Viveiro, 3 de novembro, 2025. O BNG explica que: “No ano 2001 o Partido Popular anunciaba a Vía de Alta Capacidade Costa Norte Ferrol-San Cibrao. Facíao asegurando que este corredor estaría finalizado en 2007”.
“Pola contra, a día de hoxe e case 25 anos despois, A Mariña segue agardando por un corredor máis que vital para a nosa comarca”.
“A realidade é que dos máis de 80 quilómetros proxectados nesta VAC soamente puidemos ver construídos 15 que foron licitados polo goberno bipartito. Unha cifra que supón que, de seguir a este ritmo, os e as mariñás teriamos que agardar máis de 130 anos para ver rematada esta vía, xa que a media anual sería de apenas 650 metros por ano”.
“Porén, para entender as razóns deste atraso cada vez máis inexplicable temos que irnos ata o ano 2000. Neste ano, diferentes organizacións políticas e sindicais manifestábanse na Mariña e en Ferrol pola decisión do Partido Popular de que a Autovía do Cantábrico deixase o seu percorrido natural polo Cantábrico e se desviase pola Terra Chá”.
“Tras esta decisión tan controvertida, que non respondeu a ningún tipo de razón empresarial, de transporte ou xeográfica, e despois de 25 anos agardando, a veciñanza da Mariña volveu ver como de novo os orzamentos da Xunta de Galiza non consignan as cantidades necesarias para poñer en marcha a construción da Vía de Alta Capacidade”.
“Para o 2026, están orzamentados 4 millóns de euros nunha partida misturada coas obras da LU-540, estrada que xa require da práctica totalidade do orzamento. Polo tanto, non é só que non teñamos avances na VAC, senón que hai un intento de ocultación e de desviar a atención do manifestado meses atrás, logo de reunións entre o goberno municipal e o galego”.
Por todo o anterior, o BNG propón ao Pleno da Corporación a adopción do seguinte ACORDO:
Instar á Xunta de Galiza a consignar as partidas necesarias nos orzamentos do próximo ano para retomar a construción da Vía de Alta Capacidade Costa Norte.
A este respecto, desde o BNG de Viveiro “queremos manifestar que no pacto asinado para a moción de censura entre PP e Por Viveiro, ía asinada a licitación da variante Area-Arredoada no ano 2025. Este pacto contaba co suposto respaldo da Xunta, mais non se lle deu cumprimento, a pesares de que nos orzamentos do ano 2025 da Xunta de Galiza ían consignados para a VAC Costa Norte 4.749.896 euros, ao igual que desde o ano 2021, onde se levan consignando cantidades similares para a VAC sen que se licitara ningún tramo”.
“Ante unha pregunta do BNG no Parlamento Galego, o PP respondeu que non se pode executar a VAC mentres non se faga a autovía. Non se entende que a Xunta leve anos consignando partidas orzamentarias para este fin, que respalde o pacto da moción de censura, que recentemente faga esta afirmación no Parlamento, e que xusto despois volvan consignar 4 millóns de euros para o ano 2026, sabendo que a totalidade irá para a estrada de Cabreiros (LU-540), que é a única que se está a executar”.
Desde o BNG “instamos á Xunta a que amplíe as consignacións orzamentarias para o 2026, cunhas partidas realistas, para retomar a VAC Costa Norte”.
Estará dedicada á figura de Leopoldo Calvo-Sotelo, xa que neste 2026 cúmprese o centenario do nacemento de quen fora presidente do Goberno. No acto interviñeron o presidente do RCNR, Pablo Fernández, o director territorial de Deportes da Xunta, Manuel Otero, un dos fillos do tamén alcalde honorario de Ribadeo Víctor Calvo-Sotelo, e o rexedor ribadense, Dani Vega. Todos exaltaron a práctica deportiva na ría, a labor desenvolvida polo Real Club Náutico e a vinculación de Leopoldo Calvo-Sotelo co estuario. Entre o público asistente estaban máis membros da familia Calvo-Sotelo, directivos e ex directivos do RCNR, edís de Ribadeo e representantes de Acisa.
O grupo, composto por cinco mulleres e sete homes cunha media de 26 anos, foi recibido pola subdelegada do Goberno, Olimpia López, que lles agradeceu o compromiso co servizo público e destacou o papel esencial da Policía Nacional na seguridade cidadá. Oito axentes estarán na Comisaría de Lugo, dous en Monforte e dous en Viveiro. Ao finalizar as prácticas, escollerán destino definitivo segundo a puntuación obtida no proceso selectivo.
A iniciativa busca poñer en valor a diversidade cultural do municipio a través da gastronomía, convidando ás persoas de diferentes países a elaborar pratos típicos que se ofrecerán de forma gratuíta ao público. O Concello asumirá o custo dos ingredientes e asignará a cada participante un posto identificado co seu país de orixe. As inscricións poden realizarse ata o 29 de xullo enviando un correo a feiras@vilalba.es. Rouco chamou á participación para seguir construíndo unha Vilalba aberta e integradora, nunha feira que quere consolidarse como espazo de convivencia e dinamización da feira tradicional.
Ata o 4 de agosto poderán realizarse as renovacións, mantendo as tarifas aprobadas en asemblea: 200 € e 250 € para adultos, e acceso gratuíto para menores grazas ao convenio coa Fundación Imdecum, con opción voluntaria de abono infantil por 40 € con reserva de asento. A partir do 5 de agosto activaranse as novas altas. Os abonos poderán tramitarse a través de CLUBER ou presencialmente na oficina do club, con horario de mañá e tarde en xullo e só de mañá en agosto.
A Presidenta Carmela López destacou o valor deste produto emblemático da Mariña e o traballo do sector pesqueiro. Rocío Rivera e Herminia Pernas puxeron en valor a tradición mariñeira de Burela e o papel dos mariñeiros da Moncloa. O público degustou 450 tapas elaboradas con bonito nunha xornada que serviu de escaparate desta cita gastronómica e de convite a visitar Burela a próxima fin de semana.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
