Os populares reclamaban establecer vías de colaboración coas distintas administracións de cara a mellorar a seguridade nos puntos perigosos do Camiño de Santiago, nos tramos que conflúen coas estradas provinciais ao seu paso pola provincia de Lugo
Lugo, 25 de novembro de 2025. O goberno de PSOE e BNG négase a colaborar coas distintas administracións para mellorar a seguridade en todas as rutas do Camiño ao seu paso pola provincia e a reclamar ao Goberno de Sánchez medidas de apoio aos autónomos ao votar en contra das propostas do Grupo Provincial Popular.
O portavoz popular, Antonio Ameijide, subliñou que son moitos os peregrinos que percorren o Camiño de Santiago. No que vai de ano superáronse os 525.000 peregrinos que selaron as súas credenciais (aos que hai que sumar os que non selan a Compostela, en torno a un 40% do total), un 5% máis xa que o ano anterior. E deses, ata 291.000 (case o 60%) percorreron algunha das catro rutas que discorre pola provincia de Lugo (O Camiño Francés, O Camiño Primitivo, o Camiño do Norte e o Camiño de Inverno).
“O Camiño é un foco de exposición mundial” e supón “oportunidades para os pequenos concellos da provincia. O Camiño é de todos e, entre todos, debemos protexelo, impulsado e poñelo en valor”. Nese sentido, Ameijide incidiu en facer un esforzo de cara ao Xacobeo 2027: “non pedimos que asuman competencias que non son propias nin fagan o traballo doutros. Pedimos colaboración”, subliñou.
O popular aposta porque o Camiño “siga medrando, pero dentro dun marco de seguridade e calidade” e propoñía colaboración para actuar nos tramos ou puntos perigosos do Camiño de Santiago que conflúe con estradas provinciais para “tratar de mellorar a seguridade diaria ben sexa a iniciativa propia ou en colaboración coa Xunta de Galicia”.
“O que pedimos non son compromisos económicos millonarios; senón que a administración que mellor debería coñecer as vías provinciais colabore activamente e poña ese coñecemento a disposición das administracións que teñen responsabilidades no Camiño para mellorar a seguridade dentro dos plans da Xunta de mellora constante do Camiño: xuntos o esforzo preciso será menor e o resultado, maior”, subliñou.
Ameijide explicou que “é preciso realizar actuacións de todo tipo en varios puntos”: dende a necesidade de xerar sendas paralelas, instalar medidas redutoras das velocidade ou reforzar e mellorar a sinalización.
Algúns dos puntos nos que é preciso actuar son: na estrada LU-P-2901 no Burgo (Lugo) por onde discorre o Camiño Primitivo debido ás numerosas curvas nunha estradas estreita e con considerable intensidade de tráfico; na estrada LU-P-4001 na zona do Coto (Palas de Rei) con importante volume de tráfico e peregrinos; na LU-P-5602 en Pitín ou na LU-P-4910 na zona do club náutico de Portomarín por onde pasa o Camiño Francés; na LU-P-5702 nas inmediacións da capela do Carme (Ribadeo) nunha zona de curvas sen arcéns por onde discorren os peregrinos do Camiño do Norte e na LU-P-1801, de Líncora a Chantada, nunha zona sinuosa que precisa mellorar a sinalización onde coincide co Camiño de Inverno.
APOIO AOS AUTÓNOMOS
Os deputados do Grupo Provincial Popular lamentan que PSOE e BNG se negaran a apoiar e recoñecer aos autónomos da provincia ao votar en contra da proposta dos populares para que a Deputación de Lugo manifestase o seu rexeitamento á política fiscal do Goberno de España que nos últimos 7 anos se traduciu nunha crecente carga impositiva, incerteza e falta de estabilidade normativa para o colectivo.
Concretamente, os populares instaban ao goberno provincial a dirixirse ao Goberno de España para que cumpra os compromisos adquiridos cos traballadores autónomos en 2023, impulsando de maneira inmediata as reformas pendentes en materia de protección social, pluriactividade, conciliación e simplificación burocrática, e establecendo un calendario claro de seguimento e avaliación de ditas medidas, en diálogo coas principais organizacións representativas do sector.
Igualmente, urxen ao Goberno de España a aplicar de forma inmediata o réxime de franquía de IVE previsto pola Directiva europea, que permite eximir do pago e a presentación de declaracións de IVE aos autónomos e pequenas empresas cunha facturación anual inferior a 85.000 euros, o que supoñería un importante alivio fiscal e administrativo para o colectivo.
O viceportavoz, Demetrio Salgueiro, explicou que se trata dunha proposta que “recolle as demandas do colectivo e dos seus representantes” e afeou ao PSOE que “trate de desviar a atención” sobre a raíz do problema porque “as competencias son do Estado” e o Goberno de Sánchez é o que pon “atrancos que fai que, cada vez máis, os traballadores queiran deixar de ser autónomos”. Así mesmo, aproveitou para lembrar “a aposta da Xunta polo impulso do colectivo” con medidas como a implantación no 2023 da cota 0 para incentivar as novas altas, axudas para reforzar o apoio e facilitar a remuda xeracional, simplificar trámites e formación para afrontar os novos retos.
CONVENIOS MARCO DAS RESIDENCIAS
Sobre os convenios marco dos centros de atención a maiores, os deputados do PP abstivéronse na votación porque “vendo positiva a modificación que implica que a Deputación asuma todos os custos da xestión, liberando aos Concellos; non podemos apoiar a exclusión da residencia de Becerreá acabada e pechada por capricho político e, ademais, que se fagan diferenciacións entre as residencias, por exemplo nos custes de mantemento en función da cor política do goberno municipal”.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
