Ribadeo, 1 de novembro de 2025. O Concello de Ribadeo lanza a sétima edición das Panchas para dinamizar o comercio local. Na campaña, que arrincou este sábado, participan 84 negocios locais.
A concelleira de Comercio, Marta Saiz, explica que “o Concello de Ribadeo pon en marcha a sétima edición da moeda local Pancha, unha iniciativa que busca impulsar o consumo nos establecementos do municipio e fomentar a economía de proximidade”.
A edil ribadense subliñou que “a campaña, que se desenvolverá entre o 1 de novembro e o 31 de decembro, conta cun investimento de 85.000 euros, achegados polo propio Concello e coa colaboración da Xunta de Galicia”.
Sobre o funcionamento Marta Saiz dixo que “por cada 30 euros que compren ou paguen os participantes poden obter 40 panchas para consumir nos establecementos adheridos. Hai un límite máximo de adquisición por persoa (400 Panchas por persoa). Tamén existe un límite de 150 panchas por cada compra para diversificar os beneficios. A partir dese importe a diferenza deberá pagarse en euros. A moeda emprégase nun “moedeiro dixital” chamado PanchaPeto — non hai que recoller billetes físicos, só usar a aplicación ou sistema habilitado”.
A concelleira de Comercio indicou que “durante a campaña poñeranse en circulación 260.000 panchas, que poderán gastarse nos comercios e locais de hostalaría adheridos, o que supón un gran aforro para as persoas consumidoras e un forte impulso á economía local en época de menor consumo, propiciando ademais que o diñeiro se quede no propio municipio e beneficiando tanto aos negocios como á veciñanza”.
A presidenta de Acisa, Carmen Cruzado, manifestou que “Acisa colabora por sétimo ano co Concello de Ribadeo nesta importante campaña prestando asistencia e asesoramento tanto aos negocios como a aquelas persoas particulares que precisen axuda para descargar a aplicación e para explicarlles o funcionamento da mesma”. E animou a disfrutar da moeda local de Ribadeo: “chegan épocas importantes, como o Nadal, de aí que a pancha sexa unha grande axuda para os agasallos desas datas, para as ceas ou comidas de amizades e familiares, ou para mercar artigos de tempada, agora que se aproxima o inverno”.
As bases completas da campaña e a listaxe de establecementos adheridos poden consultarse na web ww.pancharibadeo.gal.
O grupo teatral O Centiño de San Martiño (Foz) actuou este sábado en Marzán, convidado pola asociación veciñal Torques de Marzán. O local quedou pequeno ante a resposta do público: 73 persoas, un récord de asistencia para unha obra de teatro na parroquia. A comedia provocou constantes risas e un ambiente moi participativo. A iniciativa volve demostrar o valor de levar actividade cultural e teatro afeccionado ás parroquias e barrios, achegando propostas escénicas a lugares afastados dos grandes circuítos. O Centiño continuará a xira de “O Autobús” nas vindeiras semanas: Sábado 25 de abril: Vilaronte (Foz). Sábado 2 de maio: Casa da Cultura de Trabada
A xornada contou con degustación gratuíta de viños elaborados por adegas da contorna, unha cata comentada e un mercado de produtos gastronómicos locais, permitindo aos asistentes coñecer de primeira man a riqueza do produto de proximidade. O pregón desta edición correu a cargo de Alejandro Gándara, quen presentou o seu proxecto audiovisual 360 curvas, unha obra que reflexiona sobre a distancia entre A Fonsagrada e Lugo e sobre o conflito social e político asociado á perda da súa condición de cabeceira de comarca, no marco da loita contra a despoboación.
Dezaoito locais hostaleiros de Ribadeo, Rinlo e Vilaframil ofrecerán diversas preparacións ata o domingo: en escabeche, en salpicón, en empanada, ao allo, á prancha, en albóndega, etc… Todas as propostas poden consultarse nas redes sociais de Acisa Ribadeo, que agradece “unha vez máis o apoio da OPP do Porto de Burela, que nos doou 90 quilos de cabala para estas xornadas, produto que entregamos de xeito gratuíto aos locais participantes. Achegámoslles así unha parte do peixe que empregarán nesta nova cita gastronómica na que tamén colabora o Concello de Ribadeo”. Ata o porto, ao restaurante Marinero, se achegaron este venres o director territorial da Consellería de Mar, Alexandre Piñeiro, as concelleiras ribadenses Montse Seijo, Elena Sierra e Begoña Sanjurjo, a presidenta de Acisa, Carmen Cruzado, o xerente do colectivo empresarial, Jesús Pérez, e o técnico de Acisa, Jorge Fernández, que puideron degustar as elaboracións realizadas por este establecemento hostaleiro.
O sábado tivo lugar no Casino o III Showcooking, con cociña en directo e maridaxe de viños. O público poderá votar os seus pinchos favoritos e participar no sorteo dunha noite no hotel Marqués de Riscal. A entrega de premios será o luns 20 ás 19:00 h. O Concello e Destino Navia animan a veciños e visitantes a gozar desta cita gastronómica.
Haberá degustación diaria de ostras na carpa do porto. Concertos, showcookings, visitas guiadas e actividades mariñeiras. Lancha pola ría, exposición de maquetas e concurso fotográfico #somoslasostra2026, ademais propostas especiais en Acueo, La Casilla e Restaurante Peñalba.
A etapa, cun percorrido duns 150 quilómetros, partiu arredor das 11:30 horas e rematou en Barreiros, atravesando concellos como Xermade, Muras, Viveiro ou Foz. A proba reúne a equipos do ciclismo profesional internacional e sitúa a provincia de Lugo como escenario dunha das citas deportivas máis destacadas do calendario. O Goberno colabora no desenvolvemento da carreira a través das Forzas e Corpos de Seguridade do Estado, que velan polo correcto desenvolvemento da proba e pola seguridade de participantes e afeccionados.
A cita contará con charlas, obradoiros, concurso de fotografía e unha ampla zona expositiva. A feira será de acceso gratuíto e está pensada para gozar en familia.
