O secretario xeral para o Deporte e o delegado territorial de Lugo reuníronse con representantes de máis de 70 clubs da provincia para dar a coñecer esta iniciativa, pioneira en España, impulsada polo Goberno galego e a Fundación Amare Terra
Lugo, 5 de novembro de 2025. O secretario xeral para o Deporte, José Ramón Lete Lasa, e o delegado territorial da Xunta en Lugo, Javier Arias, reuníronse con representantes de clubs deportivos da provincia para presentarlles a plataforma solidaria Terra Move, impulsada pola Administración autonómica en colaboración coa Fundación Amare Terra co obxectivo de facilitar o mecenado e a captación de fondos no ámbito deportivo.
O encontro desenvolveuse no salón de actos da Delegación Territorial e contou coa participación de representantes de máis de 70 clubs pertencentes a disciplinas como fútbol, baloncesto, atletismo, motociclismo, iudo, fútbol sala, pádel ou tenis de mesa, entre outras. Asistiu tamén o presidente da Fundación Amare Terra, Jesús Martínez.
Segundo se explicou na presentación, Terra Move nace como unha ferramenta dixital “gratuíta, innovadora e solidaria” para facilitar que clubs, federacións e deportistas poidan captar fondos e recursos para os proxectos que promovan a través da propia plataforma.
Trátase dunha ferramenta pioneira en España, “que permite que calquera persoa ou empresa pode apoiar ao deporte galego, de forma sinxela e segura, desde o seu teléfono móbil”. Cada entidade inscrita recibirá directamente os fondos para as súas respectivas campañas, mentres que as doazóns realizadas a través da plataforma poderán beneficiarse das deducións fiscais previstas na lexislación española.
O proxecto conta cun investimento da Xunta de 250.000 euros, o que supón o 45% do custo total previsto para o período 2025-2027, no que se desenvolverá ata a súa consolidación e proxección.
Os representantes autonómicos destacaron que Terra Move “sitúa a Galicia á vangarda do mecenado deportivo, ofrecendo ás entidades a oportunidade real de captar recursos e fortalecer a súa actividade diaria”.
O delegado territorial animou aos clubs lucenses a rexistrarse na plataforma e “aproveitar esta nova ferramenta que pon a tecnoloxía ao servizo do deporte e da solidariedade, e que contribuirá a potenciar e consolidar a actividade deportiva”.
Estará dedicada á figura de Leopoldo Calvo-Sotelo, xa que neste 2026 cúmprese o centenario do nacemento de quen fora presidente do Goberno. No acto interviñeron o presidente do RCNR, Pablo Fernández, o director territorial de Deportes da Xunta, Manuel Otero, un dos fillos do tamén alcalde honorario de Ribadeo Víctor Calvo-Sotelo, e o rexedor ribadense, Dani Vega. Todos exaltaron a práctica deportiva na ría, a labor desenvolvida polo Real Club Náutico e a vinculación de Leopoldo Calvo-Sotelo co estuario. Entre o público asistente estaban máis membros da familia Calvo-Sotelo, directivos e ex directivos do RCNR, edís de Ribadeo e representantes de Acisa.
A iniciativa busca poñer en valor a diversidade cultural do municipio a través da gastronomía, convidando ás persoas de diferentes países a elaborar pratos típicos que se ofrecerán de forma gratuíta ao público. O Concello asumirá o custo dos ingredientes e asignará a cada participante un posto identificado co seu país de orixe. As inscricións poden realizarse ata o 29 de xullo enviando un correo a feiras@vilalba.es. Rouco chamou á participación para seguir construíndo unha Vilalba aberta e integradora, nunha feira que quere consolidarse como espazo de convivencia e dinamización da feira tradicional.
Ata o 4 de agosto poderán realizarse as renovacións, mantendo as tarifas aprobadas en asemblea: 200 € e 250 € para adultos, e acceso gratuíto para menores grazas ao convenio coa Fundación Imdecum, con opción voluntaria de abono infantil por 40 € con reserva de asento. A partir do 5 de agosto activaranse as novas altas. Os abonos poderán tramitarse a través de CLUBER ou presencialmente na oficina do club, con horario de mañá e tarde en xullo e só de mañá en agosto.
A Presidenta Carmela López destacou o valor deste produto emblemático da Mariña e o traballo do sector pesqueiro. Rocío Rivera e Herminia Pernas puxeron en valor a tradición mariñeira de Burela e o papel dos mariñeiros da Moncloa. O público degustou 450 tapas elaboradas con bonito nunha xornada que serviu de escaparate desta cita gastronómica e de convite a visitar Burela a próxima fin de semana.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
