O Burela remonta unha primeira parte complicada para o conxunto laranxa sobrepoñéndose na segunda parte ante un competitivo Esplugues
Burela, 3 de novembro, 2025. Partido decisivo para o conxunto de Belén Feal no que as burelás logran puntuar e iniciar o merecido “descanso” durante o parón do Mundial, que servirá a un equipo que evoluciona moi favorablemente para continuar adestrando e preparando o resto da tempada, tras 9 xornadas nas que comezaron enfrontándose aos retos máis complicados do curso e remataron da mellor forma, puntuando nos últimos catro partidos consecutivos.
Falamos coa técnica ferrolá sobre o encontro do domingo e sobre como afrontarán o próximo mes de parón polo Mundial de Filipinas.
Valoración do encontro ante o Penya Esplugues
A adestradora analiza un encontro no que non fixeron boa primeira parte, pero remontaron na segunda aproveitando os escasos erros do rival, “o máis positivo foron os tres puntos, conseguir remontar no segundo tempo, xa que creo que fixemos unha primeira parte moi mala. En comparación co outro equipo creo que elas foron superiores e que se veu o traballadas que están. Nós non fumos capaces de poñer en práctica o traballo da semana e que levamos facendo durante as dúas últimas semanas contra dous rivais que sabíamos que apretaban moito. A nosa intención era o mesmo, saír á presión moi intensas, moi agresivas e na primeira parte non corrimos o suficiente e fixéronnos moito dano ás espaldas, sendo rápidas e xerando moitas ocasións. A primeira parte foi mala, pero no descanso si que houbo un toque de atención, correximos ese tipo de cousas que eu creo que todas estabamos vendo, pero sobre todo fixémoslles ver ás rapazas que era un partido clave, un partido moi importante, xa que Penya é un rival directo, un recén ascendido e nós tiñamos que dar a cara, tiñamos que dar máis. Na segunda parte saímos a competir e interpretamos mellor o partido, aproveitamos as nosas ocasións e é certo que elas tampouco tiveron fortuna. Creo que Ana Eliza estivo acertadísima, o certo é que nos sostén, xa non só neste partido senon en todos os que puntuamos e incluso nos que non o fixemos, conseguíu manter ao equipo e permiteunos competir en certos momentos de moitos partidos e nestes últimos catro axudounos a puntuar, así coma o resto de xogadoras da plantilla, que tamén aportaron, están dando un pasiño adiante e máis coa ausencia de Silvia que tamén se nota moito”.
Un descanso moi merecido para todo o equipo
Belén ve de forma positiva o traballo realizado ata agora e o descanso do parón, que servirá para recargar pilas e continuar evolucionando, “o bo é que de cara ao parón, con esta vitoria e con esta racha de catro partidos creo que o equipo, coa xuventude que ten, vai ser algo moi positivo. Merecían un descanso, elas e o corpo técnico tamén, xa que levamos traballando bastante dende que empezamos en agosto. Creo que vai ser un punto de inflexión para seguir medrando. Un pouco o que dixemos ao final do partido, deste nivel non vale baixar e non nos podemos permitirnos facer unha primeira parte coma a do domingo. Creo que nos van vir ben estes días de descanso e retomar o parón con moitísimas ganas, xa temos todo planificado ata xaneiro. A seguir”.
Ficha Técnica AE Penya Esplugues 2-3 CD Burela FS
Penya Esplugues (2): Julia Sanz; Mireia, Celia, María Pilar, Laia Haro –cinco inicial- Miriam, Clara, Lara, Laia Beltrán, Julia, Sheila, Laura Boix y Coral.
Burela FS (3): Ana Eliza; Cris Blanco, Irene, Lara, Syrorenko –cinco inicial- Gabi, Laura Barranco y Sandra.
Goles: 1-0, min. 7: Laia Beltrán; 2-0, min. 16: Clara; 1-2, min. 25: Irene: 2-2, min. 27: Lara; 2-3, min. 39: Sydorenko
Árbitros: Bernardo Simón e Arnau Ayala. Mostraron cartulina amarela á visitante Laura Barranco.
Incidencias: Partido da novena xornada da Primera División Iberdrola FS disputado en Les Moreres.
Ocorreu pasadas as 15:30 horas. Un traballador tivo que ser evacuado ao hospital logo de caerlle o tronco dunha árbore enriba mentres realizaba tarefas no monte en Cervo. Aínda que estaba liberado e consciente, precisaba asistencia sanitaria. Os profesionais de Urxencias Sanitarias de Galicia-061 trasladárono finalmente ao Hospital de Burela. Neste operativo tamén participaron a Garda Civil e a Policía Local de Cervo.
Subliñou o traballo colectivo, o papel do voluntariado e a participación de arredor de mil corredores. Tamén puxo en valor o impacto económico e social da proba e o apoio institucional que permite o seu crecemento, incluída a difusión en streaming que levou a CAMOVI e a Viveiro a todo o mundo.
O presidente, José Manuel Gómez Puente, destacou o bo tempo e o reencontro do grupo nun percorrido de 22 km entre Pedrafita e Triacastela. A próxima etapa será o 1 de maio, entre Triacastela e Sarria, e xa está aberta a inscrición no teléfono 623 22 68 25.
Ás doce en punto, tres foguetes —un por cada palabra do nome oficial— foron lanzados desde O Castrodouro, capital histórica do termo municipal e orixe da localidade, pois alí, hai 806 anos, Afonso IX concedeu o título de vila e todo un distrito que administrar; episodio histórico do que deriva o nome do concello. Os veciños reunidos mostraron a súa satisfacción pola recuperación da denominación histórica, afirmando moitos deles que nunca deixaran de empregar o nome completo. Do mesmo xeito, os maiores agradeceron aos impulsores da iniciativa a restitución do topónimo que a historia legou ao municipio alfocés.
Viveiro, 20 de abril, 2026. A proba volveu converter Viveiro nun punto destacado do deporte e da convivencia, ademais de supoñer un impulso económico para o municipio. María Loureiro destacou que a Camovi “é un exemplo de colaboración e esforzo colectivo, que sitúa Viveiro no mapa e dinamiza a economía local”. O Partido Socialista lembra o seu apoio histórico á carreira e reafirma o seu compromiso para seguir contribuíndo ao seu crecemento. O PSOE agradece tamén á veciñanza a súa acollida e implicación, fundamentais para que o evento continúe medrando ano tras ano.
Castro destacou o labor da Asociación e o potencial da tradición do ferro como motor económico, social e cultural para Riotorto, subliñando a importancia de impulsar iniciativas que garantan futuro para estes oficios. A Deputación de Lugo mantén unha colaboración estable coa entidade, cunha achega de 14.000 euros. No marco deste apoio, a Asociación avanzou na documentación dos oficios do ferro, catalogando ferramentas, técnicas e a historia das antigas “ferrerías de monte”.
O responsable provincial destacou "o traballo realizado pola organización ao longo destes anos para consolidar unha proba deportiva de primeiro nivel, que atrae tanto deportistas do máximo nivel competitivo como participación popular"
