Ribadeo, 28 de novembro de 2025. A Asociación de Comerciantes, Industriais, Servizos e Autónomos de Ribadeo (Acisa) vén de anunciar unha iniciativa de colaboración aberta ao conxunto do empresariado local para reforzar e mellorar a Cabalgata de Reis 2025/2026, por considerala un dos eventos máis relevantes do Nadal para o comercio e a hostalaría do municipio.
A presidenta de Acisa, Carmen Cruzado, explicou que “en xunta directiva e tamén na última asemblea de asociados acordamos colaborar coa organización da Cabalgata de Reis, da que agora se ocupa o Concello de Ribadeo. É un momento moi especial para as nenas e os nenos e consideramos que esta cita debe estar á altura dunha vila como a nosa, de aí que vaiamos facer un esforzo importante desde Acisa”.
O xerente, Jesús Pérez, indicou que “Acisa realizará unha achega directa de 1.000 euros de fondos propios para contribuír á celebración dunha Cabalgata que esperamos sexa diferente e mellor que as dos últimos anos, pero ademais actuaremos como canle de recepción das achegas voluntarias das empresas locais, de calquera sector, que desexen participar no financiamento do evento. Xa que non existe comisión organizadora, e Acisa colaborará co Concello, esta canle de recadación é a mais axeitada para que todos aqueles que o desexen poidan contribuír a facer unha mellor Cabalgata de Reis”.
Cruzado Iglesias subliñou que “o 100% do recadado destinarase exclusivamente aos gastos da Cabalgata, co obxectivo de que Ribadeo recupere o seu carácter de referente na celebración de Reis e evitar que veciños e visitantes se despracen a outras localidades para darlle a benvida á tradicional comitiva real”.
Pérez Prada conta que “a nosa entidade pon á disposición das empresas dúas fórmulas de colaboración, para que todas poidan contribuír. A primeira é unha achega voluntaria entre 30 e 100 euros, que levará como contraprestación a mención da empresa como colaboradora en redes sociais e notas de prensa. A segunda é un patrocinio, entre 200 e 500 euros, que ademais incluirá a presenza do logo da empresa no cartel oficial da Cabalgata, así como outras posibles accións de visibilidade. As empresas poden escoller a contía coa que colaborar, e deben poñerse en contacto con Acisa Ribadeo antes do 15 de decembro”.
Pola súa parte, a presidenta de Acisa referiuse á importancia desta iniciativa para Ribadeo: “a Cabalgata de Reis é un evento moi querido pola veciñanza, especialmente polos máis pequenos. Desde Acisa queremos contribuír a que Ribadeo continúe a ser un referente nesta data tan especial, e para iso precisamos a implicación do noso empresariado. O tecido económico ribadense sempre amosou unha colaboración exemplar coa Cabalgata e con outros eventos do municipio ao longo dos anos. Por iso apelamos á responsabilidade, á solidariedade e ao espírito de Nadal das empresas para apoiar unha celebración que beneficia a toda a vila”.
O xerente engadiu: “esta colaboración non está limitada ás empresas asociadas. Está aberta a todo o empresariado de Ribadeo, porque a Cabalgata é de todos e contribúe a manter viva a actividade comercial e hostaleira nun dos períodos máis importantes do ano. Esta semana enviamos unha comunicación ás nosas asociadas e asociados para iniciar este período de recadación e as sensacións a día de hoxe son boas. Ao seu remate daremos a coñecer a cifra total recadada para a vindeira Cabalgata de Reis”.
Castro destacou o labor da Asociación e o potencial da tradición do ferro como motor económico, social e cultural para Riotorto, subliñando a importancia de impulsar iniciativas que garantan futuro para estes oficios. A Deputación de Lugo mantén unha colaboración estable coa entidade, cunha achega de 14.000 euros. No marco deste apoio, a Asociación avanzou na documentación dos oficios do ferro, catalogando ferramentas, técnicas e a historia das antigas “ferrerías de monte”.
O responsable provincial destacou "o traballo realizado pola organización ao longo destes anos para consolidar unha proba deportiva de primeiro nivel, que atrae tanto deportistas do máximo nivel competitivo como participación popular"
O grupo teatral O Centiño de San Martiño (Foz) actuou este sábado en Marzán, convidado pola asociación veciñal Torques de Marzán. O local quedou pequeno ante a resposta do público: 73 persoas, un récord de asistencia para unha obra de teatro na parroquia. A comedia provocou constantes risas e un ambiente moi participativo. A iniciativa volve demostrar o valor de levar actividade cultural e teatro afeccionado ás parroquias e barrios, achegando propostas escénicas a lugares afastados dos grandes circuítos. O Centiño continuará a xira de “O Autobús” nas vindeiras semanas: Sábado 25 de abril: Vilaronte (Foz). Sábado 2 de maio: Casa da Cultura de Trabada
A xornada contou con degustación gratuíta de viños elaborados por adegas da contorna, unha cata comentada e un mercado de produtos gastronómicos locais, permitindo aos asistentes coñecer de primeira man a riqueza do produto de proximidade. O pregón desta edición correu a cargo de Alejandro Gándara, quen presentou o seu proxecto audiovisual 360 curvas, unha obra que reflexiona sobre a distancia entre A Fonsagrada e Lugo e sobre o conflito social e político asociado á perda da súa condición de cabeceira de comarca, no marco da loita contra a despoboación.
Haberá degustación diaria de ostras na carpa do porto. Concertos, showcookings, visitas guiadas e actividades mariñeiras. Lancha pola ría, exposición de maquetas e concurso fotográfico #somoslasostra2026, ademais propostas especiais en Acueo, La Casilla e Restaurante Peñalba.
A etapa, cun percorrido duns 150 quilómetros, partiu arredor das 11:30 horas e rematou en Barreiros, atravesando concellos como Xermade, Muras, Viveiro ou Foz. A proba reúne a equipos do ciclismo profesional internacional e sitúa a provincia de Lugo como escenario dunha das citas deportivas máis destacadas do calendario. O Goberno colabora no desenvolvemento da carreira a través das Forzas e Corpos de Seguridade do Estado, que velan polo correcto desenvolvemento da proba e pola seguridade de participantes e afeccionados.
A cita contará con charlas, obradoiros, concurso de fotografía e unha ampla zona expositiva. A feira será de acceso gratuíto e está pensada para gozar en familia.
