O conselleiro de Emprego, Comercio e Emigración respondeu no Pleno do Parlamento a unha pregunta sobre as últimas medidas laborais adoptadas polo Goberno central
Santiago de Compostela, 17 de decembro de 2025. O conselleiro de Emprego, Comercio e Emigración, José González, puxo en valor a acción da Xunta de Galicia a prol do emprego autónomo, cunha aposta decidida polo apoio, o acompañamento e a redución das trabas burocráticas para o colectivo, destacando ferramentas clave como a orde unificada de axudas que volverá convocarse en 2026 cun orzamento próximo aos 41 millóns de euros e coa que se agarda beneficiar arredor de 9.000 persoas.
Así o sinalou hoxe no Pleno do Parlamento, no marco da resposta a unha pregunta sobre as últimas medidas e decisións adoptadas polo Goberno central nos últimos meses en relación co mercado laboral. Fronte a un escenario estatal que —remarcou— continúa endurecéndose, incrementando as cargas fiscais e xerando incerteza normativa sen ter en conta a realidade das pemes e das persoas traballadoras autónomas, que representan o 99,8 % do tecido produtivo galego, a Xunta mantén o seu compromiso de escoitar e acompañar os axentes económicos que sosteñen o mercado laboral, crean emprego e xeran impacto no territorio, así como de seguir avanzando na simplificación administrativa.
Neste senso, salientou que o paquete de axudas para autónomos de 2026 volverá integrar os principais programas de apoio ao sector cun enfoque integral de principio a fin, abranguendo desde o inicio da actividade ata a súa consolidación e mantemento e incluíndo tamén medidas de conciliación, remuda e axudas para aquelas persoas que desexen volver iniciar un proxecto emprendedor tras unha etapa previa como autónomas.
Entre as novidades desta orde, González destacou que a cota cero, implantada en 2023 para novos autónomos durante 12 meses, estenderase ata os 24 meses no caso daqueles que inicien actividades vinculadas á agricultura, á gandaría ou á silvicultura. Ademais, o bono remuda incrementarase un 20 %, ata acadar os 1,5 millóns de euros, co obxectivo de favorecer a continuidade dos negocios e garantir a remuda xeracional. Así mesmo, sinalou que se continuará potenciando o papel crucial do comercio, con ferramentas xa en marcha como o Plan estratéxico do sector 2025-2030, artellado en consenso con todo o sector.
O titular de Emprego destacou que a eficacia das medidas impulsadas polo Executivo galego reflíctese no peso do sector en Galicia, que é a terceira CCAA con maior presenza de persoas traballadoras autónomas en relación co total das afiliacións. O colectivo representa preto do 20 %, case 4 puntos por enriba da media estatal, o que demostra a capacidade emprendedora da Comunidade e a súa contribución á creación de emprego.
Aposta polo diálogo social
O conselleiro contrapuxo o modelo da Xunta fronte a unha política estatal que —afirmou— se basea en poñer atrancos e adoptar medidas improvisadas sen diálogo social —eido que sen embardo o Goberno galego pretende institucionalizar o vindeiro ano—. Como mostra destas trabas, referiuse a iniciativas como a reforma do sistema de cotizacións das persoas traballadoras autónomas ou a implantación do sistema Verifactu, cuxa recente prórroga cualificou como un síntoma máis da falta de planificación e de consenso cos axentes sociais e económicos. Tamén sinalou as crecentes cargas ás que se ven sometidas en España as pequenas empresas e autónomos, cunha complexidade normativa —destacou— un 16 % maior que a media da UE e sendo un dos países comunitarios onde máis subiron os impostos ás empresas na última década. A este respecto, o Executivo autonómico tamén reitera a necesidade de atender unha demanda do colectivo autónomo, como é a exención do IVE para aquelas persoas cunha facturación inferior aos 85.000 euros anuais. Finalmente, José González advertiu de que outras decisións con impacto directo no tecido produtivo, como a redución da xornada laboral ou o incremento do salario mínimo interprofesional (SMI), non poden adoptarse á marxe do diálogo social nin ignorando a realidade e a estrutura das empresas. Nese contexto, remarcou a importancia da colaboración público-privada como piares fundamentais da acción do Goberno galego.
A iniciativa busca poñer en valor a diversidade cultural do municipio a través da gastronomía, convidando ás persoas de diferentes países a elaborar pratos típicos que se ofrecerán de forma gratuíta ao público. O Concello asumirá o custo dos ingredientes e asignará a cada participante un posto identificado co seu país de orixe. As inscricións poden realizarse ata o 29 de xullo enviando un correo a feiras@vilalba.es. Rouco chamou á participación para seguir construíndo unha Vilalba aberta e integradora, nunha feira que quere consolidarse como espazo de convivencia e dinamización da feira tradicional.
Ata o 4 de agosto poderán realizarse as renovacións, mantendo as tarifas aprobadas en asemblea: 200 € e 250 € para adultos, e acceso gratuíto para menores grazas ao convenio coa Fundación Imdecum, con opción voluntaria de abono infantil por 40 € con reserva de asento. A partir do 5 de agosto activaranse as novas altas. Os abonos poderán tramitarse a través de CLUBER ou presencialmente na oficina do club, con horario de mañá e tarde en xullo e só de mañá en agosto.
A Presidenta Carmela López destacou o valor deste produto emblemático da Mariña e o traballo do sector pesqueiro. Rocío Rivera e Herminia Pernas puxeron en valor a tradición mariñeira de Burela e o papel dos mariñeiros da Moncloa. O público degustou 450 tapas elaboradas con bonito nunha xornada que serviu de escaparate desta cita gastronómica e de convite a visitar Burela a próxima fin de semana.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
O campo de fútbol do Cascabeiro acolleu o pasado sábado a III Festa do Mexillón, organizada polo Celta Barreiros. Centos de persoas achegáronse a gozar dunha tarde de gastronomía e de música. En total foron servidas 670 racións entre veciñanza e visitantes, que saborearon mexillóns e lacón. Os organizadores amosasen satisfeitos da acollida: “estamos contentos pola boa resposta dos asistentes”. E tiveron palabras de agradecemento “para os Concellos de Barreiros e de Foz pola boa colaboración”.
Familias, amizades e persoas de todas as idades viviron cada xogada e cada aplauso, evidenciando que o fútbol é tamén unha oportunidade para fortalecer a convivencia e a unión da veciñanza. O municipio felicitou á Selección Española polo seu título mundial, un éxito histórico que fixo vibrar a toda a comunidade.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
