Ribadeo, 14 de novembro de 2025. Éxito de participación nas Xornadas arredor da Ría que se celebran desde onte en Ribadeo. Hai 93 persoas inscritas.
O Concello de Ribadeo organiza unhas xornadas dedicadas á ría, co obxectivo de analizar e poñer en valor o impacto que este espazo natural ten na contorna. Nas actividades, que deron comezo onte, abordarase cunha visión global e transversal, centrada nos principios do turismo sostible e na protección do patrimonio natural e cultural.
A ría de Ribadeo é un dos espazos naturais protexidos máis importantes de Galicia e está recoñecida como humidal de gran valor ecolóxico. Durante as xornadas analizarase o seu papel esencial desde diferentes perspectivas:
• Ambiental: pola súa riqueza natural e pola necesidade de preservar un ecosistema clave para a biodiversidade.
• Social: como símbolo de unión entre Galicia e Asturias, dúas comunidades irmás que comparten historia, cultura e vínculos humanos a través da ría.
• Económica: por ser, ao longo dos séculos, motor de desenvolvemento e actividade na zona. O comercio marítimo, a construción naval, o marisqueo, a pesca e, máis recentemente, as actividades recreativas e turísticas, teñen na ría o seu punto de referencia.
A concelleira de Cultura, Begoña Sanjurjo, indicou que “a acollida destas xornadas está a ser excepcional. Ata o momento hai 93 persoas inscritas, unha cifra récord que podería chegar á centena nas vindeiras horas. Este interese demostra que estamos ante un tema de grande relevancia e atractivo, que esperta a curiosidade non só da cidadanía ribadense, senón tamén de participantes doutros puntos de Galicia e de Asturias. Entre as persoas inscritas figuran visitantes procedentes de Santiago de Compostela, Lugo, Ourense, Sigüeiro, Abres, Castropol, entre outros lugares”.
E engadiu: “desde o Concello de Ribadeo queremos agradecer sinceramente a confianza e o entusiasmo de todas as persoas participantes, que fan posible que estas xornadas se convertan nun espazo de encontro, diálogo e aprendizaxe compartida arredor dun ben común: a nosa ría”.
Onte, xoves, tivo lugar unha xeorruta entre Porcillán e Rochas Brancas, así como unha charla sobre a ría como espazo social: identidade compartida entre tres territorios na que participaron os alcaldes de Castropol, Vegadeo e Ribadeo. As Xornadas arredor da Ría de Ribadeo seguirán ata o vindeiro domingo con visitas guiadas, xeorrutas, degustacións gastronómicas, charlas e mesa redonda.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
O campo de fútbol do Cascabeiro acolleu o pasado sábado a III Festa do Mexillón, organizada polo Celta Barreiros. Centos de persoas achegáronse a gozar dunha tarde de gastronomía e de música. En total foron servidas 670 racións entre veciñanza e visitantes, que saborearon mexillóns e lacón. Os organizadores amosasen satisfeitos da acollida: “estamos contentos pola boa resposta dos asistentes”. E tiveron palabras de agradecemento “para os Concellos de Barreiros e de Foz pola boa colaboración”.
Familias, amizades e persoas de todas as idades viviron cada xogada e cada aplauso, evidenciando que o fútbol é tamén unha oportunidade para fortalecer a convivencia e a unión da veciñanza. O municipio felicitou á Selección Española polo seu título mundial, un éxito histórico que fixo vibrar a toda a comunidade.
O acto está organizado pola Asociación de Irmandade Locudy, nunha proposta cultural que pon o foco na relación entre Galicia e Bretaña a través da figura de Castelao.
Era o único ocupante do vehículo. O 112 Galicia tivo coñecemento do accidente uns minutos despois das 10:00 horas deste domingo. Segundo indicou un particular, un coche caera por un desnivel duns 20 metros no quilómetro 2 da LU-P-6104. Desde a Sala de Operacións do 112 Galicia informouse ao Servizo de Urxencias Sanitarias de Galicia-061, aos Bombeiros de Barreiros, á Garda Civil de Tráfico e á Agrupación de Voluntarios de Protección Civil de Trabada. Unha vez no punto, os servizos de emerxencias indicaron que había unha persoa falecida, único ocupante do vehículo, sen que nada se puidera facer por salvarlle a vida.
A cita, consolidada como un referente do verán cultural no municipio, reuniu na Praza dos Campos á formación anfitriona do encontro, a Agrupación La Sidrina, de Lugones (Asturias) e o Grupo Folklórico Estampas de México. A programación continuou o sábado coa celebración do Festival Folklórico Infantil. Villares puxo en valor o labor que o grupo Mistura desenvolve durante todo o ano na conservación e difusión do patrimonio cultural galego, así como a importancia de iniciativas coma este festival “para manter vivas as tradicións e dinamizar a vida social e cultural dos nosos concellos”.
A eucaristía, un dos actos centrais das festas patronais de Foz, continuou coa tradicional procesión e coa ofrenda floral en memoria das persoas falecidas no mar. A mandataria provincial formou parte da comitiva xunto a numerosos veciños e veciñas, visitantes, membros da corporación municipal e a pregoeira desta edición, María Nelle Castro Neira, focense moi vinculada ás festas desde a infancia.
