Lugo, 29 de novembro de 2025. A Executiva Provincial do PSdeG-PSOE na provincia de Lugo celebrou este sábado un acto de homenaxe a Isabel Rodríguez, nun encontro no que representantes do ámbito político, institucional e da sociedade civil quixeron acompañala e agradecer o traballo realizado durante a súa etapa como Subdelegada do Goberno en Lugo.
A cita, aberta á cidadanía e á sociedade civil lucense, reuniu a máis dun cento de persoas. Participaron responsables orgánicos e cargos institucionais do partido, entre eles o Secretario Xeral do PSdeG na provincia e Presidente da Deputación, José Tomé Roca; Pilar García Porto; Lara Méndez; o senador César Mogo; a deputada Patricia Otero; a nova Subdelegada do Goberno en Lugo, Olimpia López; e o alcalde de Lugo, Miguel Fernández. Ademais, acompañaron no acto compañeiras e compañeiros socialistas, voceiras e voceiros, así como alcaldes e alcaldesas da provincia.
Na súa intervención, José Tomé Roca tivo palabras de agradecemento pola traxectoria política de Isabel Rodríguez, lembrando o seu labor como concelleira en Viveiro e a súa etapa á fronte da Subdelegación do Goberno, “sempre con sentido do deber e un firme compromiso co servizo público”.
Pola súa parte, unha emocionada Isabel Rodríguez agradeceu o acto organizado pola Executiva Provincial, destacando que “tiven a honra de representar a un Goberno socialista nunha provincia que durante moitos anos estivo esquecida”. Tamén tivo unha mención especial para José Tomé “polo apoio constante e pola confianza todos estes anos”.
Rodríguez expresou ademais o seu recoñecemento ao persoal da Subdelegación do Goberno polos sete anos de traballo conxunto, así como ás forzas e corpos de seguridade do Estado -Policía Nacional, Garda Civil e Policía Local- pola súa colaboración diaria. Agradeceu igualmente o acompañamento de alcaldes, voceiros, secretarios xerais e militantes socialistas da provincia, así como do seu equipo de comunicación, amigos e amigas que asistiron ao acto. Tamén lembrou aos anteriores delegados e delegadas do Goberno cos que compartiu etapa institucional.
A modo de peche, fixo un chamamento á unidade interna: “Temos que estar todos unidos e traballar xuntos, porque sabemos o que temos en fronte. Se lle vai ben ao Partido Socialista, vainos ben a todas as veciñas e veciños da provincia de Lugo”.
Entre os asistentes atopábanse tamén representantes de colectivos e entidades sociais e económicas, como a CEL, a Federación Galega de Comercio, a Federación de Asociacións Veciñais, a Asociación Provincial de Empresarios de Hostalería e a Confederación Hidrográfica Miño-Sil. Acudiron igualmente a Presidenta da Audiencia Provincial, Sandra Piñeiro; José Manuel Río Espiño, xefe da Policía Local; Luis Miguel Romera, comisario da Policía Nacional; Guillermo Brao, inspector xefe de Policía Nacional de Viveiro; Jesús Piñeiro, ex-xefe da Policía Local; Luis Abelleira, Presidente de APREVAR; Susana Vázquez, xuíza; e José Antonio Quiroga, Presidente da CHMS.
O Restaurante Oviedo-2 será o encargado de elaborar o caldo, o compango e as filloas de sobremesa. O acto incluirá tamén lectura de poemas e música, coa participación de Eli García-Bouso, que interpretará algunhas pezas inspiradas en Rosalía de Castro. O prezo do xantar será de 15 euros para socios/as e 20 euros para non socios/as. As persoas interesadas poden inscribirse enviando un correo a agrupacionfranciscolanza@gmail.com ou mediante unha mensaxe de WhatsApp ao 699 809 606.
Neste espazo radiofónico, de 12 a 14 horas, Félix Jorquera falará coa directora do IES de Foz, Leticia Maseda, co coordinador do evento, José Ríos, así como con alumnado e profesorado participante e moi implicado nos Campionatos Internacionais de Baristas e Catas de Café, que estes días enchen Foz de xente e de aroma cafeteiro.
Os propietarios, Javier Montero e Tita Iglesias, recolleron o recoñecemento na Coruña, agradecendo o apoio da clientela, do seu equipo —formado integramente por mulleres— e da propia guía. O establecemento mantén esta recomendación desde 2021 e suma tamén un Sol Repsol, obtido en 2024 e renovado para 2026. O hotel restaurante Javier Montero abriu as súas portas en novembro de 2018.
Unha comedia orientada para público adulto dirixida por Cándido Pazó. Hora: 20.30. Sipnose: 1880, Curros Enríquez é denunciado polo bispo de Ourense por uns poemas do seu libro Aires da miña terra, un dos piares do Rexurdimento Galego. A pesar da opinión contraria do fiscal, un xuíz dá curso á denuncia e o célebre escritor é procesado e condenado.
A xornada comezou cun aperitivo no bar O Colorado, onde os socios se reuniron para o tradicional brinde previo ao xantar. O encontro continuou no Restaurante Asturias nun ambiente de fraternidade, gozando dun cocido digno de exaltación e dunha longa sobremesa. Durante a velada, os asistentes compartiron lembranzas e falaron das actividades que a asociación prepara para o futuro, nun ano no que Os Cacholeiros se achegan ao seu 35º aniversario. A entidade aproveita esta celebración para reivindicar unha vez máis os pratos tradicionais, elaborados con produtos locais e de tempada, e o labor dos establecementos hostaleiros do concello e da comarca.
A cita terá lugar ás 14.30 horas no Restaurante Louzao, en Area. A actividade, promovida polo Centro de Información á Muller e pola Delegación Municipal da Muller do Concello de Viveiro, está concibida como un encontro de convivencia e participación arredor do 8M. O prezo do xantar é de 50 euros. O Concello de Viveiro publicará nos vindeiros días a programación completa organizada con motivo do 8M.
A presidenta da Deputación, Carmela López, e outros cargos do PSdeG destacaron o valor do grelo como produto emblemático e subliñaron que iniciativas como esta impulsan a economía local, apoian ao sector produtor e reforzan a identidade do rural lucense.
