Tamén puxo en valor que esta acción amosa o compromiso do Goberno galego co conxunto da cadea mar-industria, sector estratéxico na comunidade, así como coa saúde e benestar da cidadanía
Lugo, 10 de outubro do 2025. A primeira edición do programa autonómico de promoción do consumo de produtos pesqueiros frescos, Bono Peixe, finalizou este xoves ao esgotarse os 2,5 millóns de euros que destinou a Xunta a esta medida pioneira. Así o anunciou a conselleira do Mar, Marta Villaverde, desde o Mercado Municipal de Lugo, onde fixo un balance preliminar desta acción impulsada polo seu departamento. Así, destacou entre as grandes cifras os 750 establecementos adheridos a este programa do que se beneficiaron máis de 146.000 consumidores xerando un impacto en vendas de case 11 millóns de euros.
Marta Villaverde salientou a gran acollida desta iniciativa que confirmou o interese espertado no conxunto da comunidade, á vez que permitiu dar maior visibilidade á necesidade de garantir a presenza destes alimentos na cesta da compra. Uns produtos de excelente calidade e cunhas propiedades nutricionais que representan importantes beneficios para a saúde e benestar da cidadanía, contribuíndo á prevención de doenzas e promovendo unha maior calidade de vida.
Marta Villaverde sinalou que esta acción serviu para confirmar de novo o impacto do factor prezo nos hábitos de consumo dos produtos pesqueiros polo que volveu a reclamar ao Estado a rebaixa do IVE ao peixe, marisco e conservas. Nesta liña, recordou as experiencias positivas de países do noso entorno como Portugal así como o aval de organismos internacionais e por estudos independentes que resaltan o seu impacto positivo para o conxunto da cadea mar-industria. Uns argumentos de peso polos que resulta incomprensible a reiterada negativa do Goberno central a esta medida. Un desleixo que contrapuxo co compromiso da Xunta á hora de poñer en marcha iniciativas de promoción do consumo propias e en colaboración coas principais entidades sectoriais situando a Galicia como referente neste ámbito.
Reparto por provincias
As máis de dez semanas de vixencia do Bono Peixe deixou un comportamento moi diferente nas distintas provincias. Así, A Coruña lidera por número de descargas con máis de 100.000, seguida de Pontevedra con case 90.000, Lugo con 22.000 e Ourense con 21.000. Pola contra, en canto a número de establecementos, a provincia de Pontevedra liderou con 304, seguida da Coruña con 290, con Lugo e Ourense empatadas con 78 establecementos. En total participaron 233 operadores, dos que a gran maioría son establecementos minoristas (188), 26 hipermercados, 18 ambulantes e 1 gran almacén.
O delegado territorial da Xunta en Lugo participou este martes nos actos programados con motivo da festividade da Patroa de Ribadeo, Santa María do Campo.
Destacou o apoio da Deputación ao sector primario a través da Granxa Gayoso Castro, centro de referencia en recría, formación e innovación. O evento, organizado pola Asociación Pura Raza Cabalo Galego, incluíu o concurso morfolóxico de distintas categorías —ponis, cabalos do país, cruzados, percheróns, Pura Raza Galega e andadura serrada e chapeada— e unha exhibición de doma de alta escola con eguas de pura raza galega.
Nesta ocasión, a homenaxeada foi a de Román. Tras unha recepción ás portas do concello, a veciñanza da parroquia desprazouse a pé ata a Igrexa de Santa María co grupo tradicional Cerna de Árbol. Na misa, cantada pola Coral Polifónica Vilalbesa, realizáronse as ofrendas e púxose en valor a tradición “dos canteiros e os traballos en pedra” en Román, unha parroquia cun destacado patrimonio histórico e cultural. Tras a celebración na igrexa, os veciños e veciñas de Román compartiron uns pinchos de fraternidade no Centro Cultural.
A celebración estivo organizada pola asociación cultural Ourofest coa colaboración do Concello do Valadouro e contou co apoio do Goberno galego. Villares participou na celebración litúrxica, que contou coa actuación do coro da Escola de Música ‘Ao Compás do Río Ouro’, e compartiu coa veciñanza esta xornada festiva de especial arraigo na localidade.
O corte afectará ao tramo que vai desde o principio da vía ata o punto quilométrico 0,900. Para facilitar a execución das obras, será necesario que non haxa vehículos estacionados nese treito. Os traballos, executados pola empresa Jose No Mantiñan E Hijos Construcciones, S.A., forman parte dun proxecto conxunto para a mellora e acondicionamento de varias estradas provinciais no municipio de Xove, cun investimento total superior aos 800.000 euros.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Daniel García reafirmou o apoio ao festival, que conta cunha colaboración estable e continuada da Vicepresidencia provincial desde a primeira edición e valorou "o impulso que a Asociación Fanto Fantini lle dá ano a ano ao festival, cun programa que vai máis alá do cartel musical e que profundiza na súa identificación e o seu vínculo con Burela e coa Mariña". A Vicepresidencia da Deputación achega 25.000 euros ao patricinio desta edición do Osa do Mar.
