Viveiro, 11 de novembro, 2025. Onte pola mañá a Xunta de Galicia daba a coñecer os finalistas dos Premios Galegos de Comercio 2025, que buscan recoñecer e poñer en valor ós profesionais do sector e no caso das Asociacións de comerciantes, destacan as iniciativas de dinamización comercial que realizan ó logo do ano para contribuír o desenvolvemento económico e social das nosas vilas e cida des.
Os premios serán entregados nunha gala que terá lugar en Santiago de Compostela este mércores 12 de novembro, á que asistirán a secretaria da asociación Cristina Rodriguez Suárez e a xerente Isabel Méndez.
Isabel Méndez, xerente do CCHV indica que “Esta nominación como finalistas nos Premios Comercio 2025 foi recibida con sorpresa pero á vez con moita alegría, xa que no ano 2024 tamén estivemos nominados, o que nos converte na única asociación de comerciantes de Galicia en ser finalistas durante dous anos consecutivos”
É un recoñecemento ó traballo que realiza a asociación, á constancia, á adaptación ó cambio e ós novos hábitos de consumo, á modernización ata as novas tecnoloxías, e a poñer en valor o factor humano do comercio local. Así o reflexan as campañas presentadas, que polas características tan singulares destas iniciativas servíronlle á asociación para optar a estas nominacións.
O Centro Comercial Histórico de Viveiro, que no próximo mes de marzo cumprirá 23 anos dende a súa constitución, destaca por ser una asociación moi dinámica, que desenrola gran número de iniciativas ó longo do ano, e da servizo a mais de 130 negocios da área urbana de Viveiro. Unha asociación consolidada, que aposta por un proxecto de modernización e dixitalización, que fai que sexa punteira en Galicia no seu ámbito.
Ó longo destes anos foron moitas as iniciativas postas en marcha, con gran aceptación por parte dos clientes, como a campaña do Shopping Weekend ou coñecida tamén como a campaña do 20%, o sorteo de Nadal, que ano tras ano enche a Praza Maior, a Feira de Stocks, o Comercio na rúa, o mellor empregado do mes ou o Juepeo. Todo có fin de reforzar o noso compromiso cós clientes e cós negocios asociados, intentando transmitir o necesario que é mercar no comercio local e as vantaxes que supón.
A Directiva destaca que “Temos que poñer en valor as compras no comercio de proximidade, onde o trato é persoal e cercano, con asesoramento profesional, artigos de calidade e a prezos moi competitivos. Pero sobre todo, dan vida ás nosas vilas, están preto, sen necesidade de desprazamentos, e ofrecendo o que en ningures poden ofrecer: un Centro Comercial Aberto que invita a pasear, desfrutar das súas rúas é o aire libre”.
“Pero non nos centramos unicamente en campañas promocionais, senón que ó longo do ano prestamos apoio e colaboración a distintas organizacións da zona que realizan actividades culturais, deportivas, medioambientais ou proxectos sociais. Unha asociación comprometida cós seus veciños, intentando mellorar a economía local, mantendo centos de postos de traballo e dando vida ás nosas rúas, o comercio dunha vila é o reflexo da vida do mesmo, e temos que dinamizalo constantemente”.
Cristina Rodriguez do CCHV: “Esta nominación anímanos a seguir traballando aínda con máis ilusión. Gracias á Xunta de Galicia e especialmente á Consellería de Comercio por destacar iniciativas como a nosa. E sobre todo gracias a tódolos comerciantes e empregados que fan posible a continuidade do comercio de cercanía”.
Os cortes produciranse do punto quilométrico 2,800 ao final da vía. Habilitaranse desvíos alternativos que estarán debidamente sinalizados.
Cada participante pode presentar unha única fotografía, en papel e formato dixital, seguindo as bases dispoñibles na web da Deputación. A celebración do aniversario inclúe actividades como a Xornada de Degustación da Tenreira de Ancares, unha xornada micolóxica e un obradoiro de rescate na montaña, ademais doutras propostas ambientais e divulgativas nos próximos meses.
Dez minutos antes das 21:30 horas do xoves, o 112 Galicia foi informado polo persoal de Adif dun tren detido no medio dun túnel en Mogor, Mañón, debido a unha chapa metálica no medio da vía. Así, aínda que as doce persoas que viaxaban a bordo estaban ilesas, precisaban medios de rescate para baixalas do convoi e desprazalas ata o apeadeiro máis próximo. Nestas tarefas colaboraron a Garda Civil, os Bombeiros do Eume, o GES de Ortigueira e os voluntarios de Protección Civil de Mañón. Finalmente, as persoas foron rescatadas e evacuadas a outro tren, que as levou ata o apeadeiro sen maiores complicacións. Desde alí, continuaron a súa viaxe en taxi.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
Ás 15:15 horas deste martes, un particular solicitou asistencia sanitaria tras a caída dun raio no lugar de Castro de Igrexa (Cazás, Xermade). Varias persoas sentiron os efectos da descarga eléctrica e unha delas quedou atolada. Tras dar aviso ao Servizo de Urxencias Sanitarias de Galicia-061, Garda Civil e Protección Civil, a persoa afectada foi evacuada consciente ao Hospital Universitario Lucus Augusti.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
