Pontón critica a Rueda que discrimine un ano máis á comarca nas Contas da Xunta e castigue á veciñanza dos concellos que non goberna o PP
Santiago de Compostela, 6 novembro 2025. A portavoz nacional, Ana Pontón, avanzou en Alfoz que o BNG utilizará o trámite de emendas aos Orzamentos da Xunta para aumentar os investimentos na Mariña e mellorar infraestruturas e servizos nunha comarca que, denunciou, “volve quedar relegada e discriminada” nas Contas do Goberno de Alfonso Rueda, repetindo a mesma decepción de anos pasados.
Pontón anunciou que o Bloque presentará unha emenda específica para darlle un impulso definitivo á VAC Costa Norte, na que exemplificou “a incompetencia do PP” cunha infraestrutura que se anunciou en 2001 e da que, a día de hoxe, só están executados 16 quilómetros dun total de 110.
“É dicir, 650 metros por ano, unha absoluta vergonza que cabrea a calquera mariñán”, remarcou nun acto organizado polo BNG en Alfoz para analizar os Orzamentos do Executivo de Rueda en relación á Mariña e no que tamén participaron o deputado pola comarca, Daniel Castro, e a portavoz en Alfoz-Valadouro, Beatriz Álvarez Sixto.
A líder nacionalista tamén advertiu que estes orzamentos volven poñer de manifesto “o sectarismo” dun goberno do PP que “castiga aos veciños e veciñas dos concellos que non goberna o Partido Popular” porque, criticou, “o señor Rueda distingue entre bos e malos votantes”. “Usa os orzamentos como se fosen cartos do Partido Popular, cando son os impostos de todos os galegos e de todas as galegas”, sintetizou.
Un sectarismo e unha discriminación, afondou, que pode percibirse sobre todo nas infraestruturas, tal e como se demostra, por exemplo, en Ribadeo, municipio ao que a Xunta negou durante anos o investimento necesario para renovar a rede de saneamento e que agora conta cunha partida de 8,5 millóns de euros.
“Que nos parece moi ben para o concello, pero se en lugar de actuar como un cacique, Rueda actuase como presidente de todos os galegos e galegas e sen discriminación, hoxe a veciñanza de Ribadeo xa tería unha rede de saneamento modernizada”, evidenciou.
Unha actitude que, advertiu, o titular da Xunta reproduce agora en Barreiros, ao negarlle a construción da depuradora que reclama o goberno municipal do BNG porque é unha necesidade para o concello ou a ampliación do parque empresarial, que ao igual que os de Muras ou A Pontenova seguen sen executarse pese a que son actuacións demandadas desde hai anos polos respectivos executivos locais do Bloque.
O mesmo exactamente que acontece co parque empresarial do Valadouro, tantas veces anunciado e que empezara sendo polígono para Alfoz-O Valadouro. “A única vez que se moveu algo e se impulsou o polígono foi coa conselleira de Vivenda do BNG, Teresa Táboas, a única conselleira que pisou o terreo”, recordou.
O Bloque tamén emendará os Orzamentos 2026 para que se executen estas e outras infraestruturas e presentará outro paquete de emendas para mellorar os servizos públicos na comarca, a comezar por unha sanidade afogada polos recortes dun Goberno do PP empeñado en recortar no público para favorecer o negocio da privada.
Neste sentido, Pontón criticou que o Executivo de Rueda lle dea á sanidade privada a cifra récord de 300 millóns de euros, mentres “reparte esmola” na comarca, os tres millóns do Plan Director do Hospital da Mariña. E isto pese a que a situación da Atención Primaria da comarca “está ao límite en case todos os concellos”, advertiu, para subliñar a continuación a urxencia de incrementar o persoal sanitario ante listas de espera de até 15 días para ir ao médico ou médica de cabeceira.
A portavoz nacional tamén puxo o foco sobre outro dos grandes problemas dos galegos e das galegas, o acceso á vivenda, para o que o Goberno do PP tampouco ofrece nada nos orzamentos do ano que vén, nunha comarca onde o problema habitacional, recalcou, é cada vez máis visible para todos e todas.
Neste ámbito, afondou, o PP soamente propón as mesmas partidas do Plan Rexurbe, do que van acumulando anos e anos sen aplicar, mentres concellos como Ribadeo, Foz, Barreiros ou Viveiro están a ver como o prezo dos alugueres e das compras sobe ata niveis semellantes aos das cidades galegas.
“A Mariña merece moito máis, merece un goberno con proxectos e investimentos e desde o BNG imos tentar mellorar os orzamentos con propostas concretas que recollan as necesidades reais desta comarca”, concluíu.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
O campo de fútbol do Cascabeiro acolleu o pasado sábado a III Festa do Mexillón, organizada polo Celta Barreiros. Centos de persoas achegáronse a gozar dunha tarde de gastronomía e de música. En total foron servidas 670 racións entre veciñanza e visitantes, que saborearon mexillóns e lacón. Os organizadores amosasen satisfeitos da acollida: “estamos contentos pola boa resposta dos asistentes”. E tiveron palabras de agradecemento “para os Concellos de Barreiros e de Foz pola boa colaboración”.
Familias, amizades e persoas de todas as idades viviron cada xogada e cada aplauso, evidenciando que o fútbol é tamén unha oportunidade para fortalecer a convivencia e a unión da veciñanza. O municipio felicitou á Selección Española polo seu título mundial, un éxito histórico que fixo vibrar a toda a comunidade.
O acto está organizado pola Asociación de Irmandade Locudy, nunha proposta cultural que pon o foco na relación entre Galicia e Bretaña a través da figura de Castelao.
Era o único ocupante do vehículo. O 112 Galicia tivo coñecemento do accidente uns minutos despois das 10:00 horas deste domingo. Segundo indicou un particular, un coche caera por un desnivel duns 20 metros no quilómetro 2 da LU-P-6104. Desde a Sala de Operacións do 112 Galicia informouse ao Servizo de Urxencias Sanitarias de Galicia-061, aos Bombeiros de Barreiros, á Garda Civil de Tráfico e á Agrupación de Voluntarios de Protección Civil de Trabada. Unha vez no punto, os servizos de emerxencias indicaron que había unha persoa falecida, único ocupante do vehículo, sen que nada se puidera facer por salvarlle a vida.
A cita, consolidada como un referente do verán cultural no municipio, reuniu na Praza dos Campos á formación anfitriona do encontro, a Agrupación La Sidrina, de Lugones (Asturias) e o Grupo Folklórico Estampas de México. A programación continuou o sábado coa celebración do Festival Folklórico Infantil. Villares puxo en valor o labor que o grupo Mistura desenvolve durante todo o ano na conservación e difusión do patrimonio cultural galego, así como a importancia de iniciativas coma este festival “para manter vivas as tradicións e dinamizar a vida social e cultural dos nosos concellos”.
A eucaristía, un dos actos centrais das festas patronais de Foz, continuou coa tradicional procesión e coa ofrenda floral en memoria das persoas falecidas no mar. A mandataria provincial formou parte da comitiva xunto a numerosos veciños e veciñas, visitantes, membros da corporación municipal e a pregoeira desta edición, María Nelle Castro Neira, focense moi vinculada ás festas desde a infancia.
