O tributo a AC/DC de Black Back Band será o prato forte dunha noite chea de música, boa compañía e os tradicionais callos de balde para repoñer forzas durante esta festa pre fin de ano, con ensaio incluído das badaladas a media noite
Cervo, 11 de novembro do 2025. O Concello de Cervo, en colaboración coa Asociación Amigos da Troula, vén de anunciar o cartel oficial da sétima edición do Callo Fest, que se celebrará o venres 26 de decembro na Praza dos Campos de San Cibrao.
Esta nova edición está pensada como unha auténtica festa de pre-fin de ano, para gozar con amigos e en familia nun ambiente festivo, próximo e aberto a todas as idades.
Tal e como apuntan desde a organización, o line-up deste ano reúne catro propostas moi potentes e variadas, capaces de satisfacer a un público diverso.
Aphonnic, banda viguesa de metal alternativo con máis de dúas décadas de traxectoria, é unha das formacións máis recoñecidas do xénero en Galicia. Este 2025 foron unha das bandas encargadas de tocar no Main Stage do Resurrection Fest, e contan con galardóns como o Premio Martín Códax da Música Galega 2017 na categoría de metal.
Black Back Band traerá á Praza dos Campos o mellor tributo a AC/DC, cun espectáculo enérxico e cheo de rock clásico que fará vibrar ao público de todas as idades.
Not Yet, banda mariñá emerxente de post-hardcore, presentará o seu primeiro traballo de estudo Two Steps to Rest. A súa presenza en festivais como o Resurrection Fest ou o Tsunami de Xixón confirma o seu gran momento e a súa aposta por un son actual e contundente.
Until Dawn, formación de recente creación integrada por músicos con experiencia en proxectos como Sunday Morning Club e Lazy Bones, mestura o metal coa complexidade do rock progresivo, ofrecendo unha proposta chea de forza e personalidade.
A noite pecharase coa actuación da Disco Móbil Conxuro, que fará bailar a todos os asistentes.
Ademais da música en directo, o Callo Fest será tamén unha gran festa de fin de ano, coa celebración das badaladas ás doce da noite a modo de ensaio para dar a benvida ao novo ano en boa compañía e o reparto de racións de callos de balde entre as persoas asistentes.
A alcaldesa de Cervo, Dolores García Caramés, destacou que “o Callo Fest consolídase como unha cita indispensable no noso calendario cultural e festivo, un evento que combina música de calidade, convivencia e dinamización social”. Engadiu tamén que “queremos invitar a veciños, visitantes e amantes da música a reservar a data, a vir con ilusión e a compartir unha noite diferente, pensada para todas as idades, para amigos, para familias, para todos”.
A sétima edición do Callo Fest reafirma así o compromiso do Concello de Cervo coa cultura, a música en directo e o impulso da vida cultural e social do municipio.
Cada participante pode presentar unha única fotografía, en papel e formato dixital, seguindo as bases dispoñibles na web da Deputación. A celebración do aniversario inclúe actividades como a Xornada de Degustación da Tenreira de Ancares, unha xornada micolóxica e un obradoiro de rescate na montaña, ademais doutras propostas ambientais e divulgativas nos próximos meses.
Dez minutos antes das 21:30 horas do xoves, o 112 Galicia foi informado polo persoal de Adif dun tren detido no medio dun túnel en Mogor, Mañón, debido a unha chapa metálica no medio da vía. Así, aínda que as doce persoas que viaxaban a bordo estaban ilesas, precisaban medios de rescate para baixalas do convoi e desprazalas ata o apeadeiro máis próximo. Nestas tarefas colaboraron a Garda Civil, os Bombeiros do Eume, o GES de Ortigueira e os voluntarios de Protección Civil de Mañón. Finalmente, as persoas foron rescatadas e evacuadas a outro tren, que as levou ata o apeadeiro sen maiores complicacións. Desde alí, continuaron a súa viaxe en taxi.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
Ás 15:15 horas deste martes, un particular solicitou asistencia sanitaria tras a caída dun raio no lugar de Castro de Igrexa (Cazás, Xermade). Varias persoas sentiron os efectos da descarga eléctrica e unha delas quedou atolada. Tras dar aviso ao Servizo de Urxencias Sanitarias de Galicia-061, Garda Civil e Protección Civil, a persoa afectada foi evacuada consciente ao Hospital Universitario Lucus Augusti.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
