Ribadeo, 11 de novembro de 2025. A Asociación de Comerciantes, Industriais, Servizos e Autónomos de Ribadeo impartirá mañá, 12 de novembro, ás 20:15 horas unha charla formativa dirixida a empresas e autónomos, na Aula da Casa da Cultura de Ribadeo (Rúa Vello Pancho, 12). Na cita abordaranse as novidades normativas que entrarán en vigor en 2026.
A presidenta de Acisa, Carmen Cruzado, sinalou: “queremos que os nosos socios e o resto de empresas de Ribadeo dispoñan das ferramentas necesarias para adaptarse a tempo ás novas obrigas legais. Esta charla será unha oportunidade para resolver dúbidas e coñecer de primeira man o que implican as novas normativas, que entrarán en vigor en 2026. Con ela respondemos a unha necesidade clara que desde Acisa Ribadeo cremos que temos, que é a formación continua e o asesoramento ás nosas empresas nas materias que lles afectan de forma directa”.
Cruzado Iglesias lembrou que “seguimos apostando pola formación desde Acisa. Xa o fixemos cos cursos de inglés, de escaparatismo e empaquetado e continuamos mañá con esta charla, que organizamos coa colaboración do Concello de Ribadeo e da Xunta de Galicia. Será impartida pola consultora A Mariña Asesores, empresa ribadense asociada a Acisa, con grande experiencia no sector”.
O xerente de Acisa explicou que “baixo o título Novedades normativas 2026: cómo afectarán a tu negocio’, a sesión abordará os principais cambios legais que entrarán en vigor nos próximos meses e que impactarán directamente na xestión dos negocios locais. Os tres principais bloques a tratar son: factura electrónica obrigatoria, pagos e cobros mediante Bizum e rexistro de xornada laboral. A asistencia é gratuíta e está aberta a todas as persoas interesadas, aínda que se recomenda confirmar a participación previamente contactando con Acisa en info@acisaribadeo.es”.
E engadiu: “con esta iniciativa buscamos anticiparnos e preparar o tecido empresarial ribadense ante os cambios normativos de 2026, ofrecendo información práctica e actualizada para facilitar a súa adaptación”.
Nova axuda da Xunta
O xerente do colectivo empresarial ribadense contou que “hai uns días vimos de recibir unha nova subvención da Xunta de Galicia, grazas á que contaremos cun novo traballador durante os próximos nove meses. Esta subvención está destinada á contratación de persoas mozas inscritas no Sistema Nacional de Garantía Xuvenil, no ámbito da Comunidade Autónoma de Galicia, a través da colaboración con entidades locais e organismos intermedios sen ánimo de lucro, cofinanciadas pola Unión Europea no marco do programa FSE+ Galicia 2021-2027. O total da axuda é de 16.500 euros, coa que se cobren os custes laborais da persoa traballadora”.
Pérez Prada dixo que “esta nova axuda é de vital importancia para Acisa Ribadeo. No noso día a día hai moitas tarefas e servizos que desenvolver e ás veces non podemos chegar a todo. Con este novo traballador ofrecermos mellores servizos e atención aos nosos socios e socias e axilizaremos o traballo interno de Acisa”.
E finalizou: “o novo traballador incorporarase este xoves, 13 de novembro, e formará parte do equipo técnico de Acisa e, entre outras funcións, encargarase de visitar os negocios asociados para entregar materiais, ofrecerá atención telefónica aos socios e prestará apoio nas tarefas de xestión e coordinación da xerencia. Dende Acisa Ribadeo agradecemos o apoio da Xunta de Galicia e da Unión Europea, e reafirmamos o noso compromiso de seguir mellorando a atención, os servizos e o acompañamento ás nosas empresas asociadas”.
Os cortes produciranse do punto quilométrico 2,800 ao final da vía. Habilitaranse desvíos alternativos que estarán debidamente sinalizados.
Cada participante pode presentar unha única fotografía, en papel e formato dixital, seguindo as bases dispoñibles na web da Deputación. A celebración do aniversario inclúe actividades como a Xornada de Degustación da Tenreira de Ancares, unha xornada micolóxica e un obradoiro de rescate na montaña, ademais doutras propostas ambientais e divulgativas nos próximos meses.
Dez minutos antes das 21:30 horas do xoves, o 112 Galicia foi informado polo persoal de Adif dun tren detido no medio dun túnel en Mogor, Mañón, debido a unha chapa metálica no medio da vía. Así, aínda que as doce persoas que viaxaban a bordo estaban ilesas, precisaban medios de rescate para baixalas do convoi e desprazalas ata o apeadeiro máis próximo. Nestas tarefas colaboraron a Garda Civil, os Bombeiros do Eume, o GES de Ortigueira e os voluntarios de Protección Civil de Mañón. Finalmente, as persoas foron rescatadas e evacuadas a outro tren, que as levou ata o apeadeiro sen maiores complicacións. Desde alí, continuaron a súa viaxe en taxi.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
