A Mariña 3 de novembro de 2025. A Plataforma Sanitaria da Mariña celebrou o pasado xoves 30 de outubro a reunión que adoitan realizar despois de finalizar o período estival e na que comezaron a organizar e deseñar o calendario das próximas mobilizacións. Igualmente analizaron a actualidade sanitaria, poñendo énfase nos problemas que máis preocupan á sociedade.
Ao remate desta reunión o colectivo sanitario conseguiu consensuar un primeiro bosquexo do que serán as mobilizaciónse e actos máis importantes ata principios de ano, e que se irán anunciando segundo se vaian pechando.
A asistencia sanitaria non estivo garantida durante os meses de verán
Unha das conclusións máis relevantes das múltiples análises que se fixeron foi que a asistencia sanitaria non estivo garantida durante o verán, dado que na práctica totalidade dos centros de sáude da comarca non houbo substitución dos profesionais de medicina de familia, pediatría e enfermería dándose situacións totalmente caóticas, con algúns centros sen persoal facultativo ou moi por debaixo do cincuenta por cento da súa dotación. O persoal de enfermería tamén estivo prácticamente sen substituir nas vacacións, agravándose aínda máis a eiva asistencial que hai na Mariña, polo que a asistencia sanitaria non estivo garantida.
A esta merma de persoal de plantilla hai que engadir a falta outro ano máis de persoal facultativo e de enfermería para a atención das persoas desprazadas, que poden multiplicar por catro ou por cinco, dependendo da localidade, a poboación da Mariña. Carlos Fernández Fraga, médico xubilado e membro da Plataforma Sanitaria da Mariña, tras a análise dos datos de ausencias deste verán e de varios anos atrás saca como conclusión que “ o ideario e todas as accións que está a realizar o goberno do PP están encamiñadas a paulatinamente ir diminuíndo a actividade asistencial, vémolo na atención básica de saúde pero vémolo tamén na atención hospitalaria onde se constata que os traslados cara ao HULA para procedementos básicos e que existen no hospital da Mariña ou mesmo para ingresos por procesos que terían que resolverse aquí, medran a velocidades de vértixe”.
Máis privatizacións na Área Sanitaria
Obxecto tamén de debate foi a información que nos chegou referida a privatización por parte da Xerencia da Área Sanitaria de Lugo- A Mariña – Monforte de Lemos da codificación das altas hospitalarias e de hospitalización a domicilio, o que significa que os datos das persoas que son dadas de alta estarán a partir de agora en mans de empresas privadas, co perigo que esto supón ao ser datos moi sensibles que non deberan estar en poder de empresas privadas.
Segundo comenta Montse Porteiro, coordinadora do colectivo, “esta nova privatización engádese ás que vimos sufrindo desde que o Partido Popular goberna en Galicia e que se foron efectuando pouco a pouco para que a poboación non o percibise .Máis chegou un punto en que non se pode agochar máis a súa estratexia privatizadora que tanto dano produce ás persoas”.
Preocupción polos cribados de cancro de mama
O colectivo amosou a súa preocupación polas informacións que están a trascender sobre os cribados de cancro de mama, pois o escándalo dos fallos na comunicación dos resultados das probas ás mulleres en Andalucía sumado á negativa do goberno galego a trasladar os resultados das probas realizadas en Galiza solicitado polo Ministerio de Sanidade, activan todas as alarmas pois esta negativa e falta de transparencia por parte do goberno da Xunta non fai máis que crear dúbidas e levantar sospeitas.
Concentración en Viveiro o xoves 6 de novembro diante do Concello
A Plataforma Sanitaria da Mariña lembra que este xoves 6 de novembro volvemos concentrarnos en Viveiro, na praza do Concello para seguir a reclamar uns servizos sanitarios no seu centro de saúde de calidade, dignos e completos. Demandamos tamén a cobertura de tod@s as profesionais médicas para que se poda garantir a asistencia sanitaria na cidade, xa que mentres o centro non esté ao cen por cen da súa dotación a asistencia sanitaria non está garantida.
A concentración terá lugar ás 11:30 horas e desde algo antes seguirase coa recollida de sinaturas , que segundo nos comenta Samuel Fernández Bouza “ xa pasamos das tres mil sinaturas e avanzamos a moi bo ritmo pois a xente de Viveiro e das localidades veciñas está moi sensibilizada con esta falta de facultativ@s que afecta á saúde e ao benestar das persoas de Viveiro e dos concellos que dependen funcionalmente dos servizos sanitarios de Viveiro”.
Castro destacou o labor da Asociación e o potencial da tradición do ferro como motor económico, social e cultural para Riotorto, subliñando a importancia de impulsar iniciativas que garantan futuro para estes oficios. A Deputación de Lugo mantén unha colaboración estable coa entidade, cunha achega de 14.000 euros. No marco deste apoio, a Asociación avanzou na documentación dos oficios do ferro, catalogando ferramentas, técnicas e a historia das antigas “ferrerías de monte”.
O responsable provincial destacou "o traballo realizado pola organización ao longo destes anos para consolidar unha proba deportiva de primeiro nivel, que atrae tanto deportistas do máximo nivel competitivo como participación popular"
O grupo teatral O Centiño de San Martiño (Foz) actuou este sábado en Marzán, convidado pola asociación veciñal Torques de Marzán. O local quedou pequeno ante a resposta do público: 73 persoas, un récord de asistencia para unha obra de teatro na parroquia. A comedia provocou constantes risas e un ambiente moi participativo. A iniciativa volve demostrar o valor de levar actividade cultural e teatro afeccionado ás parroquias e barrios, achegando propostas escénicas a lugares afastados dos grandes circuítos. O Centiño continuará a xira de “O Autobús” nas vindeiras semanas: Sábado 25 de abril: Vilaronte (Foz). Sábado 2 de maio: Casa da Cultura de Trabada
A xornada contou con degustación gratuíta de viños elaborados por adegas da contorna, unha cata comentada e un mercado de produtos gastronómicos locais, permitindo aos asistentes coñecer de primeira man a riqueza do produto de proximidade. O pregón desta edición correu a cargo de Alejandro Gándara, quen presentou o seu proxecto audiovisual 360 curvas, unha obra que reflexiona sobre a distancia entre A Fonsagrada e Lugo e sobre o conflito social e político asociado á perda da súa condición de cabeceira de comarca, no marco da loita contra a despoboación.
Haberá degustación diaria de ostras na carpa do porto. Concertos, showcookings, visitas guiadas e actividades mariñeiras. Lancha pola ría, exposición de maquetas e concurso fotográfico #somoslasostra2026, ademais propostas especiais en Acueo, La Casilla e Restaurante Peñalba.
A etapa, cun percorrido duns 150 quilómetros, partiu arredor das 11:30 horas e rematou en Barreiros, atravesando concellos como Xermade, Muras, Viveiro ou Foz. A proba reúne a equipos do ciclismo profesional internacional e sitúa a provincia de Lugo como escenario dunha das citas deportivas máis destacadas do calendario. O Goberno colabora no desenvolvemento da carreira a través das Forzas e Corpos de Seguridade do Estado, que velan polo correcto desenvolvemento da proba e pola seguridade de participantes e afeccionados.
A cita contará con charlas, obradoiros, concurso de fotografía e unha ampla zona expositiva. A feira será de acceso gratuíto e está pensada para gozar en familia.
