu.
O grupo teatral O Centiño de San Martiño (Foz) actuou este sábado en Marzán, convidado pola asociación veciñal Torques de Marzán. O local quedou pequeno ante a resposta do público: 73 persoas, un récord de asistencia para unha obra de teatro na parroquia. A comedia provocou constantes risas e un ambiente moi participativo. A iniciativa volve demostrar o valor de levar actividade cultural e teatro afeccionado ás parroquias e barrios, achegando propostas escénicas a lugares afastados dos grandes circuítos. O Centiño continuará a xira de “O Autobús” nas vindeiras semanas: Sábado 25 de abril: Vilaronte (Foz). Sábado 2 de maio: Casa da Cultura de Trabada
A xornada contou con degustación gratuíta de viños elaborados por adegas da contorna, unha cata comentada e un mercado de produtos gastronómicos locais, permitindo aos asistentes coñecer de primeira man a riqueza do produto de proximidade. O pregón desta edición correu a cargo de Alejandro Gándara, quen presentou o seu proxecto audiovisual 360 curvas, unha obra que reflexiona sobre a distancia entre A Fonsagrada e Lugo e sobre o conflito social e político asociado á perda da súa condición de cabeceira de comarca, no marco da loita contra a despoboación.
Dezaoito locais hostaleiros de Ribadeo, Rinlo e Vilaframil ofrecerán diversas preparacións ata o domingo: en escabeche, en salpicón, en empanada, ao allo, á prancha, en albóndega, etc… Todas as propostas poden consultarse nas redes sociais de Acisa Ribadeo, que agradece “unha vez máis o apoio da OPP do Porto de Burela, que nos doou 90 quilos de cabala para estas xornadas, produto que entregamos de xeito gratuíto aos locais participantes. Achegámoslles así unha parte do peixe que empregarán nesta nova cita gastronómica na que tamén colabora o Concello de Ribadeo”. Ata o porto, ao restaurante Marinero, se achegaron este venres o director territorial da Consellería de Mar, Alexandre Piñeiro, as concelleiras ribadenses Montse Seijo, Elena Sierra e Begoña Sanjurjo, a presidenta de Acisa, Carmen Cruzado, o xerente do colectivo empresarial, Jesús Pérez, e o técnico de Acisa, Jorge Fernández, que puideron degustar as elaboracións realizadas por este establecemento hostaleiro.
O sábado tivo lugar no Casino o III Showcooking, con cociña en directo e maridaxe de viños. O público poderá votar os seus pinchos favoritos e participar no sorteo dunha noite no hotel Marqués de Riscal. A entrega de premios será o luns 20 ás 19:00 h. O Concello e Destino Navia animan a veciños e visitantes a gozar desta cita gastronómica.
Haberá degustación diaria de ostras na carpa do porto. Concertos, showcookings, visitas guiadas e actividades mariñeiras. Lancha pola ría, exposición de maquetas e concurso fotográfico #somoslasostra2026, ademais propostas especiais en Acueo, La Casilla e Restaurante Peñalba.
A etapa, cun percorrido duns 150 quilómetros, partiu arredor das 11:30 horas e rematou en Barreiros, atravesando concellos como Xermade, Muras, Viveiro ou Foz. A proba reúne a equipos do ciclismo profesional internacional e sitúa a provincia de Lugo como escenario dunha das citas deportivas máis destacadas do calendario. O Goberno colabora no desenvolvemento da carreira a través das Forzas e Corpos de Seguridade do Estado, que velan polo correcto desenvolvemento da proba e pola seguridade de participantes e afeccionados.
A cita contará con charlas, obradoiros, concurso de fotografía e unha ampla zona expositiva. A feira será de acceso gratuíto e está pensada para gozar en familia.
