A alcaldesa, Marta Rouco, presentou a programación organizada dende a Concellería de Igualdade para visibilizar e poñer en valor o papel das mulleres no rural vilalbés
Vilalba, 10 de outubro de 2025. O Concello de Vilalba, a través da Concellería de Igualdade, da que é responsable a alcaldesa Marta Rouco, presenta a programación co gallo da conmemoración do 15 de outubro, Día Internacional da Muller Rural, unha data na que se recoñece o papel esencial das mulleres no desenvolvemento social, económico e cultural da vida rural.
A programación inclúe dúas accións principais: unha mesa aberta de diálogo e unha exposición fotográfica participativa.
A mesa aberta celebrarase o mércores 15 de outubro, ás 20:00 horas na Casa da Cultura, baixo o título “Vilalba colleita igualdade”, e reunirá a mulleres con diferentes traxectorias e experiencias ligadas ao rural:
– Rosa Arcos, presidenta da Federación de Asociacións de Mullere Rurais (FADEMUR).
– Lourdes Otero, presidenta da Asociación de Mulleres Rurais de Insua.
– Lupe Prado, da Asociación Agarimo de Mulleres Rurais de Santaballa.
– Amanda López, secretaria da Asociación de Produtores Agroecolóxicos A Estruga.
Durante o encontro abordarase o papel da muller no rural galego e vilalbés, afondando nas circunstancias pasadas e presentes, así como nos retos de futuro para avanzar cara á igualdade real neste ámbito.
“Queremos recoñecer e poñer en valor o traballo, o compromiso e a forza das mulleres que manteñen viva a nosa terra. Elas son parte esencial da nosa identidade e do noso futuro”, destacou a alcaldesa, Marta Rouco.
Ademais, o Concello impulsa a iniciativa “Muller Rural: Revela a súa forza”, unha exposición fotográfica colaborativa na que poderá participar toda a veciñanza enviando imaxes de mulleres do rural vilalbés. As fotografías deberán remitirse ao enderezo ax.igualdade@vilalba.es entre os días 13 e 17 de outubro, indicando o nome completo da persoa remitente e un título ou breve descrición da imaxe.
As fotografías seleccionadas formarán parte dunha mostra que se instalará a finais de mes na Sala de Exposicións do Auditorio Municipal, e que servirá como homenaxe colectiva a todas as mulleres que, dende o seu esforzo diario, contribúen ao desenvolvemento do rural e á preservación da súa esencia.
“Con esta exposición queremos que sexan as propias veciñas e veciños quen amosen o valor das mulleres do noso rural, da súa relación coa terra e coa comunidade, dende a súa mirada máis próxima e real”, engadiu Rouco.
O Concello anima a toda a cidadanía a participar nesta iniciativa e a sumarse á conmemoración dunha data que reivindica igualdade, recoñecemento e futuro para as mulleres do rural.
INSTRUCIÓNS PARA PARTICIPAR NA EXPOSICIÓN “MULLER RURAL: REVELA A SÚA FORZA”
As persoas interesadas en participar nesta iniciativa poderán enviar as súas fotografías do 13 ao 17 de outubro ao enderezo electrónico ax.igualdade@vilalba.es, indicando no correo:
O nome completo da persoa que remite a imaxe.
O título ou unha breve descrición da fotografía.
As imaxes recibidas formarán parte da exposición “Muller Rural: Revela a súa forza”, que se instalará na sala de exposicións do Auditorio Municipal a finais de mes. Co obxectivo de garantir a mellor calidade na mostra, recoméndase seguir as seguintes indicacións:
– Calidade: Enviar o ficheiro orixinal coa máxima resolución posible. Evitar imaxes descargadas de WhatsApp ou recortadas.
– Formato: preferiblemente JPG ou PNG.
– Orientación: aceptaranse fotografías tanto en horizontal como en vertical.
– Luz: Asegurarse de que a imaxe teña boa iluminación e non estea escura nin movida.
No acto impuxéronlles o birrete e entregáronlles diploma e orla. Despois cantaron unha canción para as familias asistentes. Houbo moitos aplausos e algunhas lágrimas de emoción.
O vendedor da ONCE Daniel José López Legaspi foi quen levou a sorte ao municipio desde o seu posto de venda situado na Praza Maior.
Trátase dun programa de actividades para a infancia e a mocidade que se desenvolverá en xullo e agosto con propostas educativas, deportivas e culturais pensadas para facilitar a conciliación familiar. A oferta inclúe ludoteca, talleres creativos e tecnolóxicos, deporte, contacontos e eventos comunitarios como o Mercado Infantil Solidario ou o Carnaval de Verano. As inscricións realizaranse do 1 ao 15 de xuño no Concello, con prioridade para menores empadroados. O programa reforza o compromiso municipal co apoio ás familias e cun verán activo e accesible para a mocidade do concello.
A comunidade educativa convida especialmente a antigos alumnos, mestres e familias a participar nesta xornada de reencontros e lembranzas.
A festa incorporou unha mesa doce decorada con temática de faros e unha sesión de coctelería dedicada á elaboración de vermús. As persoas asistentes recibiron ademais un detalle conmemorativo: unha botella de aceite de oliva virxe extra de Oleonavas, en homenaxe ás raíces familiares do propietario. O evento incluíu numerosos sorteos grazas á colaboración de diferentes empresas, con premios como comidas en O Noso Lar, na Bodega de Ana ou no Restaurante Nito, ademais de licores, paletillas e circuítos termais. Para esta ocasión preparouse tamén unha carta especial con táboas de carne e instalouse un mural conmemorativo no local. O establecemento agradeceu a fidelidade da clientela e o apoio da veciñanza ao longo desta década, fundamentais para acadar este aniversario tan significativo.
Tras máis de vinte anos dedicada ao debuxo científico, expón desde 2013 e a súa pintura, definida pola crítica como expresiva, colorista e próxima ao surrealismo, chegou xa a numerosos países europeos e americanos. 
