Lugo, 12 de novembro de 2025. O Secretario Xeral do PSdeG na provincia de Lugo, José Tomé Roca, presidiu este martes unha nova reunión da Comisión Executiva Provincial, celebrada na sede do partido en Lugo.
O encontro serviu para facer balance da intensa actividade política das últimas semanas e marcar as prioridades de cara ao final de ano. A dirección provincial destacou especialmente os avances dos encontros comarcais celebrados na Mariña, na Terra Chá e no Suroeste, que están a consolidarse como unha ferramenta útil para reforzar a coordinación interna, recoller propostas do territorio e fortalecer o contacto directo coas agrupacións locais.
José Tomé subliñou que “estas xuntanzas están a dar resultados moi positivos, porque permiten que a voz da militancia e dos concellos chegue directamente á dirección provincial”. Engadiu que “o PSdeG-PSOE é o único partido que está a pisar o territorio, escoitando e traballando concello a concello, con presenza real e compromiso coa cidadanía”.
Durante a sesión abordouse a axenda do partido das vindeiras semanas, na que figuran a celebración do Comité Nacional do PSdeG e do Comité Provincial de Lugo, dúas citas clave para afondar na coordinación orgánica e definir as prioridades do novo ano político.
A dirección provincial analizou tamén a viaxe institucional encabezada por José Tomé Roca a Uruguai e Arxentina, unha misión que tivo como obxectivo reforzar as relacións institucionais e económicas con ambos países, abrir novas oportunidades de cooperación e dar proxección internacional á provincia de Lugo. O Secretario Xeral destacou que “Lugo demostrou nestes días que é unha provincia con capacidade, talento e visión. Esta misión foi un paso adiante para abrir mercados, establecer alianzas e facer visible o noso potencial fóra de Galicia”.
Este encontro evidencia o fortalecemento do PSdeG-PSOE de Lugo, un partido unido, con presenza en toda a provincia e con capacidade de liderar as respostas que agarda a cidadanía. “O socialismo lucense vive un momento de avance e cohesión que está a marcar o rumbo do futuro político da provincia.
Nesta ocasión, a homenaxeada foi a de Román. Tras unha recepción ás portas do concello, a veciñanza da parroquia desprazouse a pé ata a Igrexa de Santa María co grupo tradicional Cerna de Árbol. Na misa, cantada pola Coral Polifónica Vilalbesa, realizáronse as ofrendas e púxose en valor a tradición “dos canteiros e os traballos en pedra” en Román, unha parroquia cun destacado patrimonio histórico e cultural. Tras a celebración na igrexa, os veciños e veciñas de Román compartiron uns pinchos de fraternidade no Centro Cultural.
O corte afectará ao tramo que vai desde o principio da vía ata o punto quilométrico 0,900. Para facilitar a execución das obras, será necesario que non haxa vehículos estacionados nese treito. Os traballos, executados pola empresa Jose No Mantiñan E Hijos Construcciones, S.A., forman parte dun proxecto conxunto para a mellora e acondicionamento de varias estradas provinciais no municipio de Xove, cun investimento total superior aos 800.000 euros.
Daniel García reafirmou o apoio ao festival, que conta cunha colaboración estable e continuada da Vicepresidencia provincial desde a primeira edición e valorou "o impulso que a Asociación Fanto Fantini lle dá ano a ano ao festival, cun programa que vai máis alá do cartel musical e que profundiza na súa identificación e o seu vínculo con Burela e coa Mariña". A Vicepresidencia da Deputación achega 25.000 euros ao patricinio desta edición do Osa do Mar.
Presidenta e xerente, Carmen Cruzado e Jesús Pérez, acudiron ao Teatro a escoitar a Pepe Conde, quen fora xefe do servizo de cirurxía do HULA e persoa moi vinculada a esta vila por motivos familiares. Co seu pregón arrincaron varios días festexos que rematarán o vindeiro martes, día da patroa. Cruzado e Pérez departiron cos responsables da comisión das festas minutos antes do inicio do pregón.
No acto tamén estivo o presidente de ACRUGA, César Dorado Pin, e outras autoridades. López destacou a importancia do certame e entregou os trofeos. A Granxa Gayoso Castro, situada en Castro de Rei, é un referente provincial pola súa labor de formación, investigación e apoio á recría de Rubia Galega en colaboración coa USC e ACRUGA.
A sesión incluirá a proxección da peza, de 27 minutos de duración, e un coloquio con Ugía Pedreira sobre música, saúde e outros temas. A obra forma parte da selección oficial do Barcelona Indie Filmmakers Festival (BARCIF) 2025 e a actividade está promovida por A Pomba do Arco.
O evento comezou cunha misa na igrexa parroquial de Santa María de Meira e a continuación, tivo lugar o tradicional xantar no Pavillón dos Deportes e o recoñecemento ao home e á muller de maior idade do municipio. Nesta xornada de convivencia, Fernández Méndez puxo en valor a contribución das persoas maiores á sociedade e enxalzou o seu papel activo no municipio, “é unha satisfacción compartir este día coas nosas persoas maiores, que tanto teñen achegado á sociedade e que merecen espazos de encontro e celebración como este”.
