Burela, 8 de novembro, 2025. Partido moi parello o vivido esta tarde en Vista Alegre de dous grandes equipos que se enfrontaron con paixón e solidez ofrecendo un gran espectáculo de futsal en Vista Alegre. Moitas ocasións, especialmente por parte dos locais, que á súa vez non tiveron a fortuna de lograr puntuar nesta ocasión, a pesar de demostrar unha vez máis o seu carácter e garra, aínda que cunha baixa importante tras unha lesión de nocello do capitán e único pivote do equipo, Pitero, que non puido xogar esta tarde na súa casa.
Complícaselle o partido ao Burela no minuto 5 cun gol de Chus tras un pase ás costas de Espín pero logra empatar Alán dous minutos despois cunha boa combinación con Charly na área tras unha rápida contra. Tras varias ocasións para ambos equipos, unha perigosa falta preto da área para o Burela no minuto 8 e dous paradóns de Starna no mesmo minuto, pide tempo morto David Rial ao sufrir dúas ocasións de perigo que podían desconcentrar aos seus pupilos. Gran ocasión de Marquinho no 13, que regatea e dispara case desde a liña da área atopándose con Sanabria, outra no 15 de Jason que tamén despexa o porteiro e chega o 2-1, de novo Alán consegue puntuar tras unha saída de porteiro e pase de Starna. Pero xusto antes do descanso Saura Jr. logra o empate no dobre penalti tras a sexta falta dos locais.
Dúas boísimas intervencións de Starna nos primeiros segundos da segunda parte salvan ao Burela da desvantaxe e nunha falta perigosa cometida por Izan, Josema mete o 3-2 no saque directo de falta, coándoa xunto ao pau. Case a ten Izan no 24 tras un disparo escorado de Charly pasándoselle o posible remate ao xogador de Coia e sácaa Sanabria co pé no 25 tras un potente disparo de Meira. Sae Charly no 30 coa elástica negra e ataca o Burela con xogo de 5 buscando o empate. Váiselle desviada a Izan nunha boa combinación con Charly e Alberto no 31 e outra vez segundos despois,disparando en plena falta a portería e despexando Sanabria coas mans. Outra de Jason na seguinte xogada que despexa de novo Sanabria e outra clarísima de Meira no 33 que se vai fóra. Continúan as ocasións no ataque de 5 do Burela pero ningunha consegue coarse entre os paus durante practicamente o resto deste segundo tempo ata que no último minuto, Espín avantaxa o marcador para os pinatarenses cun gol a portería baleira en pleno ataque de 5 e finalmente Jason logra achegarse nos últimos segundos aproveitando un balón morto case na liña de meta.
Ficha Técnica Burela FS 3-4 Zambú CFS Pinatar Cerramientos Abatibles
Burela FS (3): Starna; Alán, Jason, Alberto, Izan -quinteto inicial-, Charly, Marquinho, Meira.
Zambú CFS Pinatar Cerramientos Abatibles (4): Sanabria; Josema, Chus, Juanpi, Saura -quinteto inicial-, Saura Jr., Espín, Nano, Coba, Juanfran, Paredes.
Goles: 0-1, min. 5: Chus. 1-1, min. 7: Alán. 2-1, min. 15: Alán. 2-2, min. 19: Saura Jr. 2-3, min.22: Josema. 2-4, min.40: Espín. 3-4, min.40: Jason.
Árbitros: Kepa Diez // Mauricio Jhonatan Bravo // Álvaro Sobral // Andrea González. Por parte de Burela FS foron amonestados con amarela Javier Couce (minuto 15), David Rial (minuto 17), Meira (minuto 18), Charly (minuto 19) y Alán (minuto 19). Por parte de Pinatar recibeu amarela Juanpi (minuto 9)
Incidencias: Partido correspondente á xornada 7 de Segunda División Masculina disputado no pavillón Vista Alegre.
Ocorreu pasadas as 15:30 horas. Un traballador tivo que ser evacuado ao hospital logo de caerlle o tronco dunha árbore enriba mentres realizaba tarefas no monte en Cervo. Aínda que estaba liberado e consciente, precisaba asistencia sanitaria. Os profesionais de Urxencias Sanitarias de Galicia-061 trasladárono finalmente ao Hospital de Burela. Neste operativo tamén participaron a Garda Civil e a Policía Local de Cervo.
Subliñou o traballo colectivo, o papel do voluntariado e a participación de arredor de mil corredores. Tamén puxo en valor o impacto económico e social da proba e o apoio institucional que permite o seu crecemento, incluída a difusión en streaming que levou a CAMOVI e a Viveiro a todo o mundo.
O presidente, José Manuel Gómez Puente, destacou o bo tempo e o reencontro do grupo nun percorrido de 22 km entre Pedrafita e Triacastela. A próxima etapa será o 1 de maio, entre Triacastela e Sarria, e xa está aberta a inscrición no teléfono 623 22 68 25.
Ás doce en punto, tres foguetes —un por cada palabra do nome oficial— foron lanzados desde O Castrodouro, capital histórica do termo municipal e orixe da localidade, pois alí, hai 806 anos, Afonso IX concedeu o título de vila e todo un distrito que administrar; episodio histórico do que deriva o nome do concello. Os veciños reunidos mostraron a súa satisfacción pola recuperación da denominación histórica, afirmando moitos deles que nunca deixaran de empregar o nome completo. Do mesmo xeito, os maiores agradeceron aos impulsores da iniciativa a restitución do topónimo que a historia legou ao municipio alfocés.
Viveiro, 20 de abril, 2026. A proba volveu converter Viveiro nun punto destacado do deporte e da convivencia, ademais de supoñer un impulso económico para o municipio. María Loureiro destacou que a Camovi “é un exemplo de colaboración e esforzo colectivo, que sitúa Viveiro no mapa e dinamiza a economía local”. O Partido Socialista lembra o seu apoio histórico á carreira e reafirma o seu compromiso para seguir contribuíndo ao seu crecemento. O PSOE agradece tamén á veciñanza a súa acollida e implicación, fundamentais para que o evento continúe medrando ano tras ano.
Castro destacou o labor da Asociación e o potencial da tradición do ferro como motor económico, social e cultural para Riotorto, subliñando a importancia de impulsar iniciativas que garantan futuro para estes oficios. A Deputación de Lugo mantén unha colaboración estable coa entidade, cunha achega de 14.000 euros. No marco deste apoio, a Asociación avanzou na documentación dos oficios do ferro, catalogando ferramentas, técnicas e a historia das antigas “ferrerías de monte”.
O responsable provincial destacou "o traballo realizado pola organización ao longo destes anos para consolidar unha proba deportiva de primeiro nivel, que atrae tanto deportistas do máximo nivel competitivo como participación popular"
